2য় করিন্থীয়রাংনা 7 - Garo New Testament

¹ খা·সাগিবা রিপ্পেংরাং, আনচিংনা ইয়া খু·রাচাক্কারাং দংআ ইন্নে হাই, আনচিং বে·এন আরো খা·থংনি গিম্মিক মারাং নাংআওনি আন·থাংথাংখো রংথালেতনা আরো ইসলখো খেনচাকে অলাখিয়ে চু·গিম্মিক রংথালানি রামাও রি·না।

পৌলনি হান·সেংআ

² না·সংনি খা·থংও চিংনা হা·দাম থারিবো। চিংআদে দারাংমুং অন্যায়খো দাকজা, দারাংনি নামগিজাখো দাকজা আরো দারাংখোবা থকাই চা·জা।

³ ইয়া খাৎথাখো আংআ না·সংখো দোস হ·ন্না আগানজাংআ। আংআদে স্খাংআন আগানজক, না·সং চিংচা ইন্দাকফিল্লেন খা·সাগিবা হং·আ, চিংআ না·সংমুং সিনাবা গং·আ, থাংনাবা গং·আ।

⁴ না·সংখো আংআ বিবিরা·বিয়া আরো না·সংনি গিম্মিন আংআ রাসং দাকবিংজক। চিংনি গিম্মিক দুকরাংনি গিসেপো আংনি খুসি গাপসুয়াকিংজক আরো আংআ বাং·এ খা·নাম্মেতাখো মান·জক।

⁵ ম্যাসিডোনিয়াচা সক্কেবা চিংনি বে·এন নেং·থাকাখো মান·জা; গিম্মিক গিত্তান চিংআ নেং·আখো মা·ন্না-গিম্মিকচান গোলমাল দংআমিং আরো খা·থংও খেনচাকামিং।

⁶ ইন্দাকোবা ইসল, জেআন দুক মান·গিবারাংখো খা·নাম্মেতা হ·ন্না, বিয়া তীতনি রি·বাচা চিংখো খা·নাম্মেতজক।

⁷ ইন্দাকেসান হং·জা, তীত আন·থাং না·সংচানিখো খা·নাম্মেতাখো মান·জক ইন্নে চিংআবা খা·নাম্মেতাখো মান·জক। না·সংনি হা·সিকাখো আরো দুকনি খাৎথাখো বিয়া চিংনা আগানজক আরো ইখো হা·আইএতজক, না·সং আংনা নাম্মেন চানচিংআ, আরো উনি হা·সেল আংআ আরোবা খুসি হং·জক।

⁸ আংআ আংনি স্খাংনি চিঠিচা না·সংখো দুক হ·ন্নোবা আংনি দুক দংজা। জেনসালো আংআ নিকজক, উয়া চিঠি বাং·গিজা সালনা হং·ওবা না·সংখো দুক হ·ন্না উনো আংআ অকখিসা হং·ওবা দুক মা·ন্নামিং, ইন্দিবা দা·আওদে আংআ হান·সেংআ।

⁹ না·সং দুকখো মা·ন্নামিং ইন্নে আংআ খুসি হং·জা, বাত্তেসা না·সং দুক মা·ন্নে পাপওনি গিসিক ফিল·জক ইন্নে খুসি হং·জক। ইসলনি হা·সিকা গিত্তান না·সং ইয়া দুকখো মা·ন্নামিং, আরো উনি গিম্মিন চিংনি হা·সেল না·সংনি নামগিজানি মামুংবা হং·জা।

¹⁰ ইসল জে দুকখো হ·ন্না উনি গিম্মিন পাপওনি গিসিক ফি·ল্লা আরো উনি হা·সেল পাপওনি জক্কাখো মা·ন্না, আরো উনো দুক দাক্কানি মামুংবা দংজা। ইন্দিবা হা·গিলসাকনি হন·গিবা দুকদে মান্দিনা সিয়াখো রিংগামে রা·বাআ।

¹¹ চানচিয়ে নিবো, জেনসালো ইসল না·সংখো দুক হ·ন্নামিং না·সং উনো জা·মানচাকজা, উনো দোসগ্রি দাক্কে আন·থাংথাংখো ফিন্নিকনা না·সং বাসিক হা·সিকামিং, পাপখো বাসিক মিৎচিয়ামিং, গিসিকো বাসিক খেন্নামিং, বাসিক হা·সিকামিং, বাসিক চানচিয়ামিং আরো পাপনি শাস্তিখো হ·ন্না বাসিক হা·সিকামিং। ইন্দাকে উরাংনা না·সং দোসগ্রি হং·আ ইখো গিম্মিক গিত্তান না·সং ফিন্নিকামিং।

¹² উয়া চিঠিখো আংআ চক্কাদে চক্কামিং, ইন্দিবা জেআন অন্যায় দাক্কা বা জেনি সাক্কাও অন্যায় দাকজক বিনা চকজা, বাত্তেসা না·সং চিংনা বিবিন খা·সাআ ইখো ইসলনি মিকখাংও না·সংচা ফারাকখানা ইন্নে চক্কামিং।

¹³ ইয়ো চিংআ খা·নাম্মেতাখো মান·জক। উয়া খা·নাম্মেতামুং তীতনি খুসিখো নিক্কে চিংআবা খুসি হং·জক মুয়ানা না·সং গিম্মিকচাখো বিয়া গিসিকো নাম্মেন থম·থমাখো মান·জক।

¹⁴ আংআ খুসি হং·জক, মুয়ানা না·সংখো রা·এ আংআ বিচা রাসং দাক্কামিং, আরো উনি হা·সেল আংনি খ্রাচা·আখো মা·ন্না নাংজাজক। উনা বাত্তে না·সংচা আগানা চিংনি গিম্মিক খাৎথা জেগিত্তা বিবি হং·আমিং, উগিত্তান তীতচা না·সংখো রা·এ চিংনি রাসং দাক্কাবা বিবিন হং·আ ইখো ফিন্নিকা হং·জক।

¹⁵ না·সং গিম্মিকান জেগিত্তা খেনচাকে আরো মান্দিরা·এ বিখো রা·চাকে বাম্মে ফিন্নিকামিং, উখো গিসিক রা·এ না·সংনা বিনি খা·সা আরোবা বাং·বাতজক।

¹⁶ আংআ খুসি হং·জক, মুয়ানা গিম্মিকোন আংআ না·সংনি সাক্কাও ফাংচাকনা মা·ন্না।