যোহননা 17 - Garo New Testament

জা·রিকগিবারাংনি গিম্মিন বি·আ

¹ ইয়া খাৎথারাংখো আগানানি জা·মানো যীশু সালগিচাখো নিগোদোএ আগানজক, “আপফা, সাল সকজক। নাং·নি দেফান্থিখো রাসং চাএতবো জেদাক্কে দেফান্থিবা নাং·খো রাসং চাএতনা মা·ন্না।

² না·আ বিনা মান্দি গিম্মিকনি সাক্কাও বিলখো হন·জক, জেদাক্কোদে না·আ জেরাংখো বিনি জাক্কো হন·জক উয়া গিম্মিকনান বিয়া ফাংনাজলনি জাংগিখো হ·ন্না মা·ন্না।

³ নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

⁴ নাং·নি আংনা দাকনা হন·গিবা কামখো ব·ন্নেতে ইয়া হা·গিলসাকো আংআ নাং·নি রাসংখো ফারাকজক।

⁵ আপফা, হা·গিলসাক হং·বানা স্খাং নাং·মুং আংআ জে রাসংও দংআমিং উয়া রাসংখো না·আ দা·আবা আংনা হন·বো।

⁶ “হা·গিলসাকোনিখো জেরাংখো না·আ আংনা হন·জক আংআ বিসংচা নাং·খো ফারাকজক। বিসং নাং·নিনমুং, আরো না·আ বিসংখো আংনা হন·জক। বিসং নাং·নি খাৎথাখো মানিজক।

⁷ জেরাংখো না·আ আংনা হন·জক উয়া নাং·চানিন রি·বাজক, ইন্নে বিসং দা·আওদে হা·আইনা মান·জক।

⁸ মুয়ানা, নাং·নি ইনখানা আগানগিবাখো আংআ বিসংনা আগানজক। বিসং উখো রা·চাকে বিবিন হা·আইনা মান·জক, আংআ নাং·ওনি রি·বাজক, আরো না·আন আংখো ওয়াত্তেতজক ইন্নে বিবিবারা·জক।

⁹ “আংআ গিম্মিকনা মল·মলজা, ইন্দিবা জেরাংখো না·আ আংনি জাক্কো হন·জক বিসংনা মল·মলইংজক, মুয়ানা বিসংদে নাং·নিন হং·আ।

¹⁰ আংও দংগিবা গিম্মিকান নাং·নি আরো নাং·ও দংগিবা গিম্মিকান আংনি হং·আ। বিসংনি গিসেপো আংনি রাসং ফারাকজক।

¹¹ আংআদে ইয়া হা·গিলসাকো দংজাজক, ইন্দিবা বিসংদে ইয়া হা·গিলসাকোন দংআ; আরো আংআ নাং·চানা রি·বাংজক। রংথালগিবা আপফা, জে বিমুংখো না·আ আংনা হন·জক উয়া বিমুংও বিসংখো রাক্ষিবো, জেদাক্কে আনচিংনি আপসান হং·আ গিত্তা বিসংবা আপসান হং·না মা·ন্না।

¹² আংআ জেওনা দিপ্পাৎ বিসংমুং দংআমিং উয়োনা দিপ্পাৎ নাং·নি হন·গিবা বিমুংও আংআ বিসংখো রাক্ষিয়ে রি·বাজক। আংআ বিসংখো নিরক্ষিজক, বিসংওনি সাকসাবা নাসিজা। ইন্দাকোবা নাসিনাগিবাসান নাসিজক, জেদাক্কোদে রংথালগিবা শাস্ত্রনি খাৎথা চু·সকা।

¹³ “দা·আও আংআ নাং·চা রি·বাংজক, আরো জেদাক্কে আংনি খুসি হং·আও বিসংনি খা·থং গাপ্পা উনি গিম্মিন হা·গিলসাকো দংমিত্তিংওন ইয়া খাৎথারাংখো আগানিংআ।

