ওয়াত্তেতারাংনা 8 - Garo New Testament

¹ শৌল উনো স্তিফানখো স·ওতনা দিদিয়েতিংআমিং। উনসালো যিরূশালেমনি খ্রীষ্টান মন্ডলীনি মান্দিরাংখো গিচ্চিয়েতনা হা·বাচেংজক। উনি গিম্মিন ওয়াত্তেতারাংনি আগ্রে গিম্মিক বিবিরা·গিবারাং যিহূদিয়া আরো শমরিয়া হা·দকনি হা·দাম গিম্মিকচা বিলদিং বিলদাং হং·জক।

গিচ্চিয়েতানি গিম্মিন বিবিরা·গিবারাংনি বিলদিং বিলদাং হং·আংআ

² ইসলনা খা·ফাকগিবা মিত্তাম মান্দিরাং স্তিফানখো গোপজক আরো বিনা গ্রাপবিজক।

³ ইন্দিবা শৌল উয়া মন্ডলীখো ব·ন্নেতনা নকরাংচা রি·য়াংএ উয়া মন্ডলীনি মি·আসা আরো মিচিকরাংখো সাল্লে রা·বাএ জেলো দনজক।

শমরিয়াও ফিলিপনি আগানফ্রাকা

⁴ বিলদিং বিলদাং দাক্কে দংগিবা বিবিরা·গিবারাং গিম্মিকচা রি·য়াংএ খ্রীষ্টনি নাম্মা খাৎথাখো আগানফ্রাকনা হা·বাচেংজক।

⁵ উয়া সময়ও ফিলিপ শমরিয়া হা·দকনি সংজিলমা দামসাওনা রি·য়াংএ খ্রীষ্টনি গিম্মিন আগানফ্রাকজক।

⁶ মান্দিরাং বিনি খাৎথাখো খিন্নাএ আরো বিয়া জে আইয়াও ইনমানগিবা কামরাংখো দাক্কিংআমিং উখো নিক্কে বিনি আগানাখো গিসিক নাএ খিন্নাজক।

⁷ বাং·আওনি গিসিক নামগিজাগিবারাং চ্রিকে হং·খাতাংজক আরো বাং·আ হান·মা গক্কা আরো জা·খরারাং নামজক।

⁸ উনি গিম্মিন উয়া সংজিলমানি মান্দিরাং খুসি হং·বিজক।

⁹ উয়া সংজিলমাও শিমোন মিংগিবা মান্দি সাকসা সাল বাং·আওনিন যাদু মন্ত্র দাক্কে ফিন্নিকিংআমিং। উনি গিম্মিন শমরিয়ানি মান্দি গিম্মিক আইয়াও ইনমানামিং।

¹⁰ বিয়া আন·থাংখো মংসংবাৎগিবা সাকসা মান্দি ইন্নে দাবি দাকনুয়ামিং, আরো দিল্লা-নকমা গিম্মিকান বিনি খাৎথাখো খিন্নানুয়ামিং। মান্দিরাং আগান্নুয়ামিং, “ইয়া মান্দিন ইসলনি।”

¹¹ মান্দিরাং বিনি খাৎথা গিত্তা রি·নুয়ামিং, মুয়ানা সাল বাং·আওনিন বিয়া বিনি যাদু মন্ত্রখো ফিন্নিকে বিসংখো আইয়াও ইনমানেতামিং।

¹² ইন্দিবা ফিলিপ ইসলনি সংনক আরো যীশু খ্রীষ্টনি গিম্মিন নাম্মা খাৎথাখো আগানফ্রাকজক উনো মান্দিরাং বিনি খাৎথাখো বিবিরা·জক আরো মি·আ-মিচিকরাং রিপ্পলনা হা·বাচেংজক।

¹³ উয়া শিমোনবা বিবিরা·এ রিপ্পলজক, আরো বিয়া ফিলিপখো জা·রিকে হা·দাম গিম্মিকচা রি·য়াংজক আরো চিননি কাম আরো দাল·দালবাতা আইয়াও ইনমানানি কামরাংখো নিক্কে আইয়াও ইনমানজক।

