2 তীমথিয় 1 - Garo New Testament

¹ খ্রীষ্ট যীশুও ফাংনাজলনি জাংগিনি খু·রাচাক্কা গিত্তা ইসলনি হা·সিকাও আংআ পৌল খ্রীষ্ট যীশুনি সাকসা ওয়াত্তেতা হং·জক।

² ইয়া চিঠিখো আংআ আংনি খা·সাগিবা বি·সা তীমথিয়না চক্কিংআ। ফাগিবা ইসল আরো আনচিংনি গিত্তেল খ্রীষ্ট যীশু নাং·না খা·সাচাক্কাখো আরো থম·থমাখো হন·খানা।

বিবিগিবা হং·না খা·দংএতা

³ আংনি ফাগিৎচামরাং জেগিত্তা ইসলনা দাকচাকে হ·ন্নুয়ামিং উগিত্তা আংআবা নাম্মা গিসিকো ইসলনা দাকচাকে হ·ন্না; আরো নাং·না ওয়ালসাল বি·মিত্তিংও আংআ বিখো মিৎথেলা।

⁴ নাং·নি গ্রাপাখো গিসিক রা·এ নাং·খো নিকনা হা·সিকিংজক, জেদাক্কোদে আংনি গিসিক খুসি হং·আ।

⁵ নাং·নি খা·থংও জে বিবিরা·আ দংআ উখোবা আংনি গিসিকো দংআ। ইয়া বিবিরা·আ স্খাংও নাং·নি আম্বি লোয়ী আরো নাং·নি মা·আ উনীকীনি খা·থংও দংআমিং, আরো আংআ হা·আইয়া, ইয়া বিবিরা·আ নাং·নি খা·থংওবা দংআ।

⁶ ইনি গিম্মিন আংআ নাং·না দা·আবা ইয়া খাৎথাখো আগান্না হা·ম্মা-নাং·নি সাক্কাও আংনি জাক দন্নাচা ইসল নাং·না জে হ·ন্নানিখো হন·জক উখো দা·আবা দি·চাবো।

⁷ ইসল আনচিংনা খেন্নানি গিসিকখো হন·জা; বিয়া আনচিংনা ইন্দাকা গিসিকখো হন·জক জেও বিল, খা·সাআ আরো আন·থাংখো বাম্মে রা·রিকানি বিল দংআ।

⁸ উনি গিম্মিন আনচিংনি গিত্তেলনি গিম্মিনো সাক্ষি হ·ন্না দা·আ খ্রাচা·আবো, আরো বিনি গিম্মিন বন্দি হং·গিবা আংআ, আংখো রা·এবা দা·আ খ্রাচা·আবো। উনা বাত্তে ইসল নাং·না জে বিলখো হন·জক উগিত্তা বিনি নাম্মা খাৎথাখো আগানফ্রাকনা আংমুং দুক চাকবো।

⁹ ইসলান আনচিংখো পাপওনি জক্কেৎজক আরো রংথালে জাংগি থাংএতনা রিক্কামজক। আনচিংনি মামুং কামনি হা·সেল বিয়া ইখো দাকজা, বাত্তেসা বিনি মিকসংআ আরো খা·সাচাক্কানি গিম্মিনোন দাকজক। হা·গিলসাক হং·চেংনা স্খাং খ্রীষ্ট যীশুও বিয়া বিনি খা·সাচাক্কাখো আনচিংনা হ·ন্নামিং,

¹⁰ ইন্দিবা দা·আও আনচিংখো জক্কেৎগিবা খ্রীষ্ট যীশুনি ইয়া হা·গিলসাকো রি·বাচা বিয়া উয়া খা·সাচাক্কাখো ফারাকজক। খ্রীষ্ট সিয়াখো ব·ন্নেতজক আরো নাম্মা খাৎথাচা ব·ন্নাগ্রি জাংগিনি খাৎথাখো ফারাকজক।

¹¹ আরো ইয়া নাম্মা খাৎথাখো হা·আইএতনান আংখো আগানফ্রাকগিবা, ওয়াত্তেতা আরো স্খিগিবা দাক্কে বাচ্ছিয়ে রা·জক।

¹² ইনি গিম্মিনান আংআ ইন্দাকা দুকরাংখো চাক্কিংজক; ইন্দাকোবা আংআ খ্রাচা·জা, মুয়ানা আংআ হা·আইয়া আংআ সানি সাক্কাও ফাংচাকজক। আংআ খাকখেতান হা·আইয়া, আংআ বিচা জেখো দনজক খ্রীষ্টনি রি·বানি সালনা উখো রাক্ষিয়ানি বিল বিনি দংআ।

¹³ না·আ আংচাখো জেখো খিন্নাজক উয়া চং·মত স্খিয়াখো না·আ জা·রিকবো; আরো খ্রীষ্ট যীশুমুং নাংরিমানি গিম্মিন আনচিংনি খা·থংও জে খা·সাআ আরো বিবিরা·আ রি·বাজক উখোবা রি·ম্মে রা·রিকবো।

¹⁴ ইসল নাং·না জেখো রাক্ষিনা হন·জক উখো রংথালা গিসিকচা রাক্ষিবো, জেআন আনচিংনি খা·থংও দংআ।

¹⁵ না·আ হা·আইয়া এশিয়া হা·দকনি গিম্মিকান আংচানি জিত্তাংজক। বিসংনি গিসেপো ফুগিল্ল আরো হর্মগিনি দংআ।

¹⁶ অনীষিফরনি নকনি সাক্কাও গিত্তেল খা·সাচাকখানা; বিয়া বাং·এন আংখো খা·দংএতজক, আরো আংনি বন্দি হং·আনা বিয়া খ্রাচা·জাজক।

¹⁷ বিয়া রোমও দংমিত্তিংও আংখো বাং·এ সান্দিয়ে আংখো মা·ন্নামিং।

¹⁸ ইফিষও বাদিকে দাক্কে বিয়া আংনা হালদুজক উখো না·আ নাম্মেদাক্কে হা·আইয়া। গিত্তেল দাকখানা, জেদাক্কে খ্রীষ্টনি রি·বানি সালো বিয়া গিত্তেলচাখো খা·সাচাক্কাখো মা·ন্না।