মথিনি চকগিবা নাম্মা খাৎথা 10 - Garo New Testament

সাকচিগ্মি জা·রিকগিবারাংখো ওয়াত্তেতা

¹ যীশু বিনি সাকচিগ্মি জা·রিকগিবারাংখো রিক্কামজক আরো গিসিক নামগিজাগিবারাংখো হা·রিকনা আরো গিম্মিক সাআরাংখো নাম্মেতনা বিল হ·ন্নে বিসংখো ওয়াত্তেতজক।

² উয়া সাকচিগ্মি ওয়াত্তেতারাংনি বিমুংরাং ইয়ান: শিমোন জেখো পিতর মিংআ, উনি জা·মানো বিনি জংগিবা আন্দ্রিয়; সিবদিয়নি দে যাকোব আরো বিনি জংগিবা যোহন; ফিলিপ আরো বর্‌থলময়;

³ থোমা আরো খাজিনা গিলগিবা মথি; আলফেয়নি দে যাকোব আরো থদ্দেয়;

⁴ হা·সংনা খা·ফাকগিবা শিমোন আরো যীশুখো বোবিলনি জাক্কো রি·ম্মে হন·গিবা ইষ্কারিয়োত যিহূদা।

⁵ যীশু উয়া সাকচিগ্মিনা ইরাংখো গি·য়েতে ওয়াত্তেতজক, না·সং গিপ্পিন জাতরাংচা বা শমরিয়রাংনি সংচা দা·আ রি·য়াংআ,

⁶ ইন্দিবা ইস্রায়েলনি মা·চংনি ব্রাংগিবা মেষরাংচা রি·য়াংবো।

⁷ রি·য়াংমিত্তিংও না·সং ইন্দাকে আগানফ্রাকে রি·য়াংবো, সালগিনি সংনক সেফাংও সকবাজক।

⁸ ইনা আগ্রে না·সং জমগিবারাংখো নাম্মেতবো, সিগিবারাংনা জাংগি হন·বো, খনচিরিত্তামগিবারাংখো নাম্মেতবো আরো গিসিক নামগিজাগিবারাংখো হা·রিকবো। না·সং ইন্দিনারি মা·ন্না, ইন্দিনারিন হন·বো।

⁹ না·সংনি খাংখারি খাআনিও না·সং সোনাখো, রূপাখো বা তামানি থাংখাখোবা দা·আ রা·আংআবো।

¹⁰ রি·য়াংনাগিবা রামানা দকরা, চলাবা·রা ফাৎগ্মি, জা·খপ বা গল·দিকখোবা দা·আ রা·আংআ, মুয়ানা কাম রিম·গিবাদে আন·থাংনা চা·আনিখো মা·ন্না খ্রাআ।

¹¹ “না·সং জে সংজিলমাচা বা সংচা রি·য়াংনুয়া উয়ো খ্রাগিবা মান্দি সাকসাখো সান্দিয়ে রা·বো আরো গিপ্পিনচা রি·য়াংখুজানা দিপ্পাৎ বিনি নক্কোন দংবো।

¹² উয়া নকনিং·আচা নাপমিত্তিংও বিসংখো সালাম হন·বো।

¹³ উয়া নক খ্রাআওদে ইন্দাকোদে না·সংনি থম·থমা উয়া নকনি সাক্কাও রি·বাখানা। ইন্দিবা খ্রাজাওদে না·সংনি থম·থমা না·সংনি সাক্কাওন ফিল·বাখানা।

¹⁴ দারাংবা না·সংখো রা·চাকসোজাওদে বা না·সংনি খাৎথাখো খিন্নাচাকজাওদে ইন্দাকোদে উয়া নকওনি বা সংওনি হং·খাতমিত্তিংও আন·থাংথাংনি জা·ফানি হা·দুলাখো দকফ্রংবো।

