ফিলিপীয়রাংনা 1 - Garo New Testament

¹ তীমথিয় আরো আংআ পৌল- চিংআ খ্রীষ্ট যীশুনি নকখল হং·আ। খ্রীষ্ট যীশুমুং নাংরিমগিবা ইসলনি জে মান্দিরাং ফিলিপী সংজিলমাচা দংআ চিংআ বিসংচা আরো বিসংখো নিরক্ষিগিবারাংচা আরো বিসংনা দাকচাকে রন·গিবারাংচা চক্কিংজক।

² আনচিংনি ফাগিবা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো রন·খানা।

ফিলিপীয়রাংনা বি·আ

³ আংআ না·সংখো গিসিক রা·আ দিপ্পাতান আংনি ইসলখো মিৎথেলা।

⁴ না·সংনা বি·মিত্তিংও আংআ ফাংনান খুসি হং·এ বি·এ দংআ,

⁵ মুয়ানা যীশু খ্রীষ্টনি গিম্মিনো নাম্মা খাৎথাখো আগানফ্রাকানি কামনা না·সং স্খাংওনি দা·আওনা দিপ্পাৎ আংনা দাকচাকে রি·বাংজক।

⁶ আংনি ইন্দাকা বিবিরা·আ দংআ, না·সংনি খা·থংও জেআন নাম্মা কামখো দাকনা হা·বাচেংজক বিয়া খ্রীষ্ট যীশুনি রি·বানি সালোনা দিপ্পাৎ উখো দাক্কে ব·ন্নেতনুয়া।

⁷ না·সং দিমদাকনা আংনি চানচিয়া ইন্দাকে হং·আন খ্রাআ, মুয়ানা না·সং আংনি খা·সাগিবা হং·আ। আংআ জেলো দংনা বা নাম্মা খাৎথানা চাক্কে চাদেংএ উনি বিবিখো ফিন্নিকনা, উনি হা·সেল না·সং দিমদাকান আংমুং ইসলনি খা·সাচাক্কাখো মান·রিকফাগিবা হং·আ।

⁸ খ্রীষ্ট যীশুনি খা·সাখো খা·থংও দন্নে আংআ না·সংখো বাসিক খা·সাআ উনি সাক্ষি ইসল হং·আ।

⁹ আংআ বি·না জেদাক্কে না·সংনি খা·সাআ হা·আইয়ামুং আরো বিচাল-বুদ্ধিমুং আপসান হং·এ বাড়িরিকরিকা।

^10-11 ইন্দাকোদে নামবিবিয়াখো না·সং হা·আইচাকে বাচ্ছিয়ে রা·না মা·ন্নুয়া। উনোদে না·সং যীশু খ্রীষ্টও খাকখেৎ জাংগিনি বিথিচা চু·সকে খ্রীষ্টনি রি·বানি সালোনা দিপ্পাৎ খাকখেৎ আরো দোসগ্রি দংনা মা·ন্নুয়া, আরো ইনি হা·সেল ইসলনি রাসং আরো মিৎথেলা হং·নুয়া।

জাংগিনি অর্থ খ্রীষ্ট

¹² জংআদারাং, আংআ হা·ম্মা জেদাক্কে না·সং ইখো হা·আইনা মা·ন্না, আংনি সাক্কাও জেরাং হং·জক উনি হা·সেল নাম্মা খাৎথাখো আগানফ্রাকানি কাম আরোসা বাতরিকরিকাংজক।

¹³ আরো উনি হা·সেল ইনি রাজানি সিপাইরাং আরো গিপ্পিনরাং হা·আইনা মান·জক, খ্রীষ্টনি গিম্মিনান আংআ বন্দি হং·এ দংইংজক।

¹⁴ ইনা আগ্রে আংনি ইন্দাকে বন্দি হং·এ দংআনি গিম্মিন বাং·আ জংআদারাং গিত্তেলনি সাক্কাও আরোসা বাং·এ ফাংচাকনা স্খিজক আরো উনি গিম্মিনান বিসং খেনচাকগিজা ইসলনি খাৎথাখো আগানফ্রাকনা আরোসা ফাস্রাংজক।

¹⁵ বিসংনি গিসেপো সাবা সাবা মিকনেংআখো আরো মা·আৎগ্রিকানি গিসিকখো রা·এ খ্রীষ্টনি গিম্মিন আগানফ্রাকা, দা·আবা গিপ্পিনরাংদে নাম্মাখো মিকসংএন উখো দাক্কা।

¹⁶ ইয়া মান্দিরাংনি গিসিকো খা·সাআ দংআ ইন্নেন বিসং খ্রীষ্টনি গিম্মিনো আগানফ্রাকা, মুয়ানা বিসং ইখো হা·আইয়া, নাম্মা খাৎথানা চাদেংএ খাৎথা আগান্না ইন্নেন আংখো দনজক।

¹⁷ ইন্দিবা উয়া স্খাংগিবা দলনি মান্দিরাং আন·থাংথাংনি নাম্মানা খ্রীষ্টনি গিম্মিন আগানফ্রাকে দংআ, নামগিবা মিকসংআখো রা·এ উখো দাকজা। বিসং চানচিয়া, ইনি হা·সেল আংনি বন্দি দংআ অবস্থাও বিসং আংখো দুক র·ন্না মা·ন্নুয়া।

¹⁸ ইন্দিবা উনি হা·সেল মুয়া হং·আ? চং·মত খাৎথা হং·জক, ইনি গিম্মিন জেদাক্কেন হং·খানা খ্রীষ্টখো আগানফ্রাকা হং·ইংজক- উয়া দাকমিকনা মিকসংএন হং·খানা আরো নাম্মাখো মিকসংএন হং·খানা; আরো উনান আংআ খুসি হং·আ। আংনি ইয়া হান·সেংআ মামুং সালোবা বন·জানুয়া,

¹⁹ মুয়ানা আংআ হা·আইয়া, আংনি সাক্কাও জেরাং হং·জক উনি বন·চতগিবা বিথি হং·নুয়া আংনি জক্কা; আরো উয়া না·সংনি বি·আচা আরো যীশু খ্রীষ্টনি গিসিকনি দাকচাকাচান হং·নুয়া।

²⁰ আংনি বিবিরা·আ খেম·খেম দংআ, আংআ মামুংনান খ্রাচা·জানুয়া বাত্তেসা আংআ বাং·এ ফা·আনুয়া, স্খাংও আংনি গিসেপো খ্রীষ্টনি রাসং জেদাক্কে ফারাকামিং উয়ানদাক্কে দা·আওবা ফারাকনুয়া-আংআ থাংএবা দং বা সিয়েবা দং;

²¹ মুয়ানা আংনা জাংগি হং·জক খ্রীষ্ট আরো সিয়া হং·জক মান·দাপা।

²² ইন্দিবা আংআ থাংএন দংওদে উয়া আংখো ইন্দাকগিবা মিংসা কামনা চল দাক্কে র·ন্নুয়া জেও বাং·এ বিথি হং·আ। বাগিবাখো আংআ বাচ্ছিয়ে রা·নুয়া উখো হা·আইজা।

²³ সামগ্মিআন আংখো সাল্লিংজক। আংআ সিয়ে খ্রীষ্টমুং দংনা হা·ম্মা, মুয়ানা উয়ান বাং·এ নাম্মা।

²⁴ ইন্দাকোবা না·সংনা আংনি আরোবা বাং·এ থাংএ দংনা নাংআ।

²⁵ আংআ থাংএ দংনুয়া ইখো আংআ হা·আইবিবিয়া আরো না·সং দিমদাকমুংআন দংনুয়া, জেদাক্কে না·সংনি বিবিরা·আ বাং·আংআ আরো উনোদে না·সং খুসি হং·আ।

²⁶ উনি গিম্মিন না·সংওনা দা·আবা রি·বানি হা·সেল না·সং খ্রীষ্ট যীশুও আংখো রা·এ হান·সেংবিনুয়া।

²⁷ দাল·বাতা খাৎথা ইয়ান, ইন্দাকফিল্লে না·সং না·সংনি জাংগিখো থাংএতা জেআন খ্রীষ্টনি গিম্মিনো নাম্মা খাৎথানা খ্রাআ। ইন্দাকোদে আংআ আন·থাং রি·বাএ না·সংখো নিআ বা চে·ল্লাওনি না·সংনি খাৎথাখো খিন্নাআ, আংআ হা·আইনুয়া, না·সং গিসিকো আপসান হং·এ চাদেংএ খেম·খেমে দংআ আরো জে বিবিরা·আ নাম্মা খাৎথাচা রি·বাআ উনি গিম্মিন আপসান হং·এ কাম দাক্কিংজক।

²⁸ জেরাং না·সংনি বোবিল দাক্কে দংআ বিসংনি মামুংনা না·সং দা·আ খেন্নাবো। ইয়োন নিকনা মা·ন্নুয়া, বিসং ব·ন্নাংইংজক আরো না·সং জক্কাখো মা·ন্না রি·য়াংইংজক; আরো ইয়া জক্কা ইসলচানিন রি·বাআ।

²⁹ না·সংনা খা·সাচাকজক জেদাক্কে খ্রীষ্টখোসান না·সং বিবিরা·আ ইন্দাকে হং·জা, উনি গিম্মিন দুকখোবা চাকনা মা·ন্না।

³⁰ স্খাংও না·সং জেদাক্কে আংনি দুক চাক্কাখো নিকজক আরো দা·আওবা উনি গিম্মিন জেখো খিন্নাংজক, না·সংবা উয়ানদাকগিবা দুকও গা·আকজক।