1ম করিন্থীয়রাংনা 8 - Garo New Testament

মিত্তে বিমাংনা চিন·গিবা চা·আনি গিম্মিনো

¹ দা·আও আংআ মিত্তে বিমাংনা চিন·গিবা চা·আনি গিম্মিনো আগানিংজক। আনচিং হা·আইয়া, আনচিংনি গিম্মিকনি হা·আইয়া দংআ। হা·আইয়া মান্দিখো গাং·বিংএতা, ইন্দিবা খা·সাদে মান্দিখো থারিয়া।

² হা·আইয়া ইন্নে চানচিগিবা জেগিত্তা হা·আইনা খ্রাআ উগিত্তা দা·আওবা হা·আইখুজা।

³ ইন্দিবা ইসলনা জেআন খা·সাআ বিখো ইসল হা·আইয়া।

⁴ দা·আও মিত্তে বিমাংনা চিন·গিবা চা·আনিখো চা·আনি গিম্মিনো আগানিংজক। আনচিং হা·আইয়া, হা·গিলসাকো মিত্তে বিমাং মামুংবা হং·জা আরো ইসলবা সাকসাসান দংআ।

⁵ সালগিওবা হং·খানা বা হা·গিলসাকোবা হং·খানা, মিত্তে ইন্নে মামুং দংওদে- মিত্তেবা বাং·আ, গিত্তেলবা বাং·আ-

⁶ ইন্দাকোবা আনচিংনাদে ইসল সাকসাসান দংআ। বিয়ান ফাগিবা; বিচানিন গিম্মিক রি·বাআ আরো বিনি গিম্মিনান আনচিং থাংএ দংআ। আরো গিত্তেলবা আনচিংনি সাকসাসান দংআ, বিয়ান যীশু খ্রীষ্ট। বিচান গিম্মিক রি·বাআ আরো বিচান আনচিং থাংএ দংআ।

⁷ ইন্দিবা ইন্দাকগিবা হা·আইয়াখো গিম্মিকদে হা·আইজা। মিত্তে বিমাংখো হামুয়ানি বেওয়াল দংআমিং ইন্নে মিত্তে বিমাংনা চিন·গিবা চা·আখো দা·আওনা দিপ্পাৎ মিত্তামরাং চা·এ দংআ। উনি গিম্মিন বিসংনি গিসিকনি চানচিয়ারাং বিলগ্রি ইন্নে মারাং নাংআনি হং·আ।

⁸ ইন্দিবা চা·আচা আনচিং ইসলনি রা·চাকগিবাখো মান·জা। আনচিং চা·জাওদে নামগিজানি মামুংবা হং·জা, আরো চা·আওবা আনচিংনি মামুং লাভ হং·জা।

⁹ ইন্দাকোবা সিমসাকবো! না·সংনি জাকগিত্তেল হং·আ বিবিরা·আও বিলগ্রিরাংনা পাপনি হা·সেল হং·জাখানা।

¹⁰ নাং·নিদে হা·আইয়া দংআ, ইন্দিবা জেনি চানচিয়া বিলগ্রি হং·আ বিয়া নাং·খো মিত্তে অলাখিগিবা নক্কো চা·আখো নিক্কোদে বিয়াবা মিত্তে বিমাংনা চিন·গিবা চা·আখো চা·না হাম·জানুয়ামা?

¹¹ চানচিয়াও উয়া বিলগ্রিগিবা, উয়া জংআদানা, জেনি গিম্মিন খ্রীষ্ট সিয়ামিং, নাং·নি হা·আইয়াচান বিনি নামগিজা হং·আ।

¹² ইন্দাকে না·সং না·সংনি জংআদানি সাক্কাও পাপ দাক্কে বিসংনি বিলগ্রি চানচিয়াও দুক হ·ন্নে না·সং খ্রীষ্টনি সাক্কাওন পাপ দাক্কা।

¹³ উনি গিম্মিন চা·আনি হা·সেল আংনি জংআদা পাপও গা·আকোদে আংনি জংআদা পাপও গা·আকজাখানা আংআ বে·এন চা·আখোন ওয়াতনুয়া।