2 তীমথিয় 3 - Garo New Testament

বন·খামা সালনি খাৎথা

¹ ইয়া খাৎথাখো গিসিক দনবো, বন·খামা সালও বিল্লংআ সময় সকবানুয়া।

² মান্দি আন·থাংখোসান নামনিকনুয়া, থাংখানা মাদ্দুনুয়া, রাসং দাকনুয়া, গিম্মিকখো চন্নিকনুয়া, গিম্মিকনি নামগিজাখো আগান্নুয়া আরো মা·গিবা-ফাগিবাখো মানিজানুয়া।

³ বিসংও খা·সাআ দংজানুয়া, আরো বিসং নিরিয়ে-গিসিয়ে নাংরিমজানুয়া। বিসং গিপ্পিনখো জাচানুয়া, আন·থাংখো বাম্মেতনা মান·জানুয়া, খা·গ্রাক হং·নুয়া, আরো নামগিবা গিম্মিকখো মিৎচিনুয়া।

⁴ বিসং বিবিগিজাগিবা, নাথিমাং আরো গাং·বিংগিবা হং·নুয়া। ইসলখো খা·সাগিজা বিসং হা·গিলসাকনি সুকখো নামনিকনুয়া।

⁵ হা·ফালনি বিমাংখো নিকজোকনো ইসলনা বিসং বাসিক খা·ফাকা গিত্তা নিক্কা, ইন্দিবা ইসলখো অলাখিয়ানি বিলখোন বিসং জিচাকা। ইন্দাকগিবা মান্দিরাংওনি চে·ল্লাও দংবো।

⁶ ইন্দাকা মান্দিরাংনি গিসেপো সাবা সাবা নকরিক্ষিতও নাপ্পে গিসিক নম·বকগিবা মিচিকরাংখো ব্রাংআ রামাচানা রা·আংআ। ইন্দাকা মিচিকরাংনি সাক্কাও পাপ গাপ্পে দংআ; বিসং বাং·আ নামগিজা হা·সিকারাংচা রি·য়া।

⁷ বিসং ফাংনান স্খিয়ানি খাৎথাখো খিন্নাংআ, ইন্দিবা ইসলনি বিবিখো মামুং সালোবা নিং·থুয়ে হা·আইনা মান·জাংআ।

⁸ জেদাক্কে যান্নি আরো যাম্ব্রি মোশিনি সাক্কাও চাদেংআমিং উয়ানদাক্কেন ইয়া মান্দিরাংবা উয়া বিবিনি সাক্কাও চাদেংআ। ইরাংনি গিসিক নামজাস্রাং আরো খ্রীষ্ট থরমখো বিবিরা·আনি মামুংখো বিসংনি গিসেপো নিকজা।

⁹ ইন্দিবা বিসং আরবা মিকখাংচা রি·য়াংনা মান·জানুয়া, মুয়ানা যান্নি আরো যাম্ব্রিনি জাদাখো জেগিত্তা গিম্মিকান নাম্মেদাক্কে নিক্কামিং উগিত্তা বিসংনি জাদাখোবা গিম্মিকান নাম্মেদাক্কে নিকনা মা·ন্নুয়া।

তীমথিয়না গি·য়েতা

¹⁰ না·আ আংনি স্খিএতাখো, রি·য়ারাংখো, মিকসংআখো, বিবিরা·আখো, চাক্কানি গুণখো, খা·সাখো আরো চাকচিকাখো নাম্মেদাক্কেন নিকজক।

¹¹ ইনাআগ্রেবা আন্তিয়খিয়াচা, ইকনিয়াচা আরো লুস্ত্রাচা আংআ জেগিত্তা গিচ্চিয়াখো আরো দুকখো চাকজক উরাংখোবা না·আ হা·আইয়া, ইন্দিবা উরাংওনিখো গিত্তেল আংখো রাক্ষিয়ামিং।

¹² চংমতদে জেরাং খ্রীষ্ট যীশুমুং নাংরিমে ইসলখো অলাখিয়ে জাংগি মিৎথাংএতনা হা·ম্মা বিসং গিচ্চিনুয়ান।

¹³ ইন্দিবা নামগিজাগিবা মান্দিরাং আরো দাক্কামব্রুগিবারাং আরোসা নামজাস্রাংনুয়া। বিসং গিপ্পিনরাংখো ব্রাংআ রামাচানা রা·আংনুয়া আরো আন·থাংথাংবা ব্রাংআ রামাচা রি·নুয়া।

¹⁴ ইন্দিবা না·আ জেখো স্নিংজক আরো বিবিরা·বিবিজক উয়ো খেম·খেমে দংবো, মুয়ানা সারাংচানি না·সং উখো স্খিজক উখো না·সং হা·আইয়া।

¹⁵ বি·সাওনি না·আ রংথালগিবা শাস্ত্রনিখো স্নিংআ। আরো ইয়া রংথালগিবা শাস্ত্রন নাং·খো খ্রীষ্ট যীশুখো বিবিরা·আচা পাপওনি জক্কেতাখো মা·ন্নানি হা·আইয়াখো হ·ন্না মা·ন্না।

¹⁶ রংথালগিবা শাস্ত্রনি গিম্মিক খাৎথা ইসলওনি রি·বাআ আরো উয়া স্খিনা, সিমসাকেতনা, থারিফিলনা আরো নামগিবা জাংগিখো থারিনা নাংগিবা,

¹⁷ জেদাক্কে ইসলনি মান্দি চু·গিম্মিক দাক্কে খ্রাগিবা হং·এ নাম্মা কামখো দাকনা ইন্নে থারিসোনা মা·ন্না।