2য় করিন্থীয়রাংনা 5 - Garo New Testament

¹ চিংআ ইয়া খাৎথাখো হা·আইয়া, ইয়া হা·গিলসাকো চিংআ জে তাম্বুও দংআ, আগানস্খাওদে জে বিলগ্রি বে·এনো চিংআ দংআ উয়া নাসিয়োবা ইসলনি হন·গিবা গি·সা নক চিংনি দংআ। ইয়া নকখো মান্দিনি জাকচা থারিজা, সালগিও উয়া ফাংনাজলনান দংআ।

² ইয়া বে·এনো দংমিত্তিংও চিংআ রাং·স্ফিতিংআ আরো খা·থং গিম্মিকচা হা·ম্মিংআ জেদাক্কে সালগিনি উয়া গিত্তাল বে·এনচা চিংখো ফিনদাপা;

³ মুয়ানা ইয়া খাৎথা বিবি, উয়া বে·এনখো মান·জোকনো নিকনা মা·ন্নুয়া চিংআ খমলং হং·জা।

⁴ বিবিন ইয়া বিলগ্রি বে·এনো দংএন চিংআ রিৎজিমানি হা·সেল রাং·স্ফিতিংআ। চিংআ বে·এনগ্রি হং·না হা·ম্মা ইন্দাকেদে হং·জা, বাত্তেসা উয়া গিত্তাল বে·এনচা ফিনদাপাখো হা·ম্মা জেদাক্কে সিয়ানি নিং·আও দংগিবা চিংনি বে·এন ফাংনাজলনা থাংএ দংগিবা বে·এনো দিংথাং ফি·ল্লাংআ।

⁵ ইনি গিম্মিনান ইসল চিংখো থারিজক আরো উনি স্খাংগিবা বাক গিত্তা গিসিক রংথালগিবাখো বিয়া চিংনা হন·জক।

⁶ ইনি গিম্মিন মামুং সালোবা চিংআ খেনজা, আরো চিংআ ইখো হা·আইনা মা·ন্নিংজক, জেওনা দিপ্পাৎ ইয়া বে·এননি নকও চিংআ দংনুয়া উয়োনা দিপ্পাৎ গিত্তেলওনি চিংআ চে·ল্লে দংনুয়া।

⁷ জেখো নিক্কিংআ চিংআ উচা রি·জা, বাত্তেসা বিবিরা·আচা রি·য়া।

⁸ চিংআ খেনজা আরো চিংআ বে·এননি নকওনি চে·ল্লে দংএ গিত্তেলমুং দংআখোন নাম্মা ইন্নে চানচিয়া।

⁹ উনি গিম্মিন চিংআ বে·এননি নকও দং বা দা·আ দং, চিংনি মিকসংআ হং·জক গিত্তেলখো খুসি দাক্কা।

¹⁰ মুয়ানা খ্রীষ্টনি বিচালনি মিকখাংও আনচিংনি গিম্মিকখো ফারাকনুয়া, জেদাক্কে আনচিং গিম্মিকান ইয়া বে·এনো দংমিত্তিংও জেখো দাকজক উয়া নামখানা বা নামজাখানা উনা খ্রাএ উনি মা·ন্নানিখো মা·ন্না।

ইসলমুং নাংরিমা

¹¹ গিত্তেলনা খেন্না ইন্নে চিংআ আন·থাংথাংনি গিম্মিন মান্দিনি গিসিকো বিবিরা·এতনা হা·ম্মা। চিংআ জেগিত্তা দাক্কা, উখো ইসল নাম্মে থাল্লেন হা·আইয়া আরো না·সংনি গিসিকোবা উয়া থাল্লা ইন্নে আংআ খা·দংআ।

¹² ইনি গিম্মিন চিংআ না·সংচা দা·আবা আন·থাংথাংখো মিৎথেলজা বাত্তেসা চিংখো রা·এ না·সংনি রাসং দাক্কানি হা·সেলখো ফিন্নিকিংআ, জেদাক্কে খা·থংখো নিগিজা জেরাং হা·ফালনি বিমাংখো নিএ রাসং দাক্কা বিসংনা না·সং আগানচাকনা মা·ন্না।

¹³ চিংআ খোরে চাএ দংওদে ইসলনি গিম্মিনান চাজক, আরো নাম্মা গিসিকো দংওদে না·সংনি গিম্মিনান দংজক।

¹⁴ খ্রীষ্টনি খা·সান চিংখো বাম্মেতে দন্নে রি·দিলিংআ, মুয়ানা ইখো চিংআ হা·আইনা মান·জকান, গিম্মিকনা হং·এ সাকসা সিজক, আরো উনি গিম্মিন গিম্মিকান সিজক।

¹⁵ বিয়া গিম্মিকনি হং·এ সিয়ামিং জেদাক্কে থাংএ দংগিবারাং আন·থাংথাংনা থাংএ দংজা, বাত্তেসা জেআন বিসংনা সিয়ামিং আরো থাংচাফিলজক বিনান থাংএ দংআ।

¹⁶ উনি গিম্মিন দা·আওনি দিপ্পাৎ চিংআ মান্দিখো বিনি হা·ফালচাখো নিএ বিচাল দাকজা। খ্রীষ্টখোদে চিংআ স্খাং উয়ানদাক্কেন বিচাল দাক্কামিং, ইন্দিবা দা·আওদে ইন্দাকে দাকজাজক।

¹⁷ সাবা খ্রীষ্টমুং নাংরিমে দংওদে বিয়া গিত্তাল দাক্কে আৎচিজক। বিনি গিৎচাম গিম্মিক মুচ্চিয়ে গিম্মিক গিত্তাল হং·জক।

¹⁸ ইরাং ইসলওনিন হং·আ। খ্রীষ্টচা বিয়া আন·থাংমুং চিংখো নাংরিমগ্র্রিকেতজক, আরো বিমুং গিপ্পিনরাংখো নাংরিমগ্রিকেতানি কামখো চিংনা হন·জক।

¹⁹ ইনি অর্থ হং·জক, ইসল মান্দিনি পাপখো রিম·গিজা খ্রীষ্টচা আন·থাংমুং মান্দিখো নাংরিমগ্রিকেতিংআমিং, আরো উয়া নাংরিমগ্রিকেতানি খবলখো হা·আইএতানি কামখো বিয়া চিংনা হন·জক।

²⁰ উনি গিম্মিনান চিংআ খ্রীষ্টনি খবল হন·গিবা গিত্তা বিনি হং·এ খাৎথা আগানিংজক। আসলদে ইসল আন·থাংআন চিংনি গিসেপো মান্দিরাংচা মল·মলজক। উনি গিম্মিন খ্রীষ্টনি হং·এ চিংআ মল·মলিংজক, “না·সং ইসলমুং নাংরিমগ্রিকবো।”

²¹ যীশু খ্রীষ্টও মামুং পাপ দংজামিং; ইন্দিবা ইসল আনচিংনি পাপখো বিনি সাক্কাও হ·ন্নে বিখোন পাপনি হা·দামও চাদেংএতজক, জেদাক্কে খ্রীষ্টমুং নাংরিমে দংআনি হা·সেল ইসলনি রংথালা আনচিংনি রংথালা হং·আ।