ইব্রীয়রাংনা 13 - Garo New Testament

বন·চতগিবা স্নিংআ

¹ না·সং সাকসা সাকগিপ্পিনখো জংআদা গিত্তা খা·সাবো।

² সকবাগিবারাংখো যতন রা·না দা·আ গুয়ালা; সাবা সাবা হা·আইগিজান ইন্দাকে সাগ্রেরাংখো যতন রা·জক।

³ জেরাং জেলো দংআ বিসংমিং জেদাক্কে না·সংবা বন্দি হং·জক, আরো জেরাং গিচ্চিংজক বিসংমিং জেদাক্কে না·সংবা গিচ্চিংজক, ইন্দাকে বিসংনি খাৎথাখো গিসিক রা·বো।

⁴ গিম্মিকান জেদাক্কে জিক-সে খিম্মাখো মান্দিরা·এ নিআ। সেগিবা আরো জিকগিবানি গিসেপো খিম্মাখো রংথালে রা·রিকনা নাংআ, মুয়ানা জেগিত্তা দাক্কেবা থিল·লেকা হং·খানা, জেরাং উনা দোসগ্মাং হং·আ ইসল বিসংখো শাসি হন·নুয়া।

⁵ থাংখা পয়সানি মাদ্দুয়াওনি আনথাংথাংখো চেল·লাও দনবো। না·সংনি মুয়া দংআ উয়োন খুসি দংবো। ইসল আগানজক, “আংআ মামিং সালোবা নাং·খো ওয়াত্তে রি·য়াংজানুয়া বা গালজানুয়া।”

⁶ ইনি গিম্মিন আনচিং খেনমানগিজা আগান্না মান·না, গিত্তেল আংনি দাকচাকগিবা, আংআ খেনজানুয়া; মান্দি আংখো মুয়া দাকনা মান·না?

⁷ জেরাং না·সংচা ইসলনি খাৎথাখো আগান্নুয়ামিং না·সংনি উয়া দাল·গিবারাংনি খাৎথাখো গিসিক রা·বো। বিসংনি জাংগিনি বন·চতগিবা বিথিনি খাৎথাখো নাম্মে চানচিবো আরো বিসং গিত্তা না·সংবা বিবিরা·বো।

⁸ যীশু খ্রীষ্ট রি·য়াংগিবা সালো জেগিত্তা দংআমিং, দা·আলবা উগিত্তান দংআ আরো জ্রিংজ্রৎনা উগিত্তান দংনুয়া।

⁹ বাং·আ গিত্তাল গিত্তাল স্খিয়া জেদাক্কে না·সংখো ব্রাংগিবা রামাচানা রা·আংজা। আনচিংনি গিসিক ফাকওয়াতগিবা চা·আনি সাক্কাও দংগিজা জেদাক্কে ইসলনি খা·সাচাক্কানি সাক্কাও খিম·খিম দংআ। জেরাং উয়া চা·আনি সাক্কাও ফাংচাকে রি·নুয়ামিং, উয়া চা·আওনি বিসংনি মামিং লাভ হং·জা।

¹⁰ আনচিংনি গি·সা গানচি দংআ আরো জেরাং ইস্রায়েলরাংনি উয়া অলাখিয়ানি তাম্বুও কাম দাক্কা, আনচিংনি উয়া গানচিনি সাক্কাও ফাকওয়াতগিবা মামিংখো চা·আনি বিল বিসংনি দংজা।

¹¹ পাপনি হা·সেলো বলি হন·গিবা মাৎবুুরুংনি হান·চিখো রা·এ ইস্রায়েলনি দাল·বাৎগিবা খামাল দাল·বাৎগিবা হা·দামচা রি·য়াংআ, ইন্দিবা উয়া মাৎবুরুংরাংনি বে·এনখো ইস্রায়েলরাংনি দংআনি হা·দামনি হা·ফালচা রা·আংএ সো·এ গাল্লা।

¹² উয়ানদাক্কে যীশুবা যিরূশালেম সংজিলমানি হা·ফালচা দুক চাক্কে সিয়ামিং, জেদাক্কে বিনি আনথাংনি হান·চিচা মান্দিখো পাপওনি রংথালেতনা মান·না।

