ইফিষীয়রাংনা 1 - Garo New Testament

¹ আংআ পৌল ইসলনি হা·সিকাও খ্রীষ্ট যীশুনি সাকসা ওয়াত্তেতা হং·আ। ইফিষ সংজিলমাও জেরাং ইসলনি মান্দি হং·আ আরো খ্রীষ্ট যীশুখো বিবিরা·আ বিসংনা আংআ ইয়া চিঠিখো চক্কিংআ।

² আনচিংনি ফাগিবা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো রন·খানা।

খ্রীষ্টওন গিসিকনি ফাত্তিয়া

³ আনচিংনি গিত্তেল যীশু খ্রীষ্টনি ফাগিবা আরো ইসলনি রাসং হং·খানা। আনচিং খ্রীষ্টমুং নাংরিমজক ইন্নে সালগিনি গিসিকনি ফাত্তিয়াখো ইসল আনচিংনা রন·জক।

^4-5 জেদাক্কে আনচিং ইসলনি মিক্রোনও রংথালগিবা আরো খাকখেৎগিবা হং·না মা·ন্না উনি গিম্মিন হা·গিলসাক হং·না স্খাংআন ইসল খ্রীষ্টও আনচিংখো বাচ্ছিয়ে রা·জক। বিনি খা·সানি গিম্মিন বিয়া খুসি হং·এ আন·থাংনি হা·সিকাও স্খাংআন ইন্দাকে থিক দাক্কামিং, যীশু খ্রীষ্টও বিনি বি·সা গিত্তা বিয়া আনচিংখো রা·চাকনুয়া।

⁶ বিয়া ইখো দাক্কামিং জেদাক্কে বিয়া বিনি দেফান্থিও ইন্দিনারি আনচিংনা খা·সাচাক্কা উনা বিখো রাসং দাক্কা।

⁷ ইসলনি বন·চাংগিজা খা·সাচাক্কা গিত্তাদে খ্রীষ্টমুং নাংরিমে বিনি হান·চিচা আনচিং জক্কাখো মান·জক, আগানস্খাওদে পাপওনি ক্ষেমা মান·জক।

⁸ ইয়া খা·সাচাক্কাখো ইসল বিনি হা·আইবাত্তামুং আরো বুদ্ধিমুং জাকস্রামে আনচিংনা রন·জক।

⁹ জেগিত্তা বিয়া হা·ম্মামিং আরো স্খাংআন খ্রীষ্টও থারিয়ে দনসোআমিং, উগিত্তান বিয়া বিনি নিং·থুয়া মিকসংআখো আনচিংনা আগানামিং।

¹⁰ বিয়া থারিয়ে দনসোআমিং, সাল চু·সকানি জা·মানো উয়া মিকসংআ গিত্তা কাম দাকনা ইন্নে বিয়া সালগিনি আরো হা·গিলসাকনি গিম্মিকখো আপসান দাক্কেতি খ্রীষ্টনি শাসননি নিং·আও রা·বানুয়া।

¹¹ ইসল বিনি বিচালচা আন·থাংনি হা·সিকা গিত্তান গিম্মিক কামখো দাক্কা। বিনি মিকসংআ গিত্তা বিয়া স্খাংআন জেখো থারিয়ে দনসোআমিং উগিত্তান খ্রীষ্টও বিনি আন·থাংনি মান্দি হং·না বিয়া আনচিংখো বাচ্ছিয়ে রা·জক।

¹² আনচিং জেরাং স্খাংআন খ্রীষ্টও খা·দংজক, উয়া আনচিংআন জেদাক্কে ইসলনি রাসংনা মিৎথেলা উনি গিম্মিনান বিয়া আনচিংখো বাচ্ছিয়ে রা·জক।