¹⁵ আংআ না·সংনা বিবিন আগানিংআ, বিচালনি সালো উয়া সংনা বাত্তে সদোম আরো ঘমোরা সংজিলমান বাং·খালে চাকথআনি হং·নুয়া।

জা·রিকগিবারাংনি গিম্মিনো স্খিয়া

¹⁶ “নিবো, মাৎচা হা·রেকনি গিসেপো মেষরাং গিত্তা আংআ না·সংখো ওয়াত্তেতিংআ। উনি গিম্মিন চিপ্পু গিত্তা সিমসাকবিগিবা আরো কইতর গিত্তা সনথলগিবা হং·বো।

¹⁷ সিমসাকবো, মান্দিরাং বিচাল দাকগিবারাংচা না·সংখো রি·ম্মে হ·ন্নুয়া আরো বিসংনি থম·দাকরামও না·সংখো বেতচা দকনুয়া।

¹⁸ হা·সংনি শাসন দাকগিবা আরো রাজারাংনি মিকখাংও আংনি হা·সেলান না·সংখো রিম্মাংনুয়া জেদাক্কে বিসংচা আরো গিপ্পিন জাতরাংচা না·সং সাক্ষি হ·ন্না মা·ন্না।

¹⁹ জেনসালো মান্দিরাং না·সংখো রি·ম্মে হ·ন্নুয়া উনসালো বাদিকে দাক্কে আরো মুয়াখো আগান্না নাংনুয়া উখো রা·এ দা·আ চানচিয়া। মুয়াখো আগান্নুয়া উখো উনসালোন না·সংনা আগানে হ·ন্নুয়া।

²⁰ না·সংআন আগান্নুয়া ইন্দাকে হং·জা, ইন্দিবা না·সংনি ফা ইসলনি গিসিক না·সংনি গিসেপো খাৎথা আগান্নুয়া।

²¹ “জংআদা জংআদাখো আরো ফাআ দেখো স·ওতে গালনা রি·ম্মে হ·ন্নুয়া। দেদ্রাং মা·আ-ফানা চাখাত্তে বিসংখো স·ওতেতনুয়া।

²² আংনি হা·সেল গিম্মিকান না·সংখো মিৎচিনুয়া, ইন্দিবা বন·চতওনা দিপ্পাৎ চাকচিকগিবান জক্কাখো মা·ন্নুয়া।

²³ বাগিবাবা সংনি মান্দিরাং না·সংখো হা·রিকোদে সংগিপ্পিনচা খাতবো। আংআ না·সংনা বিবিন আগানিংআ, ইস্রায়েলনি গিম্মিক সংজিলমা আরো সংচা না·সংনি কাম ব·ন্নানি স্খাংআন মান্দিনি দেফান্থি রি·বানুয়া।

²⁴ “স্খিগিবানা বাত্তে স্নিংগিবা দাল·বাৎজা আরো নকগিবানা বাত্তে নকখল দাল·বাৎজা।

²⁵ স্নিংগিবা আন·থাং স্খিগিবা গিত্তা আরো নকখল আন·থাং নকগিবা গিত্তা আপসান হং·আন চু·য়োংআ। বিসং নকনি নকগিবাখোন বেল্‌সবূল মিংওদে, ইন্দাকোদে বাদিকে উনা বাতখালে নকনি গিপ্পিন মান্দিরাংখোবা বেল্‌সবূল মিংনুয়া!

²⁶ ‘‘ইন্দিবা না·সং বিসংনা দা·আ খেন্নাবো, মুয়ানা থুম্মুয়ে দনগিবা গিম্মিকখোন ফারাকানি হং·নুয়া আরো মিৎথিনাও দনগিবা গিম্মিকখোন হা·আইএতনুয়া।

²⁷ আংআ জেখো না·সংনা আন্দালাও আগানিংআ উখো না·সং সেং·আও আগানবো। জেখো না·সং নাচিখলো খিন্নাংআ উখো নকরাংনি সাক্কাও আগানফ্রাকবো।

