মথিনি চকগিবা নাম্মা খাৎথা 3 - Garo New Testament

রিপ্পলেতগিবা যোহননি আগানফ্রাকা

¹ জা·মানো রিপ্পলেতগিবা যোহন যিহূদিয়ানি হা·গিসি জওলোনা রি·বাএ ইন্দাকে আগানফ্রাকনা হা·বাচেংজক,

² ‘‘পাপওনি গিসিক ফিল·বো, মুয়ানা সালগিনি সংনক সেফাংবাজক।’’

³ ইয়া যোহননি গিম্মিনান যিশাইয় আগানসোগিবা আগানসোআমিং, হা·গিসি জওলো সাকসানি খু·রাং চ্রিকে আগানিংআ, ‘‘না·সং গিত্তেলনি রামাখো থারিসোবো, বিনি রি·য়ানি রামাখো স্রংএ থারিবো।’’

⁴ যোহন উট খিম্মিলনি বা·রাখো গান্নুয়ামিং আরো মাত বিগিলচা খাংখারিখো খানুয়ামিং। বিয়া হাগুকরাংখো আরো ব্রিংনি বিজা বিৎচিখো চা·নুয়ামিং।

⁵ যিরূশালেম, যিহূদিয়া গিম্মিক আরো যর্দন চিবিমানি সামব্রিও দংগিবা মান্দিরাং উনো বিচা রি·বানা হা·বাচেংজক।

⁶ ইয়া মান্দিরাং আন·থাংথাংনি পাপখো খু·রাচাক্কানি জা·মানো যোহন বিসংখো যর্দন চিবিমাও রিপ্পলেতজক।

⁷ জা·মানো যোহন নিকনা মান·জক ফরীশী আরো সদ্দূকীরাং বাং·এন রিপ্পলনা বিচা রি·বাংজক। বিয়া বিসংখো আগানজক, ‘‘চিপ্পুনি দেদ্রাং! ইসলচানি রি·বাগিবা শাস্তিওনি খাত্তাংনা ইয়া বুদ্ধিখো সা না·সংনা হন·জক?

⁸ ইন্দিদে না·সং পাপওনি গিসিক ফিল·জক উনি খ্রাগিবা বিথিখো না·সংনি জাংগি থাংআও ফিন্নিকবো।

⁹ না·সং অব্রাহামনি মা·চংনি দেদ্রাং, ইখো আন·থাংথাংনি গিসিকো আগান্না মা·ন্নুয়া ইন্নে দা·আ চানচিয়া। আংআ না·সংখো আগানিংআ, ইসল ইয়া রং·থিরাংওনিখো অব্রাহামনি দেদ্রাংখো থারিনা মা·ন্না।

¹⁰ বলবিফাংনি জা·থিংও রুয়াখো দন্নান দংআ। জে বিফাংও নাম্মা বিথি নাংজা উখোদে দেন·ফাকেন ওয়া·আলো গাল্লেতনুয়া।

¹¹ গিসিক ফিল·জক ইন্নে আংআ না·সংখো চিও রিপ্পলেতিংআ, ইন্দিবা আংনি জা·মানচা রি·বাগিবাদে আংনা বিল্লাকবাত্তা। আংআদে বিনি জা·খপখো রিপ্পিএ রা·নাবা খ্রাজা। বিয়া না·সংখো গিসিক রংথালগিবাও আরো ওয়া·আলো রিপ্পলেতনুয়া।

¹² বিনি জাক্কোন রুয়ান দংআ আরো আন·থাংনি মি মাড়াইগিবা হা·দামখো বিয়া নাম্মেদাক্কেন রংথালেতনুয়া। বিয়া আন·থাংনি মিখো জামও চিম্মংনুয়া, ইন্দিবা বিবুখোদে খিম্মিতনা মান·গিজাগিবা ওয়া·আলো সো·এ গালনুয়া।’’

গিত্তেল যীশুনি রিপ্পলা

¹³ উনোন রিপ্পলনা ইন্নে যীশু গালীলওনি যর্দন চিবিমানি রিক্কামো যোহনচা রি·বাজক।

¹⁴ ইন্দিবা যোহন বিখো ইন্দাকে আগানে বেং·আমিং, ‘‘আংআসা নাং·চানিখো রিপ্পলাখো মা·ন্না নাংআ; ইন্দিবা না·আ আংচানা রি·বাজক!’’

¹⁵ উনো যীশু বিনা আগানচাকজক, ‘‘ইন্দিবা দা·আও ইন্দাকেন হং·খানা, মুয়ানা ইসলনি হা·সিকাখো ইন্দাকেন আনচিং চু·সকেতনা খ্রাআ।’’ উনোন যোহন বিখো রিপ্পলেতনা গং·জক।

¹⁶ রিপ্পলানি জা·মানো যীশু চিওনি গাখাতমিত্তিংওন বিনি মিকখাংও সিলগা ফ্রাকাংজক। বিয়া কইতর গিত্তা বিনি সাক্কাও ইসলনি গিসিকনি হং·ওনবাখো নিকনা মান·জক।

¹⁷ উনোন সালগিচানি ইয়া খাৎথাখো আগানজক, ‘‘ইয়ান আংনি খা·সাগিবা দেফান্থি, জেও আংআ খুসি হং·বিয়া।’’