ফারাকগিবা খাৎথা 18 - Garo New Testament

বাবিল সংজিলমা বন·জক

¹ উনি জা·মানো আংআ দা·আও সাকসা সা·গ্রেখো সালগিওনি হং·খাতে রি·বাখো নিকজক। বিনি দাল·গিবা বিল দংআমিং আরো হা·গিলসাক বিনি রাসংও থেং·সুজক।

² বিয়া রাক্কে চ্রিকে আগানজক, “বন·জক, উয়া সংজিলমা বন·জক! উয়া দা·আওদে নামগিজাগিবা গিসিকরাংনি দংআনি হা·দাম হং·জক আরো সাকফ্রাকফ্রাক নামগিজাগিবা গিসিকরাংনি থম·দাকগিবা আরো মারাং নাংগিবা আরো সাক্কাও বিলগিবা দো·ওরাংনি বিচাপ হং·জক।

³ মুয়ানা উয়া উনি থিল·লেকানি চুখো গিম্মিক জাতনান রিংনা হন·জক। হা·গিলসাকনি রাজারাং উমিং থিল·লেকজক, আরো হা·গিলসাকনি বাদিংগিবারাং উনি লাগামগ্রি হা·সিকাচা নকমা হং·জক।”

⁴ জা·মানো আংআ সালগিওনি দা·আও সাকসাখো আগানাখো খিন্নাজক, “আংনি মান্দিরাং, না·সং বাবিলওনি হং·খাতে রি·বাবো জেদাক্কে বিনি পাপনি বাকখো না·সং মান·ফাজা, আরো জে সাবিসিরাং উনি সাক্কাও গা·আকনুয়া উনি মামিংখোন না·সংনি চাকনা নাংজাখানা।

⁵ বিনি পাপ সিলগাওনা সক্কে চু·য়াকজক আরো বিনি নামগিজা কামনি খাৎথাখো ইসল গিসিক রা·জক।

⁶ উয়া গিপ্পিনরাংমিং জেগিত্তা হান·সেংএ জাকখালা উমিংবা উগিত্তান জাকখালবো; উনি কামনি গিম্মিক বিথিখো উনা হন·বো। জে দনচাক্রাও উয়া গিপ্পিনরাংনা নামগিজাখো ব্রিননুয়ামিং, উয়ো উনি গিম্মিক শাসিখো ব্রিনে উনা রিংনা হন·বো।

⁷ বিয়া আন·থাংনি গিম্মিনো জেসিক রাসং দাকজক, জেসিক নামজাস্রাং দাক্কে দংখামজক, উসিকান গিচ্চিয়া আরো দুকখো উনা হন·বো; মুয়ানা উনি খা·থংও উয়া চানচিয়া, ‘আংআদে রানি হং·এ আসংএ দংআ, আংআ রান্দি হং·জা; মামিংদাক্কেবা আংআ দুকখো চাকজানুয়া।’

⁸ উনি গিম্মিন সালসাওন গিম্মিক সাবিসি উনি সাক্কাও গা·আকনুয়া; উরাং হং·জক সিয়া, দুক আরো আকাল। ওয়া·আলচা উখো সো·এ গালনুয়া, মুয়ানা জেআন উখো বিচাল দাকনুয়া উয়া গিত্তেল ইসল বিল্লাকস্রাংগিবা হং·আ।”

⁹ হা·গিলসাকনি জে রাজারাং উমিং থিল·লেকজক আরো নামগিজা দাক্কে উমিং দংখামজক বিসং উখো সো·এ গাল্লানি সময়ও ওয়াল·খু নিক্কে গ্রাপনুয়া আরো উনা দুক দাকনুয়া।

¹⁰ বিসং উনি গিচ্চিয়াখো নিক্কে খেন্নে চেল·লাও চাদেংএ আগান্নুয়া, “আইয়াও বাবিল, আইয়াও! উয়া সংজিলমা, বিলগ্মাং উয়া সংজিলমা! ইন্দাকে খনতাসাওন নাং·নি শাসি সকবাজক!”

¹¹ হা·গিলসাকনি বাদিংগিবারাংবা উনা গ্রাপনুয়া আরো দুক দাকনুয়া, মুয়ানা বিসংনি জিনিসরাংখো সাকসাবা ব্রিজানুয়া।

¹² বিসংনি উয়া বস্তুরাংও দংআ- সোনা, রূপা, গামচাতগিবা রং·থি আরো মুক্তা; সেন·চিপচিপ মদিনানি বা·রা, রংনি বা·রা, রেশমী আরো গিচ্চাকা বা·রা; বাং·আ সিম্মিলা গানথং আরো মংমানি ওয়াগামনিখো থারিয়া বাং·আ বস্তুরাং; নাম্মেন গামচাতগিবা গানথংচা থারিয়া আরো পিতল, সিল আরো মার্বেল রং·থিচা থারিয়া বাং·আ বস্তুরাং;