¹³ আরো না·সংবা বিবিনি খাৎথাখো, আগানস্খাওদে পাপওনি জক্কাখো মা·ন্নানি নাম্মা খাৎথাখো খিন্নাএ খ্রীষ্টখো বিবিরা·জক। খ্রীষ্টমুং নাংরিমজক ইন্নে ইসল বিনি খু·রাচাকগিবা গিসিক রংথালগিবাচা না·সংখো সীল সু·এ দনজক।

¹⁴ জেরাং ইসলনি আন·থাংনি গাম হং·আ বিসংনা বিয়া মিংসা মান·রিকানি বিলখো র·ন্না খু·রাচাকজক। বিসংখো জেওনা দিপ্পাৎ চু·গিম্মিক দাক্কে জক্কেৎজানুয়া উয়োনা দিপ্পাৎ উয়া মান·রিকানি বিলনি স্খাংগিবা বাক গিত্তা গিসিক রংথালগিবাখো বিসংনা রন·জক। আরো ইরাংচান ইসলনি রাসংনি মিৎথেলা হং·নুয়া।

মিৎথেলানি আরো বি·আনি

¹⁵ ইনি গিম্মিন জেনসালো আংআ গিত্তেল যীশুনি সাক্কাও না·সংনি বিবিরা·আখো আরো ইসলনি গিম্মিক মান্দিরাংনা না·সংনি খা·সানি খাৎথাখো খিন্নাজক,

¹⁶ উনোনি মামুং সালোবা না·সংনা মিৎথেলাখো র·ন্না আংআ দনচাংখুজা।

¹⁷ বি·মিত্তিংও আংআ না·সংখো গুয়ালজা। আংআ বি·আ জেদাক্কে আনচিংনি গিত্তেল যীশু খ্রীষ্টনি ইসল, আগানস্খাওদে উয়া রাসংনি ফাগিবা না·সংনা গিসিকনি হা·আইয়ানি বিলখো র·ন্না, জেদাক্কে না·সং বিখো আরোবা নাম্মেদাক্কে হা·আইনা মা·ন্না।

^18-19 আংআ আরোবা বি·না জেদাক্কে না·সংনি খা·থংনি মিক্রোন খুলিয়াংআ, জেদাক্কে বিনি রিক্কামানি গিম্মিন না·সংনি খা·থংও জেগিত্তা খা·দংআ উখো না·সং হা·আইনা মা·ন্না; আরো উমুং ইখোবা হা·আইবো, বিচা বিনি মান্দিরাং বাসিক দা·ল্লা গাম গিত্তা হং·আ আরো আনচিং জেরাং বিবিরা·গিবা হং·আ আনচিংনি খা·থংও বিনি বাসিক দা·ল্লা বিল কাম দাক্কিংআ। ইয়া উয়া আপসান বিলআন হং·আ,

²⁰ জেচা বিয়া সিয়াওনিখো খ্রীষ্টখো থাংচাএতজক আরো সালগিও বিনি জাক্রাচানা আসংএতজক।

²¹ সালগিসাকো জেরাংনি জাক্কো গিম্মিক শাসন আরো বিলরাং দংআ বিসংখো বিয়া খ্রীষ্টনি নিং·আও দনজক। আরো জেনা জে বিমুংখোন দনখানা, উয়া ইয়া চাসংওন হং·খানা বা রি·বাগিবা চাসংওন হং·খানা, গিম্মিক বিমুংনি সাক্কাও খ্রীষ্টনি বিমুং দংআ।

²² গিম্মিকখো ইসল খ্রীষ্টনি জা·চক নিং·আও দনজক আরো বিনা গিম্মিকনি বিলখো রন·জক, আরো বিখোন মন্ডলীনি স্খু দাক্কে বাচ্ছিয়ে রা·জক।

²³ ইয়া মন্ডলী চং·মতদে খ্রীষ্টনিন বে·এন। জেআন গিম্মিক গিত্তা গিম্মিকখো চু·সকেতা উয়া খ্রীষ্টনি চু·সকা হং·জক ইয়া মন্ডলী।