ইব্রীয়রাংনা 1 - Garo New Testament

দেফান্থি সা·গ্রেরাংনা বাত্তে দাল·বাতা

¹ চেংও আগানসোগিবারাং গিত্তা ইসল আনচিংনি ফাগিৎচামরাংচা দিংথাং দিংথাং দাক্কে রাং·নিরাং অকখিসা অকখিসা দাক্কে খাৎথা আগানামিং।

² ইন্দিবা ইয়া সালরাংনি বন·খামাও বিয়া বিনি দেফান্থি গিত্তা আনচিংমুং খাৎথা আগানজক। ইসল বিনি দেফান্থিখো গিম্মিকখো মান·রিকগিবা হং·না বাচ্ছিয়ে রা·জক। দেফান্থিচান বিয়া গিম্মিকখো থারিজক।

³ ইসলনি গিম্মিক গুণ উয়া দেফান্থিওন দংআ; দেফান্থিন ইসলনি চু·গিম্মিক বিমাং হং·আ। দেফান্থি বিনি বিল্লাকগিবা খাৎথাচা গিম্মিকখো রি·ম্মে রা·রিকে চালাইয়া। মান্দিনি পাপখো হা·রিকানি জা·মানো দেফান্থি সালগিও চুবাৎগিবা ইসলনি জাক্রাচা আসংজক।

⁴ বিনি ফাগিবাচাখো বিয়া জে বিমুংখো মান·জক উয়া জেদাক্কে সা·গ্রেরাংনা বাত্তে দাল·বাতা, উয়ানদাক্কে বিয়া আন·থাংবা সা·গ্রেরাংনা বাত্তে দাল·বাতা।

⁵ ইসল মামুং সালোবা সাকসা সা·গ্রেনা ইয়া খাৎথাখো আগানামা, “না·আ আংনি দেফান্থি, দা·আলান আংআ নাং·নি ফাগিবা হং·জক”? দা·আবা বিয়া মুয়াখো আগানা, “আংআ বিনি ফাগিবা হং·নুয়া আরো বিয়া আংনি দেফান্থি হং·নুয়া”?

⁶ হং·জা, বিয়া উখো আগানজা। ইসল বিনি দাল·বাৎগিবা বি·সাখো ইয়া হা·গিলসাকো ওয়াত্তেতানি সময়ও আগানিংজক, “ইসলনি দিমদাক সা·গ্রেরাং বিখো ইসল গিত্তা দাকনিকে মান্দিরা·খানা।”

⁷ সা·গ্রেরাংনি বিদিংও ইসল আগানিংজক, “বিয়া বিনি সা·গ্রেরাংখো বালওয়া দাকজক; বিনি নকখলরাংখো চিং·গিবা ওয়া·আল দাকজক।”

⁸ ইন্দিবা দেফান্থিনি বিদিংও ইসল আগানিংজক, “ও ইসল, নাং·নি সিংহাসন ফাংনাজলনি হং·আ; নাং·নি শাসন খাকখেৎনি শাসন হং·আ।

⁹ না·আ খাকখেৎখো নামনিকা আরো অন্যায়খো মিৎচিয়া; উনি গিম্মিন ইসল, নাং·নি ইসল, নাং·নি রিপ্পেংরাংনা বাত্তে বাং·এ হান·সেংআনিখো তেল গিত্তা দাক্কে নাং·নি সাক্কাও রুদাপজক।”

¹⁰ ইসল আরোবা আগানজক, “গিত্তেল, না·আ স্খাংওনিন হা·গিলসাকনি ফাংচাকানিখো রিক্কামিং; সিলগাবা নাং·নি জাক্কো থারিয়া হং·আ।

¹¹ উরাং ব·ন্নাংনুয়া, ইন্দিবা না·আ ফাংনাজলনা দংনুয়া। বা·রা গিত্তান উরাং গিৎচাম হং·নুয়া।

¹² উরাংখো না·আ বা·রা গিত্তান বি·ল্লে দনবো, আরো বা·রা গিত্তা উরাংখো দিংথাংএতনুয়া। ইন্দিবা না·আদে দিংথাং হং·জানুয়া, আরো নাং·নি চাসং মামুং সালোবা বন·জানুয়া।”

¹³ ইসল মামুং সালোবা সাকসা সা·গ্রেনা ইয়া খাৎথাখো আগানামা, “জেওনা দিপ্পাৎ আংআ নাং·নি বোবিলরাংখো নাং·নি জা·চকনি খা·মাও দনজা, উয়োনা দিপ্পাৎ না·আ আংনি জাক্রাচা আসংবো”?

¹⁴ সা·গ্রেরাং দিমদাকান দাকচাকে হন·গিবা গিসিক হং·জামা? জেরাং পাপওনি জক্কাখো মা·ন্নুয়া বিসংনা দাকচাকে হ·ন্না ইন্নেন বিসংখো ওয়াত্তেতজক।