1 যোহন 4 - Garo New Testament

ইসলনি গিসিকখো হা·আইয়ানি চল

¹ খা·সাগিবা বি·সারাং, না·সং গিম্মিক গিসিকখো দা·আ বিবিরা·আ; বাত্তেসা বিসং ইসলওনি রি·বামা রি·বাজা উখো থিকখেলে নিবো, মুয়ানা হা·গিলসাকো বু·এ চা·গিবা আগানসোগিবারাং বাং·এ হং·খাতজক।

² ইসলনি গিসিকখো না·সং ইন্দাকে হা·আইনা মা·ন্নুয়া- জে গিসিক খু·রাচাক্কা যীশু খ্রীষ্ট মান্দি হং·এ রি·বামিং উয়া গিসিকান ইসলওনি রি·বাআ;

³ ইন্দিবা জে গিসিক ইয়া যীশুখো জিচাকা গিসিক ইসলওনি রি·বাজা। ইয়া উয়া খ্রীষ্টনি বোবিলনি গিসিক। উয়া গিসিক রি·বাংজক উখোদে না·সং খিন্নাজক, আরো আদতে উয়া গিসিক দা·আওন হা·গিলসাকো দংআ।

⁴ ইন্দিবা বি·সারাং, না·সং ইসলনি। না·সং উয়া বু·এ চা·গিবারাংনি সাক্কাও হামজক, মুয়ানা ইয়া হা·গিলসাকো জেআন দংআ, উনা বাত্তে জেআন না·সংনি খা·থংও দংআ বিয়া দাল·বাতা।

⁵ উয়া দাক্কামব্রুগিবারাং ইয়া হা·গিলসাকনি হং·আ; উনি গিম্মিন বিসং ইয়া হা·গিলসাকনি খাৎথাখো আগানা আরো হা·গিলসাক বিসংনি খাৎথাখো খিন্নাআ।

⁶ আনচিং ইসলনি; জেআন ইসলখো হা·আইয়া বিয়া আনচিংনি খাৎথাখো খিন্নাআ, ইন্দিবা জেআন ইসলনি হং·জা বিয়া আনচিংনি খাৎথাখো খিন্নাজা। ইরাংচান আনচিং বিবিনি গিসিক আরো দাক্কামব্রুআনি গিসিকখো হা·আইনা মা·ন্না।

ইসল আন·থাংআন খা·সা হং·আ

⁷ খা·সাগিবা বি·সারাং, আনচিং জেদাক্কে সাকসা সাকগিপ্পিননা খা·সাআ, মুয়ানা খা·সাআ ইসলওনিন রি·বাআ। জেরাংনি খা·থংও খা·সা দংআ, ইসলওনিন বিসং আৎচিয়া আরো বিসং ইসলখো হা·আইয়া।

⁸ জেরাংনি খা·থংও খা·সা দংজা বিসং ইসলখো হা·আইজা, মুয়ানা ইসল আন·থাংআন খা·সা হং·আ।

⁹ আনচিংনা ইসলনি খা·সা ইন্দাকে ফারাকজক- বিয়া বিনি সাকসা খাম·খাম দেফান্থিখো ইয়া হা·গিলসাকো ওয়াত্তেতামিং জেদাক্কে আনচিং বিচা জাংগিখো মা·ন্না।

¹⁰ আনচিং ইসলনা খা·সামিং ইন্দাকে হং·জা, ইন্দিবা বিয়া আনচিংনা খা·সাএ বিনি দেফান্থিখো ওয়াত্তেতামিং, জেদাক্কে দেফান্থি বিনি আন·থাংনি জাংগিখো হন·চাকাচা আনচিংনি পাপখো হা·রিকেতি ইসলখো খুসি দাক্কা। ইয়ান হং·জক খা·সা।

¹¹ খা·সাগিবা বি·সারাং, ইসল ইন্দাকে আনচিংনা খা·সাজক ইন্নে আনচিংনিবা সাকসা সাকগিপ্পিনখো খা·সানা নাংআ।

¹² দারাংবা মামুং সালোবা ইসলখো নিকখুজা। আনচিং সাকসা সাকগিপ্পিননা খা·সাওদে হা·আইনা মা·ন্নুয়া, ইসল আনচিংনি খা·থংও দংআ আরো বিনি খা·সা আনচিংনি খা·থংও চু·গিম্মিক দাক্কে কাম দাক্কিংজক।

¹³ বিনি গিসিকখো বিয়া আনচিংনা হন·জক, আরো ইচান আনচিং হা·আইনা মা·ন্না, আনচিং বিও দংআ আরো বিয়াবা আনচিংনি খা·থংও দংআ।

¹⁴ চিংআ নিকজক আরো সাক্ষি হ·ন্নিংজক, ফাগিবা দেফান্থিখো মান্দিনি জক্কেৎগিবা দাক্কে ওয়াত্তেতামিং।

¹⁵ যীশু ইসলনি দেফান্থি ইন্নে সাকফ্রাকান খু·রাচাক্কা, ইসল বিও দংআ আরো বিয়াবা ইসলও দংআ।

¹⁶ ইসল আনচিংনা খা·সা ইখো আনচিং হা·আইয়া, আরো বিনি খা·সানি সাক্কাও আনচিংনি বিবিরা·আ দংআ। ইসল আন·থাংআন খা·সা হং·আ। খা·সাও জেআন দংআ বিয়া ইসলওন দংআ আরো ইসল বিও দংআ।

¹⁷ ইন্দাকেন খা·সা আনচিংনি খা·থংও চু·সকা, জেদাক্কে বিচালনি সালো আনচিং খা·সোকা, মুয়ানা ইয়া হা·গিলসাকো আনচিংনি জাংগি বিনিন জাংগি গিত্তা হং·আ।

¹⁸ ইয়া খা·সাও খেন্না দংজা, বাত্তেসা চু·সকগিবা খা·সা খেন্নাখো হা·রিকেতা, মুয়ানা খেন্নামুং শাস্তিনি চানচিয়া দংফাআ। জেআন খেন্না বিয়া খা·সাও চু·সকাখো মান·খুজা।

¹⁹ বিয়া আনচিংখো স্খাং খা·সামিং ইন্নেন আনচিং খা·সা।

²⁰ জেআন আগানা বিয়া ইসলনা খা·সা ইন্দাকোবা বিনি জংআদাখো মিৎচিয়া বিয়া বু·এ চা·গিবা, মুয়ানা মিক্রোনও নিক্কা জংআদানা জেআন খা·সাজা বিয়া নিকগিজা ইসলনা বাদিকে দাক্কে খা·সানা মা·ন্না?

²¹ আনচিং বিচানিখো ইন্দাকা গি·য়েতাখো মান·জক, ইসলখো জেরাং খা·সা বিসং জেদাক্কে জংআদানাবা খা·সা।