1ম করিন্থীয়রাংনা 13 - Garo New Testament

¹ আংআ মান্দিনি আরো সা·গ্রেরাংনি খু·সুকচা খাৎথা আগানোবা ইন্দিবা আংও খা·সা দংজাওদে আংআ রাক্কে গাম·গিবা ঘণ্টা বা চাপচেং গিত্তা হং·আরিজক।

² আগানসোগিবা গিত্তা খাৎথা আগানানি বিল দংওদে, নিং·থুগিবারাংখো হা·আইনা মা·ন্নোদে, আরো আংনি গিম্মিক হা·আইয়ারাং দংওদে, আরোবা হা·ব্রিখো হা·দাম দামসাওনি হা·দাম দামসাওনা জিত্তেতনা গিত্তা বিবিরা·আ দংওদে, ইন্দিবা আংও খা·সা দংজাওদে আংনি মামুং দামআন দংজা।

³ আংনি দংগিবারাংখো আংআ দিল্লা-চন্নারাংনা চা·না হ·ন্নোদে, আরোবা বে·এনখোবা সো·খানা হ·ন্নোদে, ইন্দিবা আংও খা·সা দংজাওদে আংনি মামুং লাভআন দংজা।

⁴ খা·সা ফাংনান চাকচিকা, খা·সাচাক্কা, মিকনেংজা, রাসং দাকজা, গাং·বিংজা,

⁵ নামগিজা বেওয়ালখো দাকজা আন·থাংনি নাম্মাখো দাকনা হাম·জা, খা·আওনাংজা, দারাংনি নামগিজা বেওয়ালখো গিসিক রা·রিকজা,

⁶ নামগিজাখো রা·এ হান·সেংজা বাত্তেসা বিবিখো রা·এ হান·সেংআ।

⁷ খা·সা গিম্মিকখোন চাক্কা, গিম্মিকখোন বিবিরা·না হা·ম্মা, গিম্মিকো খা·দংআ আরো গিম্মিক অবস্থাওন খেম·খেম দংআ।

⁸ ইয়া খা·সাদে মামুং সালোবা বন·জা। আগানসোগিবা গিত্তা খাৎথা আগানানি বিল দংগিবা ব·ন্নাংনুয়া; দিংথাং দিংথাং খু·সুুকচা খাৎথা আগানানি বিল রি·য়াংনুয়া; হা·আইয়াবা ব·ন্নাংনুয়া;

⁹ মুয়ানা আনচিং গিম্মিকখো চুু·গিম্মিক দাক্কে হা·আইজা, আগানসোগিবা হং·এবা চু·গিম্মিক খাৎথা আগান্না মান·জা।

¹⁰ ইন্দিবা জেআন চু·সকা উয়া জেনসালো রি·বানুয়া উনো জেআন চু·সকজা উয়া ব·ন্নাংনুয়া।

¹¹ আংআ বি·সামিত্তিংও বি·সা গিত্তা খাৎথা আগান্নুয়ামিং, বি·সা গিত্তা চানচিনুয়ামিং আরো বি·সা গিত্তা বিচালবা দাকনুয়ামিং। দা·আও আংআ দাল·জক, উনি গিম্মিন বি·সানি বেওয়ালরাংখো ওয়াতজক।

¹² আনচিং দা·আও জেদাক্কে জানিরাও দিম্মেলে নিক্কিংআ, ইন্দিবা উনোদে মিকখাংগ্রিক নিকনা মা·ন্নুয়া। আংনি দা·আও হা·আইগিবা চু·গিম্মিক হং·জা, ইন্দিবা ইসল জেদাক্কে আংখো চু·গিম্মিক দাক্কে হা·আইয়া উনো উয়ানদাক্কে আংআ চু·গিম্মিক দাক্কে হা·আইনা মা·ন্নুয়া।

¹³ ইন্দাকোদে নিকনা মা·ন্না বিবিরা·আ, খা·দংআ আরো খা·সা-ইয়া মিংগিত্থামান বন·খামওনা দিপ্পাৎ দংআ; ইন্দিবা ইরাংনি গিসেপো খা·সান দাল·বাৎগিবা হং·আ।