ইব্রীয়রাংনা 5 - Garo New Testament

¹ মান্দিরাংনা চাকগিবা হং·এ ইসলনা দাকচাকে হ·ন্না ইন্নে সাকফ্রাক খামাল দাল·বাৎগিবাখো মান্দিনি গিসেপোনি বাচ্ছিয়ে রা·আ, জেদাক্কে বিয়া মান্দিনি পাপনি হা·সেল মাৎবুরুংরাংখো বলি হ·ন্না আরো গিপ্পিন জিনিসরাংখোবা বলি হ·ন্না।

² জেরাং হা·আইগিজা পাপ দাক্কা আরো ব্রাংআ রামাচা রি·য়াংআ বিসংমুং বিয়া সনথল বেওয়ালখো দাকনা মা·ন্না, মুয়ানা বিনি গিসেপোবা বিলগ্রি হং·আনি দংআ।

³ বিয়া জেদাক্কে গিপ্পিন মান্দিরাংনি পাপনি হা·সেল মাৎবুরুংরাংখো বলি হ·ন্না উয়ানদাক্কে আন·থাং বিলগ্রি ইন্নে আন·থাংনি পাপনি হা·সেলোবা বিনি উয়া বলিখো হ·ন্না নাংআ।

⁴ খামাল দাল·বাৎগিবা হং·আনি মান্দিরা·আখো দারাংবা আন·থাং রা·না মান·জা, ইন্দিবা ইসল জেখো রিক্কামা বিয়ান উয়া মান্দিরা·আখো মা·ন্না, জেদাক্কে খামাল দাল·বাৎগিবা হং·না ইন্নে ইসল হারোণখো রিক্কামামিং।

⁵ ইয়া খাৎথাদে খ্রীষ্টনাবা খ্রাআ। খ্রীষ্ট আন·থাংনি হা·সিকাচা খামাল দাল·বাৎগিবা হং·না ইন্নে আন·থাংখো দা·ল্লেতজাজক; ইসলান ইখো আগানে বিনা উয়া মান্দিরা·আখো হ·ন্নামিং, না·আ আংনি দেফান্থি, দা·আলান আংআ নাং·নি ফাগিবা হং·জক।

⁶ উয়ানদাক্কে ইসল দা·আও মিংসা হা·দামও আগানামিং, না·আ ফাংনাজলনা মল্কীষেদক গিত্তা খামাল হং·আ।

⁷ জেআন বিখো সিয়ানি জাক্কোনি জক্কেৎনা মা·ন্নুয়ামিং উয়া ইসলচা যীশু ইয়া হা·গিলসাকো দংমিত্তিংও রাক্কে চ্রিকে গ্রাপগ্রাপে মল·মলামিং আরো বি·আমিং। বিনি অলাখিয়ামুং বাম্মাবা দংআমিং ইন্নে ইসল বিনি বি·আখো খিন্নাচাক্কামিং।

⁸ ইন্দিবা ইসলনি দেফান্থি হং·এবা বিয়া দুক চাক্কাচা বাম্মাখো স্খিয়ামিং।

⁹ ইন্দাকে জেনসালো বিয়া চু·সকাখো মান·জক উনো বিনি নিং·আও বামগিবা গিম্মিকনা বিয়া ফাংনাজলনা জক্কানি রামা হং·জক।

¹⁰ ইসল বিখো মল্কীষেদক গিত্তা দাক্কে দাল·বাৎগিবা খামাল ইন্নে আগানফ্রাকজক।

বিবিরা·আওনি জিত্তাংআনি গিম্মিনো সিমসাকেতা

¹¹ ইনি গিম্মিনো বাং·আ খাৎথা চিংনি আগানানি দংআ ইন্দিবা উখো হা·আইএতি আগানা রাক্কা, মুয়ানা গিসিকনি বিবিখো না·সং আলথুয়ে হা·আইনা মান·জা।

¹² ইয়া সময়রাংও না·সং স্খিগিবা হং·না খ্রাআমিং, ইন্দিবা উনা বাত্তে ইসলনি খাৎথানি হা·বাচেংগিবা খাৎথারাংখোন দা·আবা না·সংনা স্খিয়েতনা ইন্নে স্খিগিবাখো নাংইংজক। রাক্কা চা·আনা বাত্তে চনগিবা বি·সারাং গিত্তা দা·আবা না·সংনি সক রিংনা নাংইংজক।

¹³ জেআন সকখো রিংএ থাংআ বিয়াদে দা·আওবা বি·সা, আরো খাকখেৎ জাংগিনি গিম্মিনো জেদাক্কা স্খিয়া দংআ উয়ো বিয়া ব্রিখুজা।

¹⁴ জেরাংনি বিলসি সকজক বিসংসান রাক্কা চা·আখো চা·না মা·ন্না, আগানস্খাওদে ইসলনি খাৎথানি রাক্কা স্খিয়ারাংখো হা·আইনা মা·ন্না। বাং·আ বেওয়ালরাংনি গিম্মিন বিসং নাম্মা-নামজাখো বিচাল দাকনা স্খিজক।