¹³ উনি গিম্মিন হাই, বিনি চন্নিকাখো আনথাংরাং রা·চাকে আনচিং সংজিলমানি হা·ফালচা বিচা রি·য়াংনা,

¹⁴ মুয়ানা ইনো আনচিংনি দংখামগিবা সংজিলমা দংজা; ইন্দিবা জে সংজিলমা সকবানুয়া উনা আনচিং সেংসোএ দংআ।

¹⁵ ইনি গিম্মিন খ্রীষ্টও গিত্তা রি·বাবো, আনচিং ইসলচা ফাংনান মিৎথেলাখো হন·না, আগানস্খাওদে ইসলনি মান্দি ইন্নে জেরাং আনথাংথাংখো খু·রাচাক্কা বিসং বিসংনি খু·সুকথাংচা ইসলখো রাসং দাকখানা।

¹⁶ নাম্মা কামখো দাকনা আরো গিপ্পিননি দংগিজাও দাকচাকনা দা·আ গুয়ালা, মুয়ানা ইসল ইন্দাকা হন·নানিও খুসি হং·আ।

¹⁷ না·সংনি দাল·গিবারাংনি খাৎথাখো মানিয়ে রি·বো আরো বিসংনি নিং·আও বাম্মে দংবো, মুয়ানা জেরাং ইসলচা হিসাব হন·নুয়া উয়ানদাকগিবা মান্দি গিত্তান বিসং না·সংখো নিরকখিয়া। বিসংনি নিং·আও বাম্মে দংবো জেদাক্কে বিসং বিসংনি কামখো খুসি হং·এ দাকনা মান·না, দুক চাক্কে হং·জা। দুক চাক্কেন দাকনা নাংওদে উয়ো না·সংনি মামিং লাভ হং·জানুয়া।

¹⁸ চিংনা বি·চাকবো। গিম্মিকো চিংআ নাম্মে রি·না হাম·মা ইন্নে চিংআ হা·আইয়া, চিংনি গিসিক থাল্লা।

¹⁹ ইন্দিবা আংআ না·সংখো গিসিক নাংবাতে বি·খানা মল·মলিংআ, জেদাক্কে আংআ আরোবা থেংরি না·সংমিং নাংরিমনা মান·না।

²⁰ জে হান·চিও থম·থমেতগিবা ইসলনি জ্রিংজ্রৎনি খু·রাচাক্কা দংআ উচা ইসল আনচিংনি গিত্তেল যীশু খ্রীষ্টখো, আগানস্খাওদে মেষরাংনি উয়া দাল·বাৎগিবা নিরকখিগিবাখো সিয়াওনি থাংচাএতজক।

²¹ জেরাং নাম্মা উচা বিয়া বিনি হা·সিকা গিত্তা রি·খানা না·সংখো চু·গিম্মিক দাক্কে থারিখানা। বিনি মিক্রোনও জেরাং নাম্মা যীশু খ্রীষ্টও আনচিংনি খা·থংও বিয়া উখোন দাকখানা। জ্রিংজ্রৎনা ইসলনি রাসং হং·খানা। আমেন।

²² জংআদারাং, না·সংচা আংনি মংসংগিবা মল·মলা ইয়ান, আংনি ইয়া স্খিয়াখো না·সং মানিয়ে রা·বো। আংআদে না·সংচা বাং·এ লিক্ষিজাজক।

²³ আংআ না·সংনা হা·আইয়েতনা হাম·মা, আনচিংনি জং তীমথিয় জকজক। বিয়া থেংরি রি·বাওদে বিখো রিম্মে না·সংখো নিনা রি·বানুয়া।

²⁴ না·সংনি গিম্মিক দাল·গিবারাংনা আরো ইসলনি মান্দিরাংনা চিংনি সালামখো হন·বো। ইটালী হা·সংনি ইসলনি মান্দিরাং না·সংখো সালাম হ·ন্নিংআ।

²⁵ না·সংনি গিম্মিকনি সাক্কাও ইসলনি খা·সাচাক্কা দংখানা।