যোহননা 3 - Garo New Testament

গিত্তাল দাক্কে আৎচিয়ানি গিম্মিন

¹ নীকদীম মিংগিবা ফরীশী সাকসা যিহূদীরাংনি দাল·বাৎগিবা দংআমিং।

² সালসা ওয়াল্লো বিয়া যীশুচা রি·বাএ আগানজক, “স্খিগিবা, চিংআ হা·আইয়া না·আ সাকসা স্খিগিবা গিত্তা ইসলোনি রি·বাজক, মুয়ানা নাং·মুং ইসল দংজাওদে দারাংবা নাং·নি দাকগিবা আইয়াও ইনমানগিবা কামখো দাকনা মান·জা।”

³ যীশু নীকদীমনা আগানজক, “আংআ নাং·না বিবিন আগানিংআ, গিত্তাল দাক্কে আৎচিজাওদে দারাংবা ইসলনি সংনকখো নিকনা মান·জা।”

⁴ উনোন নীকদীম বিনা আগানজক, “মান্দি বুদেফা হং·আনি জা·মানো বাদিকে দাক্কে দা·আবা আৎচিনা মা·ন্না? মা·আনি অক্কো চাংগ্মি নাপ্পে দা·আবা বিয়া আৎচিফিলনা মা·ন্নামা?”

⁵ যীশু আগানচাকজক, “আংআ নাং·না বিবিন আগানিংআ, চি আরো রংথালগিবা গিসিকোনি আৎচিজাওদে দারাংবা ইসলনি সংনক্কো নাপনা মান·জা।

⁶ মান্দিওনি আৎচিগিবা মান্দি হং·আ, আরো রংথালগিবা গিসিকোনি আৎচিগিবা গিসিক হং·আ।

⁷ না·সংনি গিত্তাল দাক্কে আৎচিনা নাংনুয়া ইন্নে নাং·না আংনি আগানানি গিম্মিন দা·আ আইয়াও ইনমানাবো।

⁸ বালওয়া জেচা হা·সিকা উচা বাল্লা আরো না·আ উনি গা·ম্মাখো খিন্নাআ, ইন্দিবা বাওনি রি·বাআ আরো বাওনা রি·য়াংআ উখো না·আ হা·আইজা। রংথালগিবা গিসিকোনি আৎচিগিবারাংবা উগিত্তান হং·আ।”

⁹ নীকদীম যীশুচা সিং·জক, “ইয়া বাদিকে দাক্কে হং·না মা·ন্না?”

¹⁰ উনোন যীশু বিনা আগানজক, “না·আ ইস্রায়েলনি স্খিগিবা হং·এবা ইরাংখো হা·আইজামা?

¹¹ নাং·না বিবিন আগানিংআ, চিংআ জেখো হা·আইয়া উখোন আগানা আরো জেখো নিক্কা উনি গিম্মিন সাক্ষি হ·ন্না, ইন্দিবা না·সং চিংনি সাক্ষিখো রা·চাকজা।

¹² আংআ না·সংচা হা·গিলসাকনি গিম্মিনো খাৎথা আগানো বিবিরা·জাওদে ইন্দিদে সালগিনি গিম্মিন খাৎথা আগানোদে বাদিকে দাক্কে বিবিরা·নুয়া?

¹³ “সালগিও দংগিবা আরো সালগিওনি হং·ওনবাগিবা উয়া মান্দিনি দেফান্থিনা আগ্রে দারাংবা সালগিও গাদোখুজা।

¹⁴ মোশি জেদাক্কে হা·গিসি জওলো উয়া চিপ্পুখো চু·য়াকাও দি·দোআমিং উগিত্তান মান্দিনি দেফান্থিখোবা চু·য়াকাও দি·দোনা নাংনুয়া,

¹⁵ জেদাক্কে বিখো বিবিরা·গিবা দিমদাকান ফাংনাজলনি জাংগিখো মা·ন্না।

¹⁶ “ইসল মান্দিখো ইন্দাকফিল্লে খা·সানি গিম্মিন বিনি সাকসা খাম·খাম দেফান্থিখো হন·জক, জেদাক্কে উয়া দেফান্থিও বিবিরা·গিবা দিমদাকান নামগিজাও গা·আকজা ইন্দিবা ফাংনাজলনি জাংগিখো মা·ন্না।

¹⁷ ইসল মান্দিখো গ্রো নাংগিবা ইন্নে ফিন্নিকনা বিনি দেফান্থিখো হা·গিলসাকোনা ওয়াত্তেতজা, ইন্দিবা মান্দিরাং জেদাক্কে দেফান্থিচা পাপওনি জকনা মা·ন্না উনি গিম্মিন বিয়া বিখো ওয়াত্তেতজক।

¹⁸ উয়া দেফান্থিখো বিবিরা·গিবাখো বিচাল দাকজা, ইন্দিবা বিবিরা·গিজাগিবাখো গ্র্রো নাংগিবা ইন্নে স্খাংআন বাচ্ছিয়ে রা·জক, মুয়ানা ইসলনি সাকসা খাম·খাম দেফান্থিখো বিয়া বিবিরা·জা।

