2য় করিন্থীয়রাংনা 1 - Garo New Testament

¹ আংআ পৌল ইসলনি হা·সিকাচা খ্রীষ্ট যীশুনি সাকসা ওয়াত্তেতা হং·জক। আংআ আরো আনচিংনি বিবিরা·গিবা জং তীমথিয় করিন্থ সংজিলমানি ইসলনি মন্ডলী আরো আখায়া হা·দকনি ইসলনি গিম্মিক মান্দিরাংনা ইয়া চিঠিখো চক্কিংজক।

² আনচিংনি ফাগিবা ইসল আরো আনচিংনি গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

খা·নাম্মেতগিবা ইসল

³ আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। বিয়ান খা·সাচাকগিবা ফাগিবা হং·আ; বিয়ান গিম্মিক খা·নাম্মানি ইসল হং·আ।

⁴ চিংনি দুক গিম্মিকও বিয়া খা·নাম্মেতাখো হ·ন্না, জেদাক্কে বিচানিখো মান·গিবা খা·নাম্মেতাখো চিংআ সাকগিপ্পিনরাংনি দুক মান·মিত্তিংও হ·ন্না মা·ন্না।

⁵ খ্রীষ্ট গিত্তা দাক্কে চিংআ জেদাক্কে বাং·এ দুকখো চাকচিকিংজক উয়ানদাক্কে বিগিত্তা খা·নাম্মেতাখোবা মা·ন্নিংজক।

⁶ চিংআ জে দুকখো চাক্কা উখো না·সংখো খা·নাম্মেতনা আরো জক্কেৎনা মিকসংএন চাক্কা। জে খা·নাম্মেতাখো চিংআ মা·ন্না উখো না·সংখো খা·নাম্মেতনা মিকসংএন মা·ন্না। জেনসালো না·সং চিং গিত্তা দাক্কে আপসান দুকখো চাকনুয়া উনো ইয়া খা·নাম্মা উয়া দুকরাংখো চাকচিকে চাকনা দাকচাকনুয়া।

⁷ না·সংনি গিম্মিন চিংনি বিবিরা·আ খেম·খেম দংআ, মুয়ানা না·সং জেদাক্কে চিংনি দুকরাংখো মান·ফাগিবা হং·আ উয়ানদাক্কে চিংনি খা·নাম্মেতাখোবা মান·ফাগিবা হং·আ।

⁸ এশিয়া হা·দকো চিংআ জে দুকও গা·আকামিং, আংআ হা·ম্মা উখো জেদাক্কে না·সং হা·আইনা মা·ন্না। উয়ো ইন্দাকে চাকনা হামফিলগিজা সিনজেতা চিংনি সাক্কাও হং·আমিং জেনি হা·সেল চিংআ থাংএ দংনা খা·দংজাজকমিং।

⁹ চিংআ চানচিয়ামিং, দা·আওদে চিংআ সিনাজকান। ইন্দিবা চিংনি ইয়া অবস্থা ইনি গিম্মিনান হং·আমিং জেদাক্কে চিংআ আন·থাংথাংনি সাক্কাও ফাংচাকগিজা ইসল, জেআন সিগিবারাংখো থাংচাএতা, বিনি সাক্কাও ফাংচাকা।

¹⁰ বিল্লংগিবা সিয়াওনি বিয়া চিংখো জক্কেতামিং আরো দা·আওবা জক্কেতিংজক। চিংআ বিনি সাক্কাও ইখো খা·দংনা, বিয়া ফাংনান চিংখো জক্কেতনুয়া।

¹¹ আরো না·সংবা চিংনা বি·এ দাকচাকবো। ইন্দাকোদে বাং·আরাংনি বি·আনি হা·সেল জে ফাত্তিয়াখো চিংআ মা·ন্নুয়া উনি গিম্মিন চিংনা বাং·আরাংএন ইসলখো মিৎথেলনুয়া।