¹⁴ শমরিয়ানি মান্দিরাং ইসলনি খাৎথাখো বিবিরা·জক ইন্নে যিরূশালেমনি ওয়াত্তেতারাং জেনসালো খিন্নাজক উনসালো বিসং পিতর আরো যোহনখো উয়া মান্দিরাংচা ওয়াত্তেতজক।

¹⁵ পিতর আরো যোহন রি·বাএ বিসংনা বি·জক জেদাক্কে বিসং গিসিক রংথালগিবাখো মা·ন্না,

¹⁶ মুয়ানা উনোবা বিসংনি সাক্কাও গিসিক রংথালগিবা রি·বাখুজা; গিত্তেল যীশুনি বিমুংওসান বিসং রিপ্পলামিং।

¹⁷ উনোন পিতর আরো যোহন বিসংনি সাক্কাও জাক দনদাপজক, আরো বিসং গিসিক রংথালগিবাখো মান·জক।

¹⁸ জে সময়ও শিমোন নিকজক, ওয়াত্তেতারাংনি জাক দনদাপাচা গিসিক রংথালগিবাখো হন·জক উনো বিয়া বিসংচা থাংখা রা·বাএ আগানজক,

¹⁹ “আংনাবা ইন্দাকগিবা বিলখো হন·বো জেদাক্কে আংআ সানিবা সাক্কাও জাক দনদাপজোকনো বিয়া গিসিক রংথালগিবাখো মা·ন্না।”

²⁰ উনোন পিতর বিনা আগানজক, “নাং·নি থাংখা নাং·মুংআন বন·খানা, মুয়ানা ইসলনি হ·ন্নাখো থাংখাচা ব্রিনা মা·ন্না ইন্নে না·আ চানচিয়া।

²¹ চিংনি ইয়া কামও নাং·নি মামুং বাক বা বিল দংজা, মুয়ানা ইসলনি মিক্রোনও নাং·নি খা·থং খাকখেৎ হং·জা।

²² ইয়া নামগিজাওনিখো না·আ নাং·নি গিসিকখো ফি·ল্লেতবো আরো গিত্তেলচা বি·বো; ইন্দাকোদে নাং·নি গিসিকনি ইয়া নামগিজা চানচিয়াখো বিয়া ক্ষেমা দাকনাবা দংআ।

²³ আংআ নিকনা মা·ন্নিংআ, নাং·নি গিসিক মাদ্দুুয়াও গাপ্পা আরো না·আ পাপনি নকখল হং·এ দংআ।”

²⁴ উনোন শিমোন আগানজক, “না·সংআন গিত্তেলচা আংনা বি·বো জেদাক্কে না·সং জেখো আগানজক উয়া আংনি সাক্কাও হং·জা।”

²⁵ ইনি জা·মানো পিতর আরো যোহন গিত্তেলনি গিম্মিন সাক্ষি হ·ন্নে আরো বিনি খাৎথাখো আগানফ্রাকে যিরূশালেমচানা রি·য়াংফিলজক। রি·য়াংমিত্তিংও বিসং শমরীয়রাংনি বাং·আ সংরাংও নাম্মা খাৎথাখো আগানফ্রাকজক।

ফিলিপ আরো ইথিয়পিয়া হা·সংনি কাম রিম·গিবা

²⁶ সালসাও গিত্তেলনি সা·গ্রে সাকসা ফিলিপনা আগানজক, “চাখাতবো, সালগিপেংচানি জে রামা যিরূশালেমোনি গাজা সংজিলমাওনা রি·য়াংজক উয়া রামাচানা রি·য়াংবো।” উয়া রামা হা·গিসি জওলোমিং।

²⁷ উনোন ফিলিপ উচানা রি·য়াংজক। রামাও ইথিয়পিয়া হা·সংনি সাকসা মংসংবাত্তা কাম রিম·গিবামুং বিয়া গ্রংজক। উয়া কাম রিম·গিবা খোজামিং। ইথিয়পিয়ানি কান্দাকী রাণীনি গামজিনরাংখো নিরিকানি কামখো ইয়া মান্দিন দাকনুয়ামিং। ইসলখো অলাখিনা উয়া কাম রিম·গিবা যিরূশালেমচানা রি·য়াংআমিং।