¹⁹ বিখো গ্রো নাংগিবা ইন্নে চানজক মুয়ানা হা·গিলসাকো সেং·আ রি·বাজক, ইন্দিবা মান্দিরাংনি কামরাং নামজানি হা·সেলো মান্দিরাং সেং·আনা বাত্তে আন্দালাখো নামনিকবাত্তা।

²⁰ নামগিজা কামখো দাকগিবা সেং·আখো মিৎচিয়া। বিনি নামগিজা কামরাং ফারাকনুয়া ইন্নে বিয়া সেং·আওনা রি·বাজা।

²¹ ইন্দিবা বিবিনি রামাও রি·গিবা সেং·আওনা রি·বা জেদাক্কোদে বিনি কামরাং ইসলনি হা·সিকা গিত্তা হং·আ, ইখো ফারাকানি হং·আ।”

যোহননি সাক্ষি হ·ন্না

²² ইনি জা·মানো যীশু আরো বিনি জা·রিকগিবারাং যিহূদিয়া হা·দকচা রি·য়াংজক। উনো বিয়া বিনি জা·রিকগিবারাংমুং বাং·গিজা সালরাংনা দংজক আরো মান্দিরাংখো রিপ্পলেতনা হা·বাচেংজক।

²³ শালীম মিংগিবা সং দামসানি সেফাংও ঐনোন মিংআ হা·দামওনা যোহনবা রিপ্পলেতিংআমিং, মুয়ানা উয়া হা·দামও চি বাং·আমিং আরো মান্দিরাংবা রি·বাএ রিপ্পলিংআমিং।

²⁴ উনোবা যোহনখো জেলো দনখুজামিং।

²⁵ উয়া সময়ও থরমনি নিয়াম গিত্তা রংথালানি গিম্মিন যোহননি জা·রিকগিবারাং সাকসা যিহূদীমুং জিগ্রিকনা হা·বাচেংজক।

²⁶ জা·মানো বিসং যোহনচানা রি·বাএ আগানজক, “স্খিগিবা, যর্দননি নালসাচা নাং·মুং দংগিবা আরো জেনি গিম্মিন না·আ সাক্ষি হ·ন্নামিং, নিবো, বিয়া রিপ্পলেতিংজক আরো গিম্মিকান বিচা রি·য়াংইংজক।”

²⁷ উনি গিম্মিন যোহন আগানচাকজক, “সালগিওনি হন·চাকজাওদে দারাংবা মামুংখোন মা·ন্না হামজা।

²⁸ না·সংআন আংখো খ্রীষ্ট হং·জা ইন্নে আগানাখো খিন্নাজক, ইন্দিবা আংখো বিনা স্খাং ওয়াত্তেতসোজক।

²⁹ জেনি জাক্কো নামচিকখো হন·জক, উয়ান চাওয়ারি হং·আ। চাওয়ারিনি রিপ্পেং চাদেংএ চাওয়ারিনি খাৎথাখো খিন্নাআ আরো বিনি খু·রাংখো খিন্নাএ খুসি হং·বিয়া। উয়ানদাক্কেন আংনি হান·সেংআবা দা·আল চু·সকজক।

³⁰ বিখো দাল·রোরোআংনা নাংনুয়া আরো আংনি জিত্তাংনা নাংনুয়া।”

³¹ সাক্কাওনি রি·বাগিবা গিম্মিকনি সাক্কাও হং·আ। হা·গিলসাকওনি রি·বাগিবা হা·গিলসাকনি, আরো বিয়া হা·গিলসাকনি খাৎথাখোন আগানা। ইন্দিবা সালগিওনি রি·বাগিবাদে গিম্মিকনি সাক্কাও হং·আ।

³² বিয়া জেখো নিকজক আরো খিন্নাজক উখোন সাক্ষি হ·ন্না, ইন্দিবা দারাংবা বিনি সাক্ষিখো রা·চাকজা।

³³ বিনি সাক্ষিখো রা·চাকগিবা ইখোন ফিন্নিকজক, ইসল জেখো আগানা উয়ান বিবি হং·আ।

³⁴ ইসল জেখো ওয়াত্তেতজক বিয়া ইসলনি খাৎথাখোন আগানা, মুয়ানা ইসল বিনা গিসিক রংথালগিবাখো থয়ে হন·জা।

³⁵ ফাগিবা দেফান্থিখো খা·সাআ আরো বিনি জাক্কো গিম্মিকখোন হন·থকজক।

³⁶ জেআন দেফান্থিখো বিবিরা·আ বিয়া উনোন ফাংনাজলনি জাংগিখো মা·ন্না, ইন্দিবা দেফান্থিখো মানিগিজাগিবা উয়া জাংগিখো মামুং সালোবা মান·জানুয়া, ইন্দিবা ইসলনি খা·আওনাংআ বিনি সাক্কাও দংখামনুয়া।