ফারাকগিবা খাৎথা 8 - Garo New Testament

স্নিগিবা সীলমোহর

¹ জা·মানো মেষ বি·সা জে সময়ও স্নিগিবা সীলমোহরখো ফি·জক উয়া সময়ও সালগিও আধা ঘণ্টানি গিত্তা জ্রিপজ্রিপ দংজক।

² জে সাকস্নি সা·গ্রে ইসলনি মিকখাংও চাদেংএ দংআ আংআ বিসংখো নিকনা মান·জক। বিসংনি জাক্কো গি·স্নি সিংগা হন·জক।

³ উনি জা·মানো দা·আও সাকসা সা·গ্রে রি·বাএ গানচিনি মিকখাংচা চাদেংজক। বিনি জাক্কো গি·সা চা·চেৎ সো·আনি সোনানি দনচাক্রা দংআমিং। বিনা বাং·এ চা·চেৎখো হন·জক জেদাক্কে বিয়া সিংহাসননি মিকখাংনি সোনানি গানচিনি সাক্কাও ইসলনি দিমদাক মান্দিরাংনি বি·আমুং উয়া চা·চেৎখো ফাকওয়াতা।

⁴ উয়া সা·গ্রেনি জাকওনি চা·চেৎনি ওয়াল·খুয়া ইসলনি মান্দিরাংনি বি·আমুং সাক্কাচানা ইসলনি মিকখাংও গাদোয়াংজক।

⁵ উনো উয়া সা·গ্রে গানচিওনি ওয়াল·খু রা·এ উয়া চা·চেৎ দনগিবা দনচাক্রাখো গাপ্পেতজক আরো হা·গিলসাকচানা গাল্লেতজক। উনি গিম্মিন মিকখা খিমফ্রেতানি গা·ম্মারাং আরো নাংআ-নাংসি গাম·ফ্রেতারাং, আরো মিকখা রিপরাপা আরো বাংগুরিয়া হং·জক।

গি·স্নি সিংগা

⁶ জে সাকস্নি সা·গ্রেনি জাক্কো গি·স্নি সিংগা দংআমিং, উনি জা·মানো বিসং উরাংখো সিকনা থারিসোজক।

⁷ স্খাংগিবা সা·গ্রে বিনি সিংগাখো সিক্কেতানি জা·মানো হান·চিগ্মাং স্থিল আরো ওয়া·আল হা·গিলসাকওনা গাল্লেতা হং·জক। উনি গিম্মিন বাক গিত্থামনি বাকসা হা·গিলসাক, বাক গিত্থামনি বাকসা বলবিফাং আরো দিমদাক জেংরাং খামজক।

⁸ উনি জা·মানো গ্মিগিবা সা·গ্রে বিনি সিংগাখো সিকজক। উনো খানসা দা·ল্লা চিং·গিবা হা·ব্রি গিত্তা দাক্কা খানসা বস্তু সাগালচা গাল্লেতা হং·জক। উনো সাগালনি বাক গিত্থাম চিনি বাকসা চি হান·চি হং·আংজক,

⁹ সাগালনি বাক গিত্থামনি বাকসা জাংগিগ্মাংগিবারাং সিথকজক, আরো বাক গিত্থামনি বাকসা জাহাস বন·চকৎজক।

¹⁰ জা·মানো গিত্থামগিবা সা·গ্রে বিনি সিংগাখো গা·ম্মেতজক। উনো রংসা দা·ল্লা আস্কি গিত্তা চিং·এ চিং·এ সিলগাওনি গা·আকজক।

¹¹ উয়া আস্কিনি বিমুংখো খা·গিবা বল মিংআমিং। বাক গিত্থামনি বাকসা চিবিমা আরো চিমিকনি সাক্কাও উয়া আস্কি গা·আকজক। উনি হা·সেল বাক গিত্থাম চিনি বাকসা খা·জক আরো উয়া খা·গিবা চিনি হা·সেল বাং·আ মান্দি সিজক।

¹² উনি জা·মানো ব্রিগিবা সা·গ্রে বিনি সিংগাখো সিকজক। উনি গিম্মিন সালনি বাক গিত্থামনি বাকসা, জাজংনি বাক গিত্থামনি বাকসা আরো আস্কিরাংনি বাক গিত্থামনি বাকসা আন্দালজক। সালনি বাক গিত্থামনি বাকসাও আরো ওয়ালনি বাক গিত্থামনি বাকসাও মামুং সেং·আ দংজাজক।

¹³ জা·মানো আংআ দো·রেং মাংসাখো সিলগাও নাম্মেন সাক্কাচা বিল্লাখো নিকজক, আরো উয়া দো·রেংখো রাক্কে আগানাখো খিন্নাজক, “গিপ্পিন সা·গ্রে সিংগাখো সিকনা হা·ম্মিংজক, বিসংনি সিংগা সিকজোকনো জেরাং ইয়া হা·গিলসাকনি হং·আ বিসংনি হং·সিয়া, হং·সিয়া, হং·সিয়া হং·নুয়া।”