ফারাকগিবা খাৎথা 6 - Garo New Testament

সীলমোহররাং

¹ মেষ বি·সা জে সময়ও উয়া খানস্নি সীলমোহররাংনি স্খাংগিবাখো ফি·ইংআমিং উনো আংআ নিয়েতজক; আরো আংআ উয়া সাকব্রি জাংগিগ্মাংগিবারাংনি গিসেপো সাকসাখো মিকখা খিমফ্রেতা গিত্তা খু·রাংও আগানাখো খিন্নাজক, “রি·বাবো।” উনো আংআ মাংসা গিব্বক ঘোড়াখো নিকনা মান·জক।

² জেআন উনি সাক্কাও আসংএ দংআমিং বিনি জাক্কো গি·সা চ্রি দংআমিং। বিনা গি·সা মুকুটখো হন·জক আরো বিয়া হামগিবা গিত্তা হং·খাতে হামরোরোএ রি·জক।

³ মেষ বি·সা জে সময়ও গ্মিগিবা সীলমোহরখো ফি·জক উনো আংআ গ্মিগিবা জাংগিগ্মাংগিবানি আগানাখো খিন্নাজক, “রি·বাবো।”

⁴ উনো ওয়া·আল গিত্তা গিচ্চাকা দা·আও মাংসা ঘোড়া হং·খাতজক। জেআন উনি সাক্কাও আসংএ দংআমিং বিনা হা·গিলসাকনিখো থম·থমাখো রা·দোআংখানা বিল হন·জক, জেদাক্কে মান্দিরাং সাকসা সাকগিপ্পিনখো স·ওতে গাল্লা। বিনা গি·সা দাল·বিয়া তরুয়ালখোবা হন·জক।

⁵ মেষ বি·সা জে সময়ও গিত্থামগিবা সীলমোহরখো ফি·জক উনো আংআ গিত্থামগিবা জাংগিগ্মাংগিবানি আগানাখো খিন্নাজক, “রি·বাবো।” জা·মানো আংআ মাংসা গিসিম ঘোড়াখো নিকজক। জেআন উনি সাক্কাও আসংএ দংআমিং বিনি জাক্কো গি·সা থগিবা দংআমিং।

⁶ আরো আংআ উয়া সাকব্রি জাংগিগ্মাংগিবারাংনি গিসেপো সাকসাখো আগানাখো খিন্নাজক, “সাকসা কাম রি·ম্মে চা·গিবানি সালসানি কামনা সেরসা গম বা সের গিত্থাম যবখো মা·ন্না। তেল আরো আংগুর বিৎচিখো না·আ দা·আ নাসিয়েতাবো।”

⁷ মেষ বি·সা জে সময়ও ব্রিগিবা সীলমোহরখো ফি·জক উনো আংআ ব্রিগিবা জাংগিগ্মাংগিবানি আগানাখো খিন্নাজক, “রি·বাবো।”

⁸ উনো আংআ বকদেলেপগিবা মাংসা ঘোড়াখো নিকজক। জেআন উনি সাক্কাও আসংএ দংআমিং বিনি বিমুং হং·জক সিয়া; আরো সিগিবা হা·দাম বিনি থিক জা·মান জা·মান রি·ইংআমিং। হা·গিলসাকনি বাক ব্রিনি বাকসানি সাক্কাও বিসংনা বিলখো হন·জক, জেদাক্কে বিসং মি·ল্লাম, আকাল, সিয়া আরো হা·গিলসাকনি ব্রিংনি মাৎবুরুংরাংচা মান্দিরাংখো স·ওতে গাল্লা।

⁹ জে সময়ও বিয়া বংআগিবা সীলমোহরখো ফি·জক উনো আংআ গি·সা গানচিনি খা·মাও ইন্দাকগিবা মান্দিরাংনি গিসিকখো নিকনা মান·জক জেরাংখো ইসলনি খাৎথানি গিম্মিন আরো সাক্ষি হ·ন্নানি গিম্মিন স·ওতে গালজকমিং।

¹⁰ বিসং রাক্কে চ্রিকে আগানজক, “ও রংথালগিবা আরো বিবিগিবা গিত্তেল, জেরাং ইয়া হা·গিলসাকনি হং·আ, বিসংখো বিচাল দাকনা আরো বিসংনি সাক্কাও চিংনি হান·চিনি গান্দাস্খাখো দাকনা না·আ আরবা বাসিক হারিমখুনুয়া?”

¹¹ উনো বিসং গিম্মিকনা গি·ফ্রাক দাক্কে গিব্বক চলাখো হন·জক আরো আগানজক, বিসংমুং রিম·ফাগিবা আরো জংআদারাং, জেরাংখো বিসং গিত্তান দাক্কে স·ওতে গাল্লা হং·নুয়া বিসং চু·সকগিজা দিপ্পাৎদে বিসং জেদাক্কে আরোবা অকখিসা সময় সেংসোখুয়া।

¹² জা·মানো আংআ নিকজক, বিয়া জে সময়ও দকগিবা সীলমোহরখো ফি·জক উনো বিল্লংএ বাংগুরিজক। সাল নাম্মেন গিসিমজক আরো জাজং হান·চি গিত্তা গিচ্চাকজক।

¹³ বালওয়া থারাকজোকনো জেদাক্কে ডুমুর বিফাংওনি ডুমুর সময় হং·গিজান গা·আকারিয়া উয়ানদাক্কেন সিলগানি আস্কিরাং হা·গিলসাকনি সাক্কাও থাকওয়াতে গা·আকজক।

¹⁴ বিল·রিরিমে দনগিবা লেকখা গিত্তান সিলগা বিল·রিরিমজক; আরো গিম্মিক হা·ব্রি আরো চিচাং আন·থাংথাংনি হা·দামওনি জিত্তাংআরিজক।

¹⁵ হা·গিলসাকনি গিম্মিক রাজা আরো দাল·গিবা মান্দিরাং, সুবিদার, মা·ন্নে চা·গিবা আরো বিল্লাকগিবা মান্দিরাং আরো সাকফ্রাক নকখল আরো জাকগিত্তেল মান্দিরাং হা·ব্রিনি হা·খলরাংচা আরো রং·থিনি মিৎথিনারাংচা আন·থাংরাংখো থুম্মুয়ে গালজক।

¹⁶ বিসং হা·ব্রি আরো রং·থিরাংখো আগানজক, “চিংনি সাক্কাও গা·আকবো আরো জেআন উয়া সিংহাসনও আসংএ দংআমিং বিনি মিকখাংওনি আরো মেষ বি·সানি খা·আওনাংআওনিখো চিংখো থুম্মুয়ে দনবো,

¹⁷ মুয়ানা বিসংনি খা·আওনাংআখো ফারাকানি উয়া দাল·বাৎগিবা সাল সকবাংজক, আরোবা সা উনি মিকখাংও চাদেংএ দংনা মা·ন্না?”