²⁸ নকচা ফি·ল্লাংমিত্তিংও বিয়া আসংএ আগানসোগিবা যিশাইয়নি খি·তাপখো পড়িংআমিং।

²⁹ উনোন গিসিক রংথালগিবা ফিলিপনা আগানজক, “উয়া ঘোড়ানি গাড়িনি সেফাংচা রি·য়াংবো আরো উমুং আপসান রি·ফাবো।”

³⁰ উনি গিম্মিন ফিলিপ খাত্তাংএ উয়া ঘোড়ানি গাড়িচানা রি·য়াংজক আরো উয়া মান্দি আগানসোগিবা যিশাইয়নি খি·তাপখো পড়িংআ ইখো খিন্নানা মান·জক। ফিলিপ বিখো সিং·জক, “না·আ জেখো পড়িংআ উখো হা·আইনা মা·ন্নিংআমা?”

³¹ উয়া কাম রিম·গিবা আগানজক, “সাবা আগানে হন·জাওদে বাদিকে দাক্কে হা·আইনা মা·ন্নুয়া?” বিয়া ফিলিপখো ঘোড়ানি গাড়িও গাখাতে বিনি কেচ্চিয়ো আসংখানা মল·মলজক।

³² উয়া কাম রিম·গিবা রংথালগিবা শাস্ত্রনি জেওনি পড়িংআমিং উয়া ইয়ান: রাসতনা জেদাক্কে মেষখো রা·আংআ, উয়ানদাক্কে বিখো রা·আংআ হং·জক। খিম্মিল রাতগিবানি মিকখাংও মেষ বি·সা জেগিত্তা স্রক দাক্কে দংআ, উয়ানদাক্কে বিয়া খু·সুক আগানজাজক।

³³ বিয়া চন্নিকাখো মান·জক, বিনি সাক্কাও খাকখেৎ বিচালখো দাকজাজক। বিনি দেরিচ্ছু-সু·রিচ্ছুরাংনি খাৎথাখো আগানানি হং·জা, মুয়ানা বিনি জাংগিখো ইয়া হা·গিলসাকোনিখো রা·আংজকমিং।

³⁴ উয়া কাম রিম·গিবা ফিলিপনা আগানজক, “আগানবোদা, আগানসোগিবা সানি গিম্মিন ইয়া খাৎথাখো আগানজক? আন·থাংনি গিম্মিনোমা সাকগিপ্পিননি গিম্মিন?”

³⁵ উনোন ফিলিপ রংথালগিবা শাস্ত্রনি উয়া বাকওনি হা·বাচেংএ বিচা যীশুনি গিম্মিনো নাম্মা খাৎথাখো আগানফ্রাকজক।

^36-37 রামাও রি·য়াংমিত্তিংও বিসং ইন্দাকগিবা হা·দাম দামসাওনা রি·বাজক জেও চি দংআমিং। উনোন উয়া কাম রিম·গিবা আগানজক, “ইয়া নিবো, ইনো চি দংআ; আংনি রিপ্পলনা চাংফেংআনি দংআমা?”

³⁸ বিয়া ঘোড়ানি গাড়িখো দংদিপেতনা আগানজক। উনি জা·মানো ফিলিপ আরো উয়া কাম রিম·গিবা চিও হং·খাতজক আরো ফিলিপ বিখো রিপ্পলেতজক।

³⁹ বিসং চিওনি গাখাতমিত্তিংও গিত্তেলনি গিসিক রাং·গিত্তিক ফিলিপখো রা·আংজক। উয়া কাম রিম·গিবা বিখো নিকজাজক। উনোন বিয়া খুসি হং·এ নকচানা রি·য়াংজক।

⁴⁰ ইন্দিবা ফিলিপখো অস্‌দোদ সংজিলমাও নিকনা মান·জক। বিয়া সংরাংও আগানফ্রাকে কৈসরিয়াওনা রি·য়াংজক।