Nɔmbɛs 26 - EBƆRƐ BE KAWƆL

B ka karga Israɛlebi kela nyɔsopo be asheŋ

¹ Aleblawu na be kaman nɛ Enyɛnpe Ebɔrɛ kaŋɛ Mosis nɛ Ɛɛrɔn pibinyɛn Eliaza le:

² “Men karga Israɛlebi nɛ b fo nfɛ adunyɔ ŋko m baŋ so na kanaŋ kanaŋ so saŋɛ na so menyeeŋ pin bumo nɛ b fo kena to be keyɔ.”

^3-4 Ndoŋ nna nɛ Mosis nɛ Eliaza bɛ kusɔ nɛ Enyɛnpe Ebɔrɛ kaŋɛ na so nseŋ tre basa nɛ b fo nfɛ adunyɔ ŋko m baŋ so na kikɛ n shɛr Mowab be kepla nɛ k mata Jɔɔdan be lɔr nɛ Jɛriko wɔ kumo be kaba ndoŋ na so. Israɛlebi nɛ b daŋ shi Ijipt m ba na nde.

⁵ Ruben nɛ e daa la Jeekɔb be wurkoŋnyɛn na be yiri to ebi be mbuna e daa la Hanɔk nɛ Palu,

⁶ nɛ Hezrɔn nɛ Kaami.

⁷ Benyɛn nɛ b daŋ shi Ruben be kabuna na daa la ŋgboŋ adena nɛ asa nɛ alfa ashunu nɛ adesa nna.

⁸ Palu pibi e daa la Eliab

⁹ nɛ Eliab malɛ b mbia daa la Nemuɛl nɛ Deetan nɛ Abiram. Le be Deetan nɛ Abiram ere nɛ b daŋ lara fanɛ bejuŋkparpo, nɛ b daŋ kini kenu n sa Mosis nɛ Ɛɛrɔn nɛ Enyɛnpe Ebɔrɛ kikɛ nseŋ ya bɛ Koora so na.

¹⁰ Bumo nɛ Koora nɛ kasawule daŋ baŋɛ to n ta m min, nɛ edɛ chɔɔ benyɛn alfa anyɔ nɛ adunu nɛ b daa bɛ Koora so loŋ be jemanɛ na, nɛ k la kefiɛso n sa Israɛlebi nɛ b ka na.

¹¹ Ama Koora be kabuna bre daa maŋ mur.

¹² Le be mbuna mbuna ere e daŋ shi Simiɔn be yiri to. Bumo e la, Nemuɛl nɛ Jamin nɛ Jakin

¹³ nɛ Zɛra nɛ Shaaul.

¹⁴ Benyɛn nɛ b daŋ shi Simiɔn be yiri na to daa wɔ ŋgboŋ adunyɔ nɛ anyɔ nɛ alfa anyɔ nna.

¹⁵ Gad be yiri to be mbuna e daa la Zifɔn nɛ Hagi nɛ Shuni

¹⁶ nɛ Ozni nɛ Eri

¹⁷ nɛ Arɔd nɛ Areli.

¹⁸ Le be mbuna ere kikɛ be benyɛn daa la basa ŋgboŋ adena nɛ alfa anu nna.

^19-21 Juda be yiri to be mbuna e daa la Shɛla nɛ Pɛrɛs nɛ Zɛra nɛ Hɛzrɔn nɛ Hamuul. Juda be mbinyɛnsobi nɛ baa tre Err nɛ Onan na bre daŋ wu Keenan be kasawule so nna.

²² Le be mbuna ere be benyɛn kikɛ daa wɔ ŋgboŋ adushunu nɛ ashe nɛ alfa anu nna.

²³ Isaaka be yiri to be mbuna e daa la Tola nɛ Puwa

²⁴ nɛ Jashub nɛ Shimrɔn.

²⁵ Le be mbuna ere kikɛ be benyɛn daa wɔ ŋgboŋ adeshe nɛ ana nɛ alfa asa nna.

²⁶ Zebulun be yiri to be mbuna e daa la Sɛrɛd nɛ Elɔn nɛ Jaleel.

²⁷ Le be mbuna ere kikɛ be benyɛn daa wɔ ŋgboŋ adeshe nɛ alfa anu nna.

²⁸ Josɛf be mbia Manase nɛ Efreim be mbuna nde.

²⁹ Manase pibinyɛn e daa la Makiir, nɛ Makiir malɛ pibinyɛn la Giliad.

³⁰ Giliad be kanaŋ to be mbuna e daa la Ieza nɛ Helɛk

³¹ nɛ Asriɛl nɛ Shɛchem

³² nɛ Shamida nɛ Heefa.

³³ Heefa pibinyɛn Zelofehad daa maŋ kɔ mbinyɛnsobi, mbichesobi nawule nɛ e daa kɔ. Bumo be atre e daa la Maala nɛ Nowa nɛ Hogla nɛ Milka nɛ Tirza.

³⁴ Manase be mbuna ere kikɛ be benyɛn daa wɔ ŋgboŋ adunu nɛ anyɔ nɛ alfa ashunu nna.

³⁵ Efreim be yiri to be mbuna e daa la Shutɛla nɛ Becha nɛ Tahan nɛ

³⁶ Eran nɛ mbe kabuna shi Shutɛla be kabuna na.

³⁷ Le be kabuna ere be benyɛn daa wɔ ŋgboŋ adesa nɛ anyɔ nɛ alfa anu nna. Josɛf be mbia be mbuna nna na.

³⁸ Bɛnjamin be yiri to be mbuna e daa la Bɛlla nɛ Ashbel nɛ Ahiram,

³⁹ nