রোমানরাংনা 16 - Garo New Testament

পৌলনি সালাম হ·ন্না

¹ দা·আও আংআ আনচিংনি নগিবা ফৈবীনি গিম্মিন না·সংচা মল·মলচাক্কিংজক। বিয়া কিংক্রিয়া সংজিলমানি মন্ডলীনি দাকচাকে হন·গিবা হং·আ।

² ইসলনি মান্দিরাংখো জেদাক্কে আন·থাংনি দাক্কে রা·না নাংআ বিখো না·সং গিত্তেলনি বিমুংও উয়ানদাক্কেন আন·থাংনি দাক্কে রা·বো। মামুং হা·সেলনা বিয়া না·সংচা দাকচাকাখো হা·ম্মোদে বিনা দাকচাকবো, মুয়ানা বিয়া বাং·আ মান্দিরাংনা, আরো আংনাবা দাকচাকজক।

³ প্রিষ্কিল্লা আরো আকিলানা আংনি সালাম হন·বো। বিসং খ্রীষ্ট যীশুনি কামও আংমুং কাম দাকফাজক।

⁴ আংনি জাংগিখো জক্কেৎনা বিসং আন·থাংথাংখো সিনা হন·চাকামিং। আংআসান হং·জা, ইন্দিবা গিম্মিক গিপ্পিন জাতনি মন্ডলীরাংবা বিসংখো মিৎথেলা।

⁵ বিসংনি নক্কো মন্ডলী হং·এ জেরাং আপসান হং·আ বিসংখোবা সালাম হন·বো। এশিয়া হা·দকো খ্রীষ্টখো স্খাং জে রা·চাকামিং আংনি উয়া খা·সাগিবা রিপ্পেং ইপেনিতখো সালাম হন·বো।

⁶ মরিয়ম, না·সংনা জে বাং·এ কাম দাকজক, বিখো সালাম হন·বো। আন্দ্রনীক্‌ আরো যুনিয়খো সালাম হন·বো।

⁷ বিসং আংগিত্তান যিহূদী আরো আংমুং বিসংবা জেলো বন্দি হং·এ দংআমিং। ওয়াত্তেতারাংনি গিসেপো বিসং নাম্মেন মান্দিরা·আখো মান·গিবা মান্দি হং·আমিং। বিসং আংনা স্খাংআন খ্রীষ্টখো বিবিরা·আমিং।

⁸ গিত্তেলমুং নাংরিমগিবা আংনি খা·সাগিবা রিপ্পেং আম্‌প্লিয়াতখো সালাম হন·বো।

⁹ উর্বাণ, আনচিংমুং খ্রীষ্টনা জে কাম দাক্কা, বিখো আরো আংনি খা·সাগিবা রিপ্পেং স্তাখিস্‌খো সালাম হন·বো। আপিল্লিস্‌খো সালাম হন·বো।

¹⁰ খ্রীষ্টনি মান্দি গিত্তা বিখো থিকখেলে নিয়া হং·জক। আরিষ্টবুলনি নকনি মান্দিরাংখো সালাম হন·বো।

¹¹ হেরোদিয়োন, আংগিত্তা দাক্কেন জে যিহূদী হং·আ, বিখো সালাম হন·বো। নার্কিসনি নক্কো জেরাং গিত্তেলনি মান্দি হং·আ বিসংখো সালাম হন·বো।

¹² ত্রুফেণা আরো ত্রুফোষাখো সালাম হন·বো। ইয়া মিচিকরাং গিত্তেলনা কাম দাক্কা। খা·সাগিবা ননো পর্ষিসখোবা সালাম হন·বো। ইয়া মিচিকবা গিত্তেলনা বাং·এ কাম দাকজক।

¹³ খ্রীষ্টখো নাম্মেন বিবিরা·গিবা ইন্নে জেখো মিংসিংআ উয়া রূফখো আরো বিনি মা·গিবাখো সালাম হন·বো। বিনি মা·গিবা আংচাদে আংনি মা·আ গিত্তান হং·আ।

¹⁴ অসুংক্রিত, ফ্লিগোন, হের্মেস, পাত্রোবাস, হের্মাস্‌ আরো বিসংমুং খ্রীষ্টখো বিবিরা·গিবা গিপ্পিন জংআদারাংখোবা সালাম হন·বো।

¹⁵ ফিললগ আরো যুলিয়া, নিরীয় আরো বিনি নগিবা, ওলুমপ আরো বিসংমুং দংগিবা ইসলনি মান্দি গিম্মিকখো সালাম হন·বো।

¹⁶ খা·সানি গিসিকখো রা·এ না·সং সাকসা সাকগিপ্পিনখো সালাম হন·বো। খ্রীষ্টনি গিম্মিক মন্ডলীরাং না·সংখো সালাম হ·ন্নিংআ।

বন·খামগিবা স্খিয়ানি

¹⁷ জংআদারাং, না·সং জে স্খিয়াখো মান·জক উনি ফাংফিল্লে স্খিয়াখো হ·ন্নে জেরাং দল থারিয়া আরো চাংফেংআখো থারিয়া, বিসংখো নিরকনা আংআ না·সংখো মংসংবাত্তে মল·মলিংজক। না·সং বিসংচানি চে·ল্লে দংবো,

¹⁸ মুয়ানা ইয়া মান্দিরাং আনচিংনি গিত্তেল খ্রীষ্টনা দাকচাকে হন·গিজা বাত্তেসা আন·থাংথাংনি বিকমানাসা দাকচাকে হ·ন্নিংআ। চি·আ আরো রাসং দাকব্রুআনি খাৎথাখো আগানে বিসং সনথলগিবা মান্দিরাংখো থকাইংজক।

¹⁹ না·সংনি মানিয়ানি খাৎথাখো গিম্মিকান খিন্নাজক, আরো উনি গিম্মিন আংআ না·সংনি সাক্কাও খুসি হং·জক। জেদাক্কে না·সং নাম্মাখো হা·আইএ রা·চাকা আরো নামগিজাওনি চে·ল্লে দংআ আংআ ইখো হা·ম্মা।

²⁰ থম·থমেতগিবা ইসল থেংরিন শয়তানখো না·সংনি জা·চকনি নিং·আও গাল্লে বিন্নেকেতনুয়া। আনচিংনি গিত্তেল যীশুনি খা·সাচাক্কা না·সংনি সাক্কাও দংখানা।

²¹ আংমুং কাম দাকফাগিবা উয়া তীমথিয় না·সংখো সালাম হ·ন্নিংআ; লুকিয়, যাসোন আরো সোষিপাত্রবা না·সংখো সালাম হ·ন্নিংজক। বিসংবা আংগিত্তান যিহূদী জাতনি মান্দি হং·আ।

²² আংআ তর্তিয়, পৌলনি ইয়া চিঠিখো চক্কিংজক। গিত্তেলনি মান্দি গিত্তা আংআবা না·সংখো সালাম হ·ন্নিংজক।

^23-24 আংআ জেনি নক্কো দংআ আরো মন্ডলীনি মান্দিরাং জেনি নক্কো আপসান হং·রিমা উয়া গাইয় না·সংখো সালাম হ·ন্নিংজক। ইয়া সংজিলমানি থাংখা-পয়সারাংখো হিসাব রা·রিকানি কাম জেনি সাক্কাও দংআ উয়া ইরাস্ত আরো আনচিংনি জং কার্ত না·সংখো সালাম হ·ন্নিংজক।

²⁵ যীশু খ্রীষ্টনি গিম্মিন জে নাম্মা খাৎথাখো আংআ আগানফ্রাকা না·সংখো উয়া নাম্মা খাৎথাও খেম·খেম দন্নানি বিল ইসলনি দংআ। বাং·আ চাসংনা দিপ্পাৎ ইসল বিনি সিউল দনগিবা মিকসংআনিখো দারাংনাবা আগানখুজা,

²⁶ ইন্দিবা নাম্মা খাৎথাচা উখো দা·আও ফারাকজক আরো উগিত্তান আংআ আগানফ্রাকিংজক। ফাংনাজলগিবা ইসলনি গি·য়েতা গিত্তা আগানসোগিবারাংনি চক্কাও গিম্মিক জাতনি মান্দিরাংচা উখো হা·আইএতজক, জেদাক্কে বিসং খ্রীষ্টখো বিবিরা·এ ইসলখো মানিনা মা·ন্না।

²⁷ বিয়া সাকসাসান ইসল, বিয়ান হা·আইগিবা হং·আ। যীশু খ্রীষ্টচা ফাংনাজলনা বিনিন রাসং হং·খানা। আমেন।