²⁸ জেরাং বে·এনখোসান স·ওতনা মা·ন্না ইন্দিবা জাংগিখো স·ওতনা মান·জা বিসংনা দা·আ খেন্নাবো। ইন্দিবা বে·এন আরো জাংগি ইয়া গি·গ্মিখোন নরকচা ব·ন্নেতনা মান·গিবানাসা খেনবো।

²⁹ দো·চক মাংগ্মিখো অকখিসা পয়সানা ফালজামা? ইন্দিবা না·সংনি ফাগিবা ইসলনি হ·ন্নানি আগ্রে উরাংনি মাংসাবা হা·আওনা গা·আকজা;

³⁰ আরো না·সংনি স্খুনি খিন্নিরাংবা চান্না দংআ।

³¹ উনি গিম্মিন না·সং দা·আ খেন্না। দো·চকনাবা বাত্তে না·সং গামচাৎবাত্তা।

³² “মান্দিরাংনি মিকখাংও আংখো খু·রাচাকগিবাখো আংআবা সালগিও দংগিবা আংনি ফানি মিকখাংও খু·রাচাকনুয়া।

³³ ইন্দিবা মান্দিরাংনি মিকখাংও আংখো জিচাকগিবাখো আংআবা সালগিও দংগিবা আংনি ফানি মিকখাংও জিচাকনুয়া।

³⁴ “আংআ হা·গিলসাকো থম·থম হং·আনিখো হ·ন্না রি·বাজক ইন্নে দা·আ চানচিয়া। আংআ থম·থম হং·আনিখো হ·ন্না রি·বাজা ইন্দিবা মান্দিনি সাক্কাও মান্দিখো চাখাত্তেতনা রি·বাজক;

³⁵ দেখো ফাথাংনি সাক্কাও, দেমিচিকখো মাথাংনি সাক্কাও, নামচিকখো নিওথাংনি সাক্কাও চাংফেংগ্রিকেতনা রি·বাজক।

³⁶ আন·থাংনি নকনি মান্দিরাংআন আন·থাংথাংনি বোবিল হং·নুয়া।

³⁷ “আংনা বাত্তে মা·আ-ফানা খা·সাবাৎগিবা আংনা খ্রাজা। আরো আংনা বাত্তে দেফান্থি দেমিচিকনা খা·সাবাৎগিবা আংনা খ্রাজা।

³⁸ আন·থাংনি চিসলখো রা·এ আংনি রামাও রি·ফাগিজাগিবাবা আংনা খ্রাজা।

³⁹ জাংগিথাংখো রাক্ষিনা হাম·গিবা বিনি চং·মত জাংগিখো গিম্মায়েতনুয়া; ইন্দিবা আংনি গিম্মিন জাংগিথাংখো গিম্মায়েতগিবা চং·মত জাংগিখো রাক্ষিনুয়া।

⁴⁰ “জে মান্দি না·সংখো রা·চাকা বিয়া আংখোন রা·চাকা; আরো জে মান্দি আংখো রা·চাকা বিয়া আংখো ওয়াত্তেতগিবাখোন রা·চাকা।

⁴¹ আগানসোগিবা ইন্নে আগানসোগিবাখো রা·চাকগিবা আগানসোগিবানি মা·ন্নানিখো মা·ন্নুয়া। থরমি মান্দি ইন্নে থরমি মান্দিখো রা·চাকগিবা থরমি মান্দিনি মা·ন্নানিখো মা·ন্নুয়া।

⁴² জে মান্দি ইয়া চনগিবা মান্দিরাংনি গিসেপো সাকসাখো আংনি জা·রিকগিবা ইন্নে চি খা·সিনাখো দিকথেসা রিংনা হ·ন্না, বিবিন আংআ না·সংনা আগানিংআ, বিয়া মামুং দাক্কেবা আন·থাংনি মা·ন্নানিখো গিম্মায়েতজানুয়া।”