¹⁴ নাং·নি আগানগিবাখোন আংআ বিসংনা আগানজক। হা·গিলসাকনি মান্দিরাং বিসংনা মিৎচিজক, মুয়ানা আংআ জেদাক্কে হা·গিলসাকনি হং·জা উয়ানদাক্কে বিসংবা ইয়া হা·গিলসাকনি হং·জা।

¹⁵ না·আ ইয়া হা·গিলসাকনিখো বিসংখো রা·আংবো, ইন্নে আংআ নাং·খো মল·মলজা, ইন্দাকোবা শয়তাননি জাকনিখো বিসংখো রাক্ষিবো।

¹⁶ আংআ জেদাক্কে ইয়া হা·গিলসাকনি হং·জা বিসংবা উয়ানদাক্কে ইয়া হা·গিলসাকনি হং·জা।

¹⁷ “বিবিচা নাং·নি গিম্মিনান না·আ বিসংখো দিংথাং দাক্কে দনবো। নাং·নি খাৎথান উয়া বিবি হং·আ।

¹⁸ না·আ জেদাক্কে আংখো হা·গিলসাকো ওয়াত্তেতামিং উয়ানদাক্কে আংআবা বিসংখো হা·গিলসাকো ওয়াত্তেতজক।

¹⁹ বিসংনি হা·সেল নাং·না আংআ আন·থাংখো দিংথাং দাকজক জেদাক্কে বিসংখোবা বিবিচা দিংথাং দাক্কা।

²⁰ “আংআ বিসংনাসান মল·মলা ইন্দাকে হং·জা, ইন্দিবা বিসংনি খাৎথাচা জেরাং আংখো বিবিরা·নুয়া বিসংনাবা মল·মলিংআ, জেদাক্কে বিসং গিম্মিকান আপসান হং·আ।

²¹ আপফা, না·আ জেদাক্কে আংমুং দংফা আরো আংআ নাং·মুং দংফা উয়ানদাক্কেন বিসংবা আনচিংমুং দংফাখানা। উনোদে না·আন আংখো ওয়াত্তেতজক, ইন্নে হা·গিলসাকনি মান্দিরাং বিবিরা·না মা·ন্নুয়া।

²² নাং·নি হন·গিবা রাসংখো আংআ বিসংনা হন·জক জেদাক্কে আনচিংনি আপসানগ্রিকা গিত্তা বিসংবা আপসান হং·না মা·ন্না,

²³ আগানস্খাওদে আংআ বিসংমুং দংফা আরো না·আ আংমুং দংফা, আরো ইন্দাকে চু·সকে বিসং আপসানগ্রিকখানা। উনোদে না·আন আংখো ওয়াত্তেতজক ইন্নে হা·গিলসাকনি মান্দিরাং হা·আইখানা, আরো আংনা খা·সা গিত্তা বিসংনাবা খা·সাবো।

²⁴ “আপফা, জেরাংখো না·আ আংনা হন·জক, আংনি রাসংখো নিকনা মান·খানা গিত্তা বিসংবা আংআ জেও দংআ উয়ো আংমুং দংখানা, ইখো আংআ হা·ম্মা। উয়া রাসংখো না·আন আংনা হন·জক, মুয়ানা হা·গিলসাক হং·বানা স্খাংওনিন না·আ আংনা খা·সাজক।

²⁵ খাকখেৎস্রাংগিবা আপফা, হা·গিলসাকনি মান্দিরাং নাং·খো হা·আইজা ইন্দিবা আংআ নাং·খো হা·আইয়া। আরো না·আন আংখো ওয়াত্তেতজক ইন্নে ইরাং হা·আইনা মান·জক।

²⁶ আংআ বিসংচা নাং·খো ফারাকজক আরোবা ফারাকনুয়া, জেদাক্কোদে না·আ আংনা জেগিত্তা খা·সা উগিত্তা খা·সা বিসংনি খা·থংও দংআ, আরো জেদাক্কে আংআ বিসংমুং দংখামনা মা·ন্না।”