পৌলনি চানচিসোআ দিংথাং হং·আ

¹² জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

^13-14 না·সং জেখো পড়িনা আরো হা·আইনা মা·ন্না উনা আগ্রে মামুংখোবা চিংআ না·সংচা চকজাংআ। আংআ ইন্দাকে খা·দংআ, জেদাক্কে না·সং অকখিসা দাক্কে চিংখো হা·আইনা মান·জক, উয়ানদাক্কে চু·গিম্মিক দাক্কে হা·আইনা মা·ন্নুয়া, গিত্তেল যীশুনি রি·বানি সালো না·সং জেদাক্কে চিংনি রাসং হং·নুয়া উয়ানদাক্কে চিংআবা না·সংনি রাসং হং·নুয়া।

¹⁵ ইয়া খাৎথাখো বিবি হা·আইএ আংআ না·সংচা স্খাংআন রি·য়াংনুয়া ইন্নে থিক দাক্কামিং, জেদাক্কে না·সং রাং·গ্মি ফাত্তিয়াখো মা·ন্না।

¹⁶ আংআ থিক দাক্কামিং, ম্যাসিডোনিয়াচা রি·য়াংমিত্তিংও না·সংমুং গ্রংগ্রিকে রি·য়াংনুয়া আরো ম্যাসিডোনিয়াওনি দা·আবা না·সংচান রি·বাফিলনুয়া, জেদাক্কে না·সং আংখো যিহূদিয়াচানা ওয়াত্তেতনা দাকচাকনা মা·ন্না।

¹⁷ আংআ ইখো হাংজাং থিক দাক্কামিং ইন্নে না·সং চানচিয়ামা? জেদাক্কে রামরাম মান্দি আপসান সময়ও “হো·এ” ইন্নে আগানা দা·আবা “হং·জা” ইন্নে আগানা, উয়ানদাক্কে আংআ মামুংখো থিক দাক্কামা?

¹⁸ ইসল বিবিরা·না খ্রাগিবা হং·আ, জেদাক্কে ইয়া খাৎথা বিবি উগিত্তান ইয়াবা বিবি হং·আ, না·সংচা চিংনি খাৎথা আপসান সময়ও “হো·এ” আরো “হং·জা” ইন্নে আগানানি হং·জা।

¹⁹ জেনি খাৎথাখো সীলবান, তীমথিয় আরো আংআ না·সংচা আগানফ্রাকজক উয়া যীশু খ্রীষ্ট, ইসলনি দেফান্থি, আপসান সময়ও “হো·এ” আরো “হং·জা” দাকগিবা হং·জা;

²⁰ বিয়া ফাংনান “হো·এ” হং·আ। ইসলনি গিম্মিক খু·রাচাক্কা খ্রীষ্টও “হো·এ” ইন্নে আগানা। উনি গিম্মিন ইসলনি রাসংনা খ্রীষ্টও আনচিং “আমেন” ইন্নে আগানা।

²¹ খ্রীষ্টমুং জেআন চিংখো আরো না·সংখো নাংরিমেতি রাক্কে চাদেংএতি দন্না বিয়া ইসল হং·আ। বিয়ান আনচিংখো তেল সিতজক,

²² আগানস্খাওদে বিনি আন·থাংনি গাম গিত্তা বিয়া চিংখো সীলমোহর সু·এ দনজক; আরো জেরাংখো চিংনা হ·ন্নুয়া উনি স্খাংগিবা বাক গিত্তা বিয়া চিংনি খা·থংও গিসিক রংথালগিবাখো হন·জক।

²³ আংনি জাংগিচা মিকচেতে আংআ ইসলখো সাক্ষি দন্নে আগানিংআ, শাস্তিওনি না·সংখো জক্কেৎনান আংআ করিন্থচা রি·য়াংফিলজাজক।

²⁴ নকগিবা গিত্তা হং·এ চিংআ না·সংনি বিবিরা·আও জাক হ·ন্নিংআ ইন্দাকেদে হং·জা, বাত্তেসা না·সং জেদাক্কে হান·সেংআখো মা·ন্না উনি গিম্মিনান না·সংমুং কাম দাক্কিংআ, মুয়ানা বিবিরা·আও না·সং রাক্কে চাদেংএ দংআ।