1 তীমথিয় 2 - Garo New Testament

অলাখিয়ানি বিদিংও স্খিয়া

¹ স্খাংআন আংআ আগানিংজক, জেদাক্কে গিম্মিকনা ইসলচা মল·মলা, বি·আ আরো মিৎথেলাখো হ·ন্না।

² ইন্দাকে রাজারাংনা আরো জেরাংনি জাক্কো বিল দংআ বিসং দিমদাকনা বি·না নাংনুয়া, জেদাক্কে ইসলখো অলাখিয়ে আরো খাকখেৎ দাক্কে রি·এ আনচিং খেম·খেমে আরো থম·থমে জাংগি মিৎথাংএতনা মা·ন্না।

³ আনচিংনি জক্কেৎগিবা ইসলনি মিক্রোনও উয়া নাম্মা আরো ইনান বিয়া খুসি হং·আ।

⁴ বিয়া হা·ম্মা জেদাক্কে দিমদাকান পাপওনি জক্কাখো মা·ন্না আরো খ্রীষ্টনি গিম্মিনো বিবিখো নাম্মেদাক্কে হা·আইনা মা·ন্না।

⁵ ইসল সাকসাসান দংআ আরো ইসল আরো মান্দিনি গিসেপো নাংরিমেতানিবা সাকসাসান দংআ। উয়া নাংরিমেতগিবা হং·জক মান্দি খ্রীষ্ট যীশু।

⁶ বিয়া দিমদাক মান্দিখো জক্কেৎনা জাংগিথাংখো হন·চাকামিং। ইসলনি থিক দাকসোগিবা সময়ও উনি গিম্মিনো সাক্ষি হন·জক,

⁷ আরো ইয়া সাক্ষিখো হ·ন্না ইন্নে ইসল আংখো আগানফ্রাকগিবা, ওয়াত্তেতা আরো গিপ্পিন জাতরাংচা বিবিরা·আনি আরো বিবিনি স্খিগিবা গিত্তা বাচ্ছিয়ে রা·জক। আংআ বিবিখো আগানিংআ, বু·আখোদে আগানজা।

⁸ আংআ হা·ম্মা জেদাক্কে দিমদাক হা·দামচা মি·আসারাং খা·আওনাংআখো বা নিরিয়ানি গিসিকখো রা·বিতগিজা খাকখেৎ খা·থংও জাক সামগ্মিখো দি·চাএ বি·আ।

⁹ আংআ ইখোবা হা·ম্মা জেদাক্কে মিচিকরাং রিন্নকে রি·য়া আরো বিচাল-বুদ্ধিখো জাকখালে খ্রাগিবা বা·রা-চলাখো গান্না। জেদাক্কে বিসং রকম রকম দাক্কে খিন্নিখো সাক্কে, সোনা আরো মুক্তানি আরো গামচাৎগিবা বা·রারাংচা আন·থাংথাংখো থারিজা।

¹⁰ উনাবাত্তে জেদাক্কে বিসং নাম্মা কামরাংচা আন·থাংথাংখো থারিয়া। জে মিচিকরাং আন·থাংথাংখো ইসলখো অলাখিগিবা ইন্নে আগানে দংআ উয়া মিচিকরাংনা উয়ান খ্রাগিবা কাম হং·নুয়া।

¹¹ খু·সুক আগানগিজা আরো চু·গিম্মিক বাম্মে দংএ মিচিকরাং স্খিখানা।

¹² স্খিনা আরো মি·আসানি সাক্কাও নকগিবা হং·না আংআ সাকসা মিচিকনাবা হন·জা। বাত্তেসা বিনি স্রক দাক্কে দংআন খ্রাআ,

¹³ মুয়ানা স্খাং আদমখো আরো জা·মানো হবাখো থারিয়ামিং।

¹⁴ ইনাআগ্রেবা আদম দাক্কামব্রুআও ব্রাংজা, ইন্দিবা মিচিকদে ব্রাংআমিং আরো ইসলনি গি·য়েতাখো মানিজামিং।

¹⁵ ইন্দিদে বিয়া বি·সা আৎচিয়েতাচা পাপওনি জক্কাখো মা·ন্নুয়া; মিচিকরাংনি নাম্মা বিচাল-বুদ্ধিখো জাকখালে বিবিরা·আও, খা·সাও আরো রংথালাও রি·না নাংনুয়া।