মথিনি চকগিবা নাম্মা খাৎথা 1 - Garo New Testament

গিত্তেল যীশু খ্রীষ্টনি মা·চং

¹ যীশু খ্রীষ্ট দায়ূদনি মা·চংনি আরো দায়ূদ অব্রাহামনি মা·চংনি মান্দি। যীশু খ্রীষ্টনি মা·চংনি মান্দিরাং ইয়ান:

² অব্রাহামনি দেফান্থি ইস্‌হাক; ইস্‌হাকনি দেফান্থি যাকোব; যাকোবনি দেফান্থি যিহূদা আরো বিনি জংগিবারাং;

³ যিহূদানি দেফান্থি পেরস আরো সেরহ-বিসংনি মা·গিবা হং·জক তামর; পেরসনি দেফান্থি হিষ্রোণ; হিষ্রোণনি দেফান্থি রাম;

⁴ রামনি দেফান্থি অম্মীনাদব; অম্মীনাদবনি দেফান্থি নহশোন; নহশোননি দেফান্থি সল্‌মোন;

⁵ সল্‌মোননি দেফান্থি বোয়স-বিনি মা·গিবা হং·জক রাহব; বোয়সনি দেফান্থি ওবেদ-বিনি মা·গিবা হং·জক রূত; ওবেদনি দেফান্থি যিশয়;

⁶ যিশয়নি দেফান্থি রাজা দায়ূদ। দায়ূদনি দেফান্থি শলোমন-বিনি মা·গিবা হং·জক ঊরিয়নি রান্দি জিকগিবা;

⁷ শলোমননি দেফান্থি রহবিয়াম; রহবিয়ামনি দেফান্থি অবিয়; অবিয়নি দেফান্থি আসা;

⁸ আসানি দেফান্থি যিহোশাফট; যিহোশাফটনি দেফান্থি যোরাম; যোরামনি দেফান্থি ঊষিয়;

⁹ ঊষিয়নি দেফান্থি যোথম; যোথমনি দেফান্থি আহস; আহসনি দেফান্থি হিষ্কিয়;

¹⁰ হিষ্কিয়নি দেফান্থি মনঃশি; মনঃশিনি দেফান্থি আমোন; আমোননি দেফান্থি যোশিয়;

¹¹ যোশিয়নি দেফান্থি যিকনিয় আরো বিনি জংগিবারাং-বাবিল হা·সংচা ইস্রায়েল জাতরাংখো রি·ম্মে রা·আংমিত্তিংও ইয়ারাং দংআমিং।

¹² যিকনিয়নি দেফান্থি শল্‌টিয়েল-ইস্রায়েল জাতরাংখো বাবিল সংজিলমাচা রি·ম্মে রা·আংআনি জা·মানো বিয়া আৎচিয়ামিং; শল্‌টিয়েলনি দেফান্থি সরুব্বাবিল;

¹³ সরুব্বাবিলনি দেফান্থি অবিহূদ; অবিহূদনি দেফান্থি ইলিয়াকিম; ইলিয়াকিমনি দেফান্থি আসোর;

¹⁴ আসোরনি দেফান্থি সাদোক; সাদোকনি দেফান্থি আখীম; আখীমনি দেফান্থি ইলিহূদ;

¹⁵ ইলিহূদনি দেফান্থি ইলিয়াসর; ইলিয়াসরনি দেফান্থি মত্তন; মত্তননি দেফান্থি যাকোব; যাকোবনি দেফান্থি যোষেফ- বিয়া মরিয়মনি সেগিবা।

¹⁶ ইয়া মরিয়মনি অক্কো যীশু আৎচিয়ামিং, জেখো খ্রীষ্ট মিংআ।

¹⁷ ইন্দাকে অব্রাহামওনি দায়ূদওনা দিপ্পাৎ চাসং চি·ব্রি; দায়ূদওনি বাবিলচা রি·ম্মে রা·আংআনি সময়ওনা দিপ্পাৎ চাসং চি·ব্রি; বাবিলো রি·য়াংআওনি খ্রীষ্টওনা দিপ্পাৎ চাসং চি·ব্রি।

গিত্তেল যীশু খ্রীষ্টনি আৎচিয়া

¹⁸ যীশু খ্রীষ্ট ইন্দাকে আৎচিয়ামিং। যোষেফমুং যীশুনি মা·গিবা মরিয়মনি বিয়া থিক হং·আমিং, ইন্দিবা বিসং আপসান দংনা স্খাংআন গিসিক রংথালগিবানি বিলচা মরিয়ম হা·ন্নোগ্মাং হং·আমিং।

¹⁹ মরিয়মনি সেগিবা যোষেফ থরমি মান্দিমিং, ইন্দিবা বিয়া মরিয়মখো মান্দিরাংনি মিকখাংও খ্রাচা·এতনা হাম·জাজক; ইনি গিম্মিন বিয়া সিউল দাক্কে বিখো ওয়াতনা চানচিজক।

²⁰ যোষেফ ইরাংখো চানচিমিত্তিংও গিত্তেলনি সা·গ্রে জুমাংচা বিনা মিকখাং ফা·এ আগানজক, ‘‘ও দায়ূদনি দেফান্থি যোষেফ, মরিয়মখো খিমনা দা·আ খেন্নাবো, মুয়ানা বিনি অক্কো খেগিবা, গিসিক রংথালগিবানি বিলচান হং·আ। বিনি সাকসা দেফান্থি হং·নুয়া।

²¹ না·আ বিনি বিমুংখো যীশু মিংবো, মুয়ানা বিয়া আন·থাংনি মান্দিরাংখো বিসংনি পাপরাংনিখো জক্কেৎনুয়া।’’

²² ইরাং হং·আমিং জেদাক্কে আগানসোগিবানি আগানগিবা গিত্তেলনি ইয়া খাৎথা চু·সকা:

²³ ‘‘মি·থ্রা সাকসা অক্কো খেনুয়া, বিয়া সাকসা দেফান্থিখো বা·নুয়া, বিনি বিমুংখো ইম্মানূয়েল মিংনুয়া।’’ জেখো ফি·ওদে, চিংমুং ইসল, হং·আ।

²⁴ গিত্তেলনি সা·গ্রে যোষেফখো জেদাক্কে গি·য়েতামিং, থুয়ানি চাখাত্তে বিয়া উয়ানদাক্কেন দাকজক।

²⁵ বিয়া মরিয়মখো খিমজক, ইন্দিবা দেফান্থি আৎচিখুজানা দিপ্পাৎ বিমুং আপসান হং·জাজক। জা·মানো যোষেফ দেফান্থিগিবানি বিমুংখো যীশু মিংজক।