যোহননা 2 - Garo New Testament

কান্না সংও বিয়ানি চা·আ

¹ উনি সালগ্মিনি জা·মানো গালীলনি কান্না সংও গি·সা বিয়া হং·আমিং। যীশুনি মা·গিবা উনো দংআমিং।

² উয়া বিয়া খা·আও যীশু আরো বিনি জা·রিকগিবারাংবা চা·না আগানাখো মা·ন্নামিং।

³ জা·মানো আংগুর বিৎচি গিম্মিক বন·চাংওন যীশুনি মা·গিবা যীশুনা আগানজক, “ইরাংনি আংগুর বিৎচি বন·চাংজক।”

⁴ যীশু বিনি মা·গিবানা আগানজক, “ইনি গিম্মিন নাং·মুং আংনি মুয়া নাংফা? আংনি সাল দা·আওবা সকখুজা।”

⁵ বিনি মা·গিবা উনো নকখলরাংনা আগানজক, “বিয়া না·সংনা জেখো আগানা উখোন দাকবো।”

⁶ যিহূদী থরমনি দাকবেওয়াল গিত্তা রংথালখানা ইন্নে উয়া হা·দামও রং·থিনি বাসিং থি·দক দংআমিং। উয়া গিম্মিকওন মুয়ান গ্মি মুয়ান গিত্থাম চি চাকনুয়ামিং।

⁷ যীশু উয়া নকখলরাংনা আগানজক, “ইয়া বাসিংরাংও চি গাপ্পেতবো। নকখলরাং উনো বাসিংরাংও রিক্কিংওনা সক্কে চি গাপ্পেতজক।

⁸ জা·মানো যীশু বিসংনা আগানজক, “দা·আও উনিখো অকখিসা রা·এ চা·দিলগিবাচা রা·আংবো।” নকখলরাং উগিত্তান দাকজক।

⁹ চিওনি হং·গিবা উয়া আংগুর বিৎচিখো চা·দিলগিবা রিংএ নিজক। ইন্দিবা উয়া বিৎচি বাওনি রি·বাজক উখো বিয়া হা·আইজামিং; ইন্দিবা চিখো গাপ্পেতগিবা নকখলরাংদে হা·আইয়ামিং। উনি গিম্মিন চা·দিলগিবা চাওয়ারিখো রিক্কামে আগানজক,

¹⁰ “স্খাং দিমদাকান নামগিবা আংগুর বিৎচিখো রিংনা হন·চেংআ। জা·মানো ফেকজোকনো জে বিৎচিখো হ·ন্নিংআ উয়াদে স্খাংনা বাত্তে নামগিজা হং·আ। ইন্দিবা না·আ দা·আওনাবা নামগিবা বিৎচিখো রা·রিকজক।”

¹¹ যীশু গালীল হা·দকনি কান্না সংও স্খাংগিবা চিন গিত্তা ইয়া আইয়াও ইনমানগিবা কামখো দাক্কে আন·থাংনি রাসংখো ফারাকজক। উনি গিম্মিন বিনি জা·রিকগিবারাং বিখো বিবিরা·জক।

¹² জা·মানো যীশু, বিনি মা·গিবা, বিনি জংগিবারাং আরো বিনি জা·রিকগিবারাং কফরনাহূম সংজিলমাওনা রি·য়াংজক, ইন্দিবা বিসং উনো সাল বাং·এ দংজাজক।

যিরূশালেমনি থরম নক্কো গিত্তেল যীশু

¹³ যিহূদীরাংনি ওয়াতচাংআনি সাল সেফাংওন যীশু যিরূশালেমচানা রি·য়াংজক।

¹⁴ বিয়া উনোনা রি·য়াংএ থরম নকনি নিং·আও মান্দিরাংখো মা·সু, মেষ আরো কইতররাংখো ফাল্লাখো আরো থাংখা স্রিগিবা মান্দিরাংখোবা আসংএ দংআখো নিকজক।

¹⁵ ইরাংখো নিক্কে বিয়া বিদুরাংচা গি·সা চাবুক থারিয়ে রা·জক, আরো উচা গিম্মিক মা·সু, মেষ আরো মান্দিরাংখোবা উনোনিখো রিক্কেৎজক। থাংখা স্রিগিবারাংনি থাংখারাংখো গোচ্রাকে বিয়া বিসংনি টেবিলরাংখো ফাংফিলেতজক।

¹⁶ কইতর ফালগিবারাংনা যীশু আগানজক, “ইয়া হা·দামনিখো ইরাংখো রা·আংবো। আংনি ফানি নকখো দা·আ বাদিংআনি নক দাক্কে রা·আবো।”

¹⁷ উনি গিম্মিন রংথালগিবা শাস্ত্রও চকগিবা ইয়া খাৎথাখো জা·রিকগিবারাং গিসিক রা·জক: নাং·নি নকনা আংনি জে খা·ফাক্কা দংআ, উয়া খা·ফাক্কান আংনি খা·থংখো খামচাএতনুয়া।

¹⁸ উনোন যিহূদীরাংনি দাল·বাৎগিবারাং যীশুখো সিং·জক, “ইন্দিবা ইরাংখো দাক্কানি নাং·নি বিল দংবিবিআন ইখো হা·আইনা গিত্তা না·আ চিংনা আইয়াও ইনমানগিবা কামখো দাক্কে ফিন্নিকনা মা·ন্নুয়ামা?”

¹⁹ যীশু বিসংনা আগানচাকজক, “ইসলনি নকখো না·সং ফি·এ গালবো, সালগিত্থামনি সালো আংআ দা·আবা উখো রিকফিলনুয়া।”

²⁰ ইখো খিন্নাএ যিহূদীনি দাল·বাৎগিবারাং বিনা আগানজক, “ইয়া থরম নকখো রিকনা বিলসি সৎব্রিদক নাংআমিং, আরো না·আ ইখো সালগিত্থামোন রিকফিলনা মা·ন্নুয়ামা?”

²¹ ইন্দিবা যীশু আন·থাংনি বে·এনখোসা ইসলনি নক ইন্নে ইন্নামিং।

²² উনি গিম্মিন যীশুনি সিয়াওনি থাংচাফিল্লানি জা·মানো জা·রিকগিবারাং ইখো গিসিক রা·জক, বিয়া উয়া খাৎথাখোন আগানামিং। উনোন জা·রিকগিবারাং রংথালগিবা শাস্ত্রনি আগানাখো আরো যীশুনি আগানাখো বিবিরা·জক।

²³ ওয়াতচাংআনি সালো যিরূশালেমো দংএ যীশুনি দাক্কা আইয়াও ইনমানগিবা কামরাংখো নিক্কে বাং·আরাংএন বিখো বিবিরা·জক।

²⁴ ইন্দিবা যীশু বিসংনি সাক্কাও আন·থাংনি গিম্মিন খা·দংজাজক, মুয়ানা বিয়া দিমদাক মান্দিখো হা·আইয়ামিং।

²⁵ মান্দিনি গিম্মিন দারাংনিবা সাক্ষি বিনা নাংজামিং, মুয়ানা মান্দিরাংনি গিসিকো মুয়া দংআ উখো বিয়া হা·আইয়ামিং।