গালাতীয়রাংনা 6 - Garo New Testament

সাকসা সাকগিপ্পিননি বালখো রিপ্পিবো

¹ জংআদারাং, না·সংও সাবা রাং·গিত্তিক পাপও গা·আকোদে, না·সং জেরাং গিসিক রংথালগিবানি নিং·আও রি·ইংআ না·সং বিখো দি·চাএ রা·বাবো। ইন্দাকোবা নম·বিয়া গিসিকখো রা·এ না·সং ইয়া কামখো দাকবো আরো আন·থাংনি গিম্মিন সিমসাকে দংবো, জেদাক্কে না·সংবা পাপও গা·আকজা।

² না·সং সাকসা সাকগিপ্পিননি বোজাখো রিপ্পিএ রা·বো। ইন্দাকেন না·সং খ্রীষ্টনি নিয়ামখো মানিনা মা·ন্নুয়া।

³ মামুং হং·গিজান সাবা আন·থাংখো মংসংগিবা ইন্নে চানচিওদে বিয়া আন·থাংখো থকাইয়া।

⁴ গিম্মিকান আন·থাংনি কামখো পরীক্ষা দাক্কে নিখানা। ইন্দাকোদে গিপ্পিনমুং আন·থাংখো থসুসাগিজা বিনি আন·থাংনি কামনা বিয়া রাসং দাকনা মা·ন্নুয়া,

⁵ মুয়ানা গিম্মিকনিন আন·থাংথাংনি দাক্কানিখো দাকনা খ্রাআ।

⁶ ইসলনি খাৎথাখো জেনা স্খিয়েতা বিয়া জেদাক্কে বিনি স্খিয়েতগিবানা বিনি গিম্মিক নামগিবা বস্তুরাংনি বাকখো র·ন্না।

⁷ না·সং দা·আ ব্রাংআবো, ইসলমুং খাল· গিচ্চিয়া চলিজা; মুয়ানা জেআন জেখো গোনুয়া বিয়া উখোন রাতনুয়া।

⁸ পাপ-বেওয়ালখো খুসি দাক্কানি বিৎচ্রিখো গোওদে উয়োনি ব·ন্নানি বিথিখো মা·ন্নুয়া। ইন্দিবা গিসিক রংথালগিবাখো খুসি দাক্কানি বিৎচ্রিখো গোওদে উয়োনি ফাংনাজলনি জাংগিনি বিথিখো মা·ন্নুয়া।

⁹ জেদাক্কে আনচিং নাম্মা কামখো দাকজ্রিংএ নেং·বকজা, মুয়ানা উখো ওয়াতগিজা দাকজ্রিংওদে আনচিং থিক সময়ও উনি বিথিখো মা·ন্নুয়া।

¹⁰ চলখো মান·জোকনোন আনচিং জেদাক্কে গিম্মিকনা, মংসংদে ইসলনি নকনি মান্দিরাংনা নাম্মাখো দাক্কা।

বন·খামগিবা খাৎথা

¹¹ নিবো, বাসিক দা·ল্লা অক্ষরও আংআ না·সংনা আন·থাংনি জাকচা চক্কিংজক।

¹² জেরাং হা·ফালও আন·থাংখো নাম্মে ফিন্নিকনা হা·ম্মা বিসংআন না·সংখো বিগিল রাত্তেতখানা দাক্কিংআ। খ্রীষ্টনি চিসলনা বিসং জেদাক্কে সিনজেতাখো মান·জা উনি হা·সেলান বিসং ইন্দাকে দাক্কিংআ।

¹³ জেরাংনি বিগিল রাত্তা হং·জক বিসংবা নিয়ামখো মানিজা। ইন্দাকোবা বিসং না·সংনি বিগিল রাত্তাখো হা·ম্মা জেদাক্কে রাসং দাক্কে আগান্না মা·ন্না, না·সং বিসংনি দলও রি·বাজক।

¹⁴ গিত্তেল যীশু খ্রীষ্টনি চিসলনা আগ্রে আংআ জেদাক্কে দিংথাং মামুংওবা রাসং দাকজা। ইয়া চিসলোন হা·গিলসাক আংচা সিজক আরো আংআবা হা·গিলসাকচা সিজক।

¹⁵ বিগিল রাত্তা বা রাতজানি মামুং দামআন দংজা, খ্রীষ্টও গিত্তাল দাক্কে আৎচিয়ান দাল·বাতা খাৎথা হং·আ।

¹⁶ ইয়া নিয়ামও রি·গিবারাংনা, আগানস্খাওদে ইসলনি চং·মত ইস্রায়েলরাংনা বিয়া থম·থমাখো আরো খা·সাচাক্কাখো রন·খানা।

¹⁷ বন·চতাচা আগান্না, দারাংবা আংখো নেং·এতজাখানা, মুয়ানা যীশুখো দক্কানি চিনখো আংআ আন·থাংনি বে·এনো রা·বিতে রি·ইংজক।

¹⁸ জংআদারাং, আনচিংনি গিত্তেল যীশু খ্রীষ্টনি খা·সাচাক্কা না·সংনি খা·থংও দংখানা। আমেন।