1 থিষলনীকী 3 - Garo New Testament

^1-2 জে সময়ও চিংআ আরবা চাকনা মান·জাজক উনো এথেন্স সংজিলমাও সাকসান দংনা থিক দাক্কে চিংনি জং তীমথিয়খো ওয়াত্তেতামিং। বিয়া খ্রীষ্টনি নাম্মা খাৎথাখো হা·আইয়েতানি কামনা ইসলনি কাম রিম·ফাগিবা হং·আ। চিংআ বিখো ওয়াত্তেতামিং জেদাক্কে বিয়া না·সংখো বিবিরা·আও খেম·খেম দন্না আরো খা·দংএতনা মা·ন্না,

³ জেদাক্কে ইয়া দুকরাংও না·সং সাকসাবা ওয়ালফিলে রি·য়াংজা। না·সং আন·থাংআন হা·আইয়া, দুকরাং চিংনা থিক দাক্কান দংআ।

⁴ দুকরাং চিংনি সাক্কাও দংনুয়ান উয়া খাৎথাখো না·সংমুং দংমিত্তিংও চিংআ রিত্তাপ রিত্তাপান আগানামিং, আরো উগিত্তান হং·জক, ইখো না·সং হা·আইয়া।

⁵ উনি গিম্মিন জে সময়ও আংআ আরবা চাকনা মান·জাজক উনো বিবিরা·আও না·সং বাদাকা অবস্থাও দংআ উখো হা·আইনা ইন্নেন তীমথিয়খো ওয়াত্তেতামিং। শয়তান না·সংখো মাদ্দুয়েতজকখোন আরো চিংনি গাম্মা ইন্দাকারি হং·জকখোন ইন্নে আংআ খেন্নিংআমিং।

⁶ দা·আও তীমথিয় না·সংচানি চিংচা রি·বাফিল্লে না·সংনি খা·সাআ আরো বিবিরা·আনি গিম্মিনো নাম্মাখোন আগানজক। বিয়া আগানা, খা·সানি গিসিকখো রা·এ না·সং ফাংনান চিংখো গিসিক রা·আ, আরো চিংআ জেগিত্তা না·সংখো নিকনা হা·ম্মিংআ না·সংবা উগিত্তান চিংখো নিকনা হা·ম্মিংআ।

⁷ ইনি গিম্মিন জংআদারাং, তীমথিয়নি খু·সুকচা না·সংনি বিবিরা·আখো খিন্নাএ চিংনি গিম্মিক সা·দিকা আরো দুকওবা চিংআ খা·নাম্মেতাখো মান·জক।

⁸ গিত্তেলনি সাক্কাও না·সংনি বিবিরা·আ খেম·খেম দংওন চিংনি জাংগিনি রাসং হং·আ।

⁹ না·সংনি গিম্মিন ইসলনি মিকখাংও চিংনি জে হান·সেংআ, উনি হা·সেল বাদিকে দাক্কে না·সংনি গিম্মিন বিখো মিৎথেলনুয়া উখো চিংআ হা·আইজা।

¹⁰ চিংআ ওয়ালসাল ইসলচা খা·থংওনি মল·মলিংআ জেদাক্কে চিংআ না·সংখো নিকনা মা·ন্না আরো না·সংনি বিবিরা·আও চু·ওংগিজাখো চু·সকেতনা মা·ন্না।

¹¹ আনচিংনি ফাআ আরো ইসল আন·থাং আরো আনচিংনি গিত্তেল যীশু জেদাক্কে না·সংচা রি·য়াংআনি রামাখো থারিয়ে হ·ন্না।

¹² গিত্তেল দাকখানা, চিংআ জেগিত্তা না·সংনা খা·সাআ উগিত্তা না·সংবা সাকসা সাকগিপ্পিনখো, আরোবা, গিম্মিকনা খা·সাআ জেদাক্কে বাং·বাতে গাপসুয়াকা।

¹³ ইন্দাকোদে বিয়া না·সংনি খা·থংখো খেম·খেমেতনুয়া, জেদাক্কে আনচিংনি গিত্তেল যীশু জেনসালো বিনি গিম্মিক মান্দিরাংখো রিমবাফানুয়া উনো আনচিংনি ফাআ আরো ইসলনি মিকখাংও না·সং খাকখেৎ আরো রংথালবো।