ফারাকগিবা খাৎথা 16 - Garo New Testamentইসলনি খা·আও নাংআও গাপ্পা গি·স্নি দনচাক্রা 1 জা·মানো আংআ খিন্নাজক, উয়া থরম নকওনি উয়া সা·গ্রে সাকস্নিখো সাকসা রাক্কে রাক্কে ইন্দাকে আগানিংআ, “না·সং রি·য়াংএ ইসলনি খা·আও নাংআও গাপগিবা গি·স্নি দনচাক্রাখো হা·গিলসাকনি সাক্কাও ফাক্কেবো।” 2 উনো স্খাংগিপ্পা সা·গ্রে রি·য়াংএ আন·থাংনি দনচাক্রাখো হা·গিলসাকনি সাক্কাও ফাক্কেতজক। উনি গিম্মিন জেরাংনি সাক্কাও উয়া মাৎবুরুংনি চিন দংআমিং আরো জেরাং বিনি বিমাংখো অলাখিনুয়ামিং বিসংনি বে·এনো নাম্মেন নামগিজা আরো বিষগ্মাং ফোড়া হং·খাতজক। 3 গ্মিগিপ্পা সা·গ্রে আন·থাংনি দনচাক্রাখো সাগালনি সাক্কাও ফাক্কেতজক। উনো সাগালনি চি সিয়া মান্দিনি হান·চি গিত্তা হং·জক, আরো সাগালনি গিম্মিক জাংগিগ্মাংরাং সিথকজক। 4 জা·মানো গিত্থামগিবা সা·গ্রে চিবিমা আরো চিমিকনি সাক্কাও আন·থাংনি দনচাক্রাখো ফাক্কেতজক। উনি হা·সেল হান·চিনি চিবিমা আরো চিমিক হং·আংআরিজক। 5 চিনি সাক্কাও জে সা·গ্রেনি বিল দংআমিং আংআ বিখো ইয়া খাৎথাখো আগানাখো খিন্নাজক: “ও রংথালগিবা, না·আ দংআ আরো না·আ দংআমিং। না·আ খাকখেৎগিবা, মুয়ানা না·আ ইয়া শাসিখো হন·জক। 6 ইয়া মান্দিরাং ইসলনি মান্দিরাংখো আরো আগানসোগিবারাংখো স·ওতে গালজক। উনি গিম্মিন না·আ বিসংনা ইয়া হান·চিখো রিংনা হন·জক আরো ইয়ান বিসংনা খ্রাজক।” 7 আংআ গানচিওনি সাকসাখো ইন্দাকে আগানাখো খিন্নাজক: “বিল্লাকস্রাংগিবা গিত্তেল ইসল, নাং·নি গিম্মিক বিচাল বিবি আরো খাকখেৎ হং·আ।” 8 সাকব্রি সা·গ্রে সালনি সাক্কাও আন·থাংনি দনচাক্রাখো ফাক্কেতজক। উনি হা·সেল মান্দিরাংখো ওয়া·আলচা সো·এতনা সালনা বিলখো হন·জক। 9 উনো নাম্মেন দিং·দোএ মান্দিরাংনি বে·এন খামজক, আরো ইয়া সাবিসিরাংনি সাক্কাও জেনি বিল দংআ বিসং উয়া ইসলখো চন্নিকনা হা·বাচেংজক। ইন্দিবা বিসং গিসিক ফিল·জাজক আরো ইসলনি রাসংখো দাকজাজক। 10-11 জা·মানো বংআগিবা সা·গ্রে উয়া মাৎবুরুংনি সিংহাসননি সাক্কাও বিনি দনচাক্রাখো ফাক্কেতজক। উনি গিম্মিন উয়া মাৎবুরুংনি সংনক আন্দালজক। সা·দিকানা মান্দিরাং বিসংনি স্রিবাকখো চিকনা হা·বাচেংজক আরো বিসংনি ইয়া সা·দিকা আরো ফোড়ানা বিসং সালগিনি ইসলখো চন্নিকনা হা·বাচেংজক, ইন্দিবা বিসং বিসংনি নামগিজা কামওনি গিসিক ফিল·লেতজাজক। 