1ম করিন্থীয়রাংনা 2 - Garo New Testament

¹ জংআদারাং, না·সংচা রি·য়াংএ ইসলনি হন·গিবা নাম্মা খাৎথাখো আগানফ্রাকমিত্তিংও আংআ খিন্নাথোরিরি খু·সুকখো জাকখালজা বা হা·আইবাৎগিবা মান্দি গিত্তা খাৎথা আগানজা।

² না·সংমুং দংমিত্তিংও আংআ যীশু খ্রীষ্টখো, আগানস্খাওদে চিসলো দাৎখাপগিবা যীশু খ্রীষ্টখো হা·আইয়ানি আগ্রে মামুংখোবা হা·আইজানুয়া ইন্নে আংআ থিক দাক্কামিং।

³ না·সংমুং দংমিত্তিংও আন·থাংখো আংআ বিলগ্রি চানচিনুয়ামিং আরো খেন্নে নাম্মেন থিল·থিলনুয়ামিং।

⁴ আংনি আগানফ্রাকাও আরো আংনি আগানা খাৎথাও মান্দিরাংখো সাল্লে রা·আংনা গিত্তা হা·আইয়াও গাপগিবা জিথোআ খাৎথা দংজামিং উনাবাত্তে উয়ো গিসিক রংথালগিবানি বিলখোন নিক্কামিং,

⁵ জেদাক্কে না·সংনি বিবিরা·আ মান্দিনি হা·আইয়াও ফাংচাকগিজা ইসলনি বিলও ফাংচাকা।

গিসিক রংথালগিবানি হন·গিবা হা·আইয়া

⁶ খ্রীষ্টান জাংগি থাংআও চু·সকগিবারাংচা আনচিং হা·আইয়ানি খাৎথাখো আগানা; ইন্দিবা উয়া হা·আইয়াদে ইয়া হা·গিলসাকনি হং·জা, বা ইয়া হা·গিলসাকনি দাল·গিবারাংনিবা হং·জা জেরাং বিলগ্রি হং·ইংজক।

⁷ চং·মতদে আনচিং ইসলনি হা·আইয়াও গাপগিবা নিং·থুগিবা মিকসংআনি খাৎথাখোন আগানা। উয়া মিকসংআখো থুম্মুয়ে দন্নামিং আরো হা·গিলসাক হং·চেংনা স্খাংআন ইসল উখো থারিসোএ দন্নামিং জেদাক্কে আনচিং বিনি রাসংখো মান·ফাগিবা হং·না মা·ন্না।

⁸ ইয়া চাসংনি দাল·গিবারাংও সাকসাবা উখো হা·আইজাজক; হা·আইওদে উয়া রাসং গাপগিবা গিত্তেলখো চিসলো দাৎখাপজানুয়ামিং।

⁹ ইন্দিবা রংথালগিবা শাস্ত্রনি খাৎথা গিত্তাদে, “ইসলনা জেরাং খা·সাআ বিসংনা বিয়া জেরাংখো থারিয়ে দনসোজক, উরাংখো দারাংবা মিক্রোনওবা নিকখুজা, নাচিলোবা খিন্নাখুজা আরো গিসিকোবা চানচিখুজা।”

¹⁰ ইন্দিবা ইসল বিনি গিসিকচা উরাংখো আনচিংনা ফারাকজক, মুয়ানা গিসিক রংথালগিবানি হা·আইগিজানি মামুংবা দংজা; আরোবা বিয়া ইসলনি নিং·থুয়া বিদিংরাংখোবা হা·আইয়া।

¹¹ মান্দিনি গিসেপো ইন্দাকগিবা সা দংআ, জেআন সাকগিপ্পিন মান্দিনি চানচিয়াখো হা·আইনা মা·ন্না? মান্দিও দংগিবা গিসিকসান বিনি আন·থাংনি চানচিয়াখো হা·আইয়া। উয়ানদাক্কেন ইসলনি গিসিকনি আগ্রে ইসলনি চানচিয়াখো দারাংবা হা·আইনা মান·জা।

¹² আনচিং হা·গিলসাকনি গিসিকখো মান·জা, বাত্তেসা ইসলওনি বিনি গিসিকখো মান·জক, জেদাক্কে ইসল আনচিংনা জেখো হন·জক উখো হা·আইনা মা·ন্না;

¹³ আরো উয়া হ·ন্নানিরাংখোন আনচিং আগানা। উখো আগান্না আনচিং জে খাৎথারাংখো জাকখালা উরাংখো মান্দিনি হা·আইয়াওনিখো স্খিয়ে আগানজা, ইন্দিবা গিসিক রংথালগিবাওনিখো স্খিয়েন আগানা।

¹⁴ গিসিকওনি হং·গিজাগিবা মান্দি ইসলনি গিসিকওনি রি·বাগিবাখো রা·চাকজা, মুয়ানা উরাংদে বিচা গক্কানিসা হং·আ। উরাংখো বিয়া হা·আইনা মান·জা, মুয়ানা গিসিক রংথালগিবা স্খিয়েতজাওদে উরাংখো পরীক্ষা দাক্কে নিনা মান·জা।

¹⁵ জে মান্দি গিসিকনি বিয়া গিম্মিকখোন পরীক্ষা দাক্কে নিআ, ইন্দিবা বিখোদে দারাংবা পরীক্ষা দাক্কে নিনা মান·জা।

¹⁶ রংথালগিবা শাস্ত্রও চক্কা দংআ, বিখো স্খিনা মা·ন্না গিত্তা সা গিত্তেলনি গিসিকখো হা·আইয়া? ইন্দিবা খ্রীষ্টনি গিসিক আনচিংনি খা·থংও দংআ।