¹³ দালচিনি, এলাচি, চাচাৎ, সিম্মিলগিবা তেল আরো কুন্দুরু; আংগুর বিৎচি, তেল, ময়দা আরো গম; মা·সু আরো মেষ, ঘোড়া আরো গাড়ি আরো নকখল।

¹⁴ উয়া বাদিংগিবারাং আগান্নুয়া, “জে বিথিখো না·আ মান·না হাম·মামিং উয়া নাং·ওনি চেল·লাংজক; নাং·নি গিম্মিক গাম আরো রাসং বন·জক। মান্দিরাং আর মামিং সালোবা উরাংখো মান·জানুয়া।”

¹⁵ জেরাং ইয়া বস্তুরাংখো বাদিংএ নকমা হং·আমিং উয়া বাদিংগিবারাং উনি গিচ্চিয়াখো নিক্কে খেন্নে চেল·লাচা চাদেংএ দংনুয়া।

¹⁶ বিসং গ্রাপে গ্রাপে দুক দাক্কে আগান্নুয়া, “আইয়াও, আইয়াও! সেন·চিপচিপ মদিনানি বা·রা আরো গিচ্চাকা বা·রাখো গানগিবা আরো সোনা, গামচাতগিবা রং·থি আরো মুক্তাচা থারিয়া উয়া সংজিলমা!

¹⁷ ইন্দিসিক বাং·গিজা সালওন নাং·নি ইন্দাকা গামরাং গিম্মিক নাসিজক!” জাহাসনি দাল·গিবা কাম রিম·গিবা, চি রামা গিত্তা রি·গিবারাং, জাহাসখো চালাইগিবারাং আরো সাগালও জেরাং বাদিংআ বিসং গিম্মিকান চেল·লাচা চাদেংএ দংজক।

¹⁸ বিখো সো·মিত্তিংও ওয়াল·খু নিক্কে বিসং চ্রিকে আগান্নুয়া, “আর বাগিবা সংজিলমা ইয়া সংজিলমা গিত্তা দাক্কা?”

¹⁹ বিসং বিসংনি স্খুও হা·দুলাখো হন·নে চ্রিকনুয়া আরো গ্রাপে গ্রাপে দুক দাক্কে আগান্নুয়া, “আইয়াও, উয়া সংজিলমা, আইয়াও! সাগালও জেরাংনি গাম দংআ বিসং বিনি গামচান নকমা হং·আমিং; আরো নিবো, খনতাসাওন বিয়া বন·নাংজক!”

²⁰ উনো উয়া সা·গ্রে আগানজক, “ও সালগি, উয়া সংজিলমানি বন·নানা হান·সেংবো। ইসলনি মান্দিরাং, ওয়াত্তেতারাং আরো আগানসোগিবারাং হান·সেংবো। না·সংনি সাক্কাও বিয়া জেখো দাক্কামিং উনি গিম্মিন ইসল বিনি বিচালখো দাকজক।”

²¹ জা·মানো সাকসা বিল্লাকগিবা সা·গ্রে জাতা গিত্তা দাল·বিয়া গি·সা রং·থিখো রা·এ সাগালও গাল্লেতি আগানজক, “ইন্দাকেন উয়া বাবিল সংজিলমাখো গাল্লেতনুয়া। উখো আর মামিং সালোবা মান·জানাজক/মান·জানুয়া।

²² জেরাং বাংসি সিক্কা, গিত রিং·আ আরো বাংসি বা সিংগা সিক্কা বিসংনি গাম·মাখো আর মামিং সালোবা নাং·ও খিন্নাজানাজক/খিন্নাজানুয়া। মামিং সালোবা নাং·ও কাম রিম·গিবাখো মান·জানুয়া। জাতানি মামুং গাম·মাখো নাং·ও আর মামুং সালোবা খিন্নাজানাজক/খিন্নাজানুয়া।

²³ চাক্কিনি সেং·আ আর মামিং সালোবা নাং·ও থেং·সুজানুয়া। চাওয়ারি-নামচিকনি গিত্তকনি খু·রাংখোবা নাং·ও মামিংসালোবা খিন্নাজানুয়া। নাং·নি বাদিংগিবারাং হা·গিলসাকো মংসংগিবা হং·আমিং, আর গিম্মিক জাতআন নাং·নি মনতলনা ব্রাংনুয়ামিং।

²⁴ আগানসোগিবারাংখো, ইসলনি মান্দিরাংখো আরো জে মান্দিরাংখো ইয়া হা·গিলসাকো দক্কে গালজক বিসংনি হান·চিখো ইয়া বাবিলওন মান·জক।”