12 জা·মানো দকগিপ্পা সা·গ্রে দাল·বাৎগিবা চিবিমা ইউফ্রেটিসনি সাক্কাও আন·থাংনি দনচাক্রাখো ফাক্কেতজক। উনি গিম্মিন সালারামনি হা·সংনি রাজারাংনি রি·য়ানি রামা থারিনা ইন্নে উয়া চিবিমানি চি থিপজক। 13 উনো আংআ দিপ্লক গিত্তা সাকগিত্থাম গিসিকখো নিকনা মান·জক। উরাং উয়া চিপ্পু, উয়া মাৎবুরুং আরো উয়া দাকমিকগিবা আগানসোগিবানি খু·সুকওনি হং·খাতে রি·বাংআমিং। 14 উয়া নামগিজাগিবা গিসিকরাং আইয়াও ইনমানগিবা কামরাংখো দাক্কিংআমিং। বিল্লাকস্রাংগিবা ইসলনি উয়া দাল·বিয়া সালো দাকগ্রিকনা ইন্নে বিসং হা·গিলসাক গিম্মিকনি রাজারাংখো আপসান চিম্মংজক। 15 যীশু আগানা, “নিবো, আংআ চা·খক গিত্তা রি·বানুয়া। উয়া মান্দি ফাত্তিয়া মান·গিবা হং·আ, জেআন মিকরাকে দংআ আরো আন·থাংনি বা·রাখো গান্নে দংআ, জেদাক্কে বিখো খমলং হং·এ রোমনা নাংজা আরো মান্দিরাং বিনি খ্রা·চাখো নিকনা মান·জা।” 16 ইব্রীয় খু·সুকচা জে হা·দামনি বিমুং হরমাগিদোন, নামগিজাগিবা গিসিকরাং উয়া রাজারাংখো উনো থম·মেতজক। 17 জা·মানো স্নিগিবা সা·গ্রে বিনি দনচাক্রাখো বালওয়াও ফাক্কেতজক। উনো থরম নকনি সিংহাসনওনি রাক্কে ইয়া খাৎথারাংখো আগানা হং·জক, “জেআন হং·আনি উয়া হং·আংজক।” 18 উনো মিকখা রিপরাপজক, নাম্মেন গাম·না নাংজক আরো মিকখা খিমপ্রেতনা হা·বাচেংজক আরো ইন্দাকে বিল্লংএ বাংগুরিজক জে দাক্কাখো হা·গিলসাকো মান্দি হং·চেংআনি জা·মানোনি আর মামিং সালোবা নিকখুজামিং। উয়া বাংগুরিয়া নাম্মেন বিল্লংআমিং। 19 বিমিং দংগিবা সংজিলমা বাক গিত্থাম হং·আংজক আরো দিংথাং দিংথাং জাতরাংনি সংজিলমা গা·আকাংজক। জা·মানো উয়া বাবিলখো ইসল গিসিক রা·জক, আরো বিয়া বিনি খা·আও নাংআনি চুখো রিংচাক্রাও গাপ্পে বাবিলনা রিংনা হন·জক। 20 উনো গিম্মিক চিচাং গিম্মাজক আরো হা·ব্রিরাংখো আর নিকজাজক। 21 সিলগাওনি মান্দিনি সাক্কাও দাল·লা রং·থি গিত্তা স্থিল গা·আকনা হা·বাচেংজক। উনি গি·ফ্রাকআন হং·আমিং 36 কেজি। উনি হা·সেল মান্দিরাং স্থিলনি মাত্তানা ইসলখো জিনা হা·বাচেংজক, মুয়ানা উয়া স্থিলনি মাত্তা বিল্লংআমিং। |
This translation was published by The Bangladesh Bible Society in 2004 © BBS 2004.