মথিনি চকগিবা নাম্মা খাৎথা 6 - Garo New Testament

হ·ন্নানি বিদিংও স্খিয়া

¹ ‘‘সিমসাকবো, মান্দিরাং নিকখানা ইন্নে বিসংনি মিকখাংও দা·আ থরম দাক্কাবো; দাক্কোদে না·সংনি সালগিও দংগিবা ফাচানি না·সংনি মামুং মা·ন্নানি দংজানুয়া।

² ‘‘উনি গান্দা না·আ দিল্লা-চন্নারাংনা মামুংখো হ·ন্নানি সালো বু·এ চা·গিবারাং গিত্তা দা·আ দাক্কাবো। বিসংদে মান্দিরাংচানিখো রাসংখো মা·ন্না ইন্নে থম·দাকরামচা আরো রামারাংও গিম্মিকনা হা·আইএতে হ·ন্নানিখো হ·ন্না। আংআ না·সংনা বিবিন আগানিংআ, বিসং আন·থাংথাংনি মা·ন্নানিখো মান·থকজক।

³ ইন্দিবা না·আ দিল্লা-চন্নারাংনা মামুংখো হন·মিত্তিংও নাং·নি জাক্রা জাক মুয়াখো দাক্কিংআ উখো নাং·নি জাক্কাসি জাকনা দা·আ হা·আইনা হ·ন্না,

⁴ জেদাক্কে নাং·নি হ·ন্নানিরাং মিৎথিনাও হ·ন্না গিত্তা হং·আ। ইন্দাকোদে মিৎথিনাও গিম্মিকখো নিকগিবা নাং·নি ফাগিবান নাং·নি মা·ন্নানিখো নাং·না হ·ন্নুয়া।

বি·আনি গিম্মিন স্খিয়া

⁵ ‘‘না·সং বি·মিত্তিংও বু·এ চা·গিবারাং গিত্তা দা·আ দাক্কাবো, মুয়ানা বিসং মান্দিরাংনা আন·থাংথাংখো ফিন্নিকনা ইন্নে থম·দাকরামও আরো সরক মিকখাংও চাদেংএ বি·না নামনিকা। আংআ না·সংনা বিবিন আগানিংআ, বিসং আন·থাংথাংনি মা·ন্নানিখো মান·থকজক।

⁶ ইন্দিবা নাং·নি বি·মিত্তিংও নকনিং·আচা রি·য়াংএ দ·গা চিপচাংবো আরো মিৎথিনাও দংগিবাচা বি·বো। মিৎথিনাও নিকগিবা উয়া ফাগিবান নাং·নি মা·ন্নানিখো নাং·না হ·ন্নুয়া।

⁷ ‘‘বি·মিত্তিংও না·সং গিপ্পিন জাতরাং গিত্তা হং·গিজা নাংগিজা খাৎথারাংখো ফিল·নিফিল দা·আ আগানাবো। খু·সুক বাং·এ আগানজকোন ইসল বিসংনি বি·আখো খিন্নাচাকনুয়া ইন্নে বিসং চানচিয়া।

⁸ বিসং গিত্তা দা·আ দাক্কাবো, মুয়ানা না·সংনি মুয়া নাংআ উখো না·সংনি ফাচা বি·না স্খাংআন বিয়া হা·আইয়া।

⁹ উনি গান্দা না·সং ইন্দাকে বি·বো: ও সালগিও দংগিবা চিংনি ফাগিবা, নাং·নি বিমুংখো রংথালা ইন্নে ইনথকনা।

¹⁰ নাং·নি সংনক রি·বাখানা। সালগিও জেদাক্কে উয়ানদাক্কে হা·গিলসাকোবা নাং·নি নামনিকা চু·সকখানা।

¹¹ চিংনি চা·না নাংআখো দা·আলো চিংনা হন·বো।

¹² চিংনি সাক্কাও জেরাং অন্যায় দাক্কা, চিংআ জেদাক্কে বিসংখো ক্ষেমা দাকজক উগিত্তান না·আবা চিংখো ক্ষেমা দাকবো।

¹³ চিংখো রুরাওনা দা·আ গাল্লাবো, ইন্দিবা শয়তাননি জাকনিখো চিংখো জক্কেৎবো।

¹⁴ না·সং গিপ্পিনরাংনি নামগিজাখো ক্ষেমা দাক্কোদে সালগিও দংগিবা না·সংনি ফাগিবা না·সংখোবা ক্ষেমা দাকনুয়া।

¹⁵ ইন্দিবা গিপ্পিনরাংখো না·সং ক্ষেমা দাকজাওদে না·সংনি ফাআ না·সংখোবা ক্ষেমা দাকজানুয়া।

অকগুমুন চাক্কানি বিদিংও স্খিয়া

¹⁶ ‘‘না·সং অকগুমুন চাকমিত্তিংও বু·এ চা·গিবারাং গিত্তা মিকখাংখো দা·আ সিমফ্রাকেতে দন্না। বিসংদে মান্দিরাংনা ফিন্নিকনা ইন্নে স্খুও আরো মিকখাংও হা·দুবুখো সিত্তে রোরামা। আংআ না·সংনা বিবিন আগানিংআ, বিসং আন·থাংথাংনি মা·ন্নানিখো মান·থকজক।

¹⁷ ইন্দিবা নাং·নি অকগুমুন চাকমিত্তিংও না·আ স্খুও তেলখো সিতবো আরো মিকখাংখো মিকসুবো,

¹⁸ জেদাক্কে গিপ্পিনরাং নাং·নি অকগুমুন দংআখো হা·আইজা। ইন্দাকোদে মিৎথিনাও দংগিবা নাং·নি ফাগিবান নাং·খো নিকনুয়া। মিৎথিনাও গিম্মিকখো নিকগিবান নাং·নি মা·ন্নানিখো হ·ন্নুয়া।

জাংগিনি নাংবাৎগিবানি বিদিংও স্খিয়া

¹⁹ ‘‘ইয়া হা·গিলসাকো না·সং আন·থাংথাংনা গামজিনরাংখো দা·আ চিম্মংআবো। ইনোদে মারাম চা·আ আরো জ·ওংরাং নাসিয়েতে গাল্লা আরো চা·খক চা·উয়া।

²⁰ ইন্দিবা সালগিও মারাম চা·জা, জ·ওংরাং রাতজা আরো চা·খকবা চা·ওজা। উনি গান্দা সালগিও আন·থাংথাংনা গাম চিম্মংবো,

²¹ মুয়ানা জেও নাং·নি গামজিনরাং দংনুয়া নাং·নি গিসিকবা উয়োন দংনুয়া।

²² ‘‘মিক্রোন বে·এননি চাক্কি। উনি গান্দা নাং·নি মিক্রোন নাম্মোদে নাং·নি বে·এন গিম্মিকান থেং·সুুনুয়া।

²³ ইন্দিবা নাং·নি মিক্রোন নামজাওদে নাং·নি বে·এন গিম্মিকান আন্দালনুয়া। নাং·নি নিং·আও দংগিবা সেং·আ আন্দালান হং·ওদে উয়া বাদাকগিবা আন্দালা হং·নুয়া!

²⁴ ‘‘দারাংবা নকগিবা সাকগ্মিনি নকখল হং·না মান·জা, মুয়ানা বিয়া সাকসাখো মিৎচিনুয়া আরো সাকগিপ্পিনখো খা·সানুয়া। বিয়া সাকসাখো নামনিকনুয়া আরো সাকগিপ্পিনখো চন্নিকনুয়া। না·সং ইসলনি আরো গামজিননি নকখল হং·না মান·জা।

²⁵ ‘‘উনি গান্দা আংআ না·সংনা আগানিংআ, মুয়াখো চা·নুয়া-রিংনুয়া ইন্নে না·সংনি জাংগিনা বা মুয়াখো গান্নুয়া চিন্নুয়া ইন্নে না·সংনি বে·এননা দা·আ সিমব্রাবো। চা·না রিংনাসান জাংগি হং·জা আরো গান্না চিন্নাসান বে·এন হং·জা।

²⁶ ‘‘সাক্কানি দো·দ্রাংখো নিবো, উরাং গামজা, রাতজা, জামওবা চিম্মংজা, ইন্দিবা না·সংনি সালগিনি ফাগিবা উরাংনা চা·আনিখো হ·ন্না। না·সং উরাংনা বাত্তে নাম্মেন গামচাতজামা?

²⁷ না·সংনি গিসেপো চানচিয়েমুং সা আন·থাংনি জাংগি থাংআনি বিলসিখো ঘণ্টাসানা বাত্তেতনা মা·ন্না?

²⁸ ‘‘গান্না-চিন্না মুয়ানা চানচিয়া? হা·বানি বিবালরাং বাদিকে দাল·রোরোআ উখো চানচিবো। উরাং গামজা, খিলদিংবা সাকজা।

²⁹ ইন্দিবা আংআ না·সংনা আগানিংআ, শলোমন রাজা বিনি রাসং গিম্মিকো দংএবা ইরাংনি গি·সা গিত্তাবা নিথুয়ে আন·থাংখো গান্নেতনা চিন্নেতনা মান·জাজক।

³⁰ দা·আলো হা·বাও দংগিবা জে সামচেংরাংখো আম্বুনো চুদাপো গাল্লেতনুয়া, উখো ইসল ইন্দাকে থারিওদে ও বিবিরা·ব্রিগিজাগিবারাং, বিয়া না·সংখোবা উনা বাত্তে গান্নেত-চিন্নেতনুয়া।

³¹ উনি গান্দা ‘মুয়াখো চা·নুয়া’ বা ‘মুয়াখো গান্নুয়া’ ইন্নে দা·আ চানচিয়াবো। গিপ্পিন জাতরাংআন ইরাংখো রা·এ চানচিয়া;

³² ইয়া গিম্মিকখোন না·সংনা নাংআ ইন্নে না·সংনি সালগিনি ফাগিবা হা·আইয়া।

³³ ইন্দিবা না·সং স্খাংআন ইসলনি সংনক আরো বিনি হা·সিকা গিত্তা রি·না হাম·চেংবো। ইন্দাকোদে উয়া বস্তুরাংখোবা না·সং মা·ন্নুয়া। আম্বুন সালনা দা·আ চানচিয়াবো;

³⁴ আম্বুন সালনি চানচিয়াখো আম্বুননান দন্নারিবো। সালনি নেং·আ উয়া সালনান চু·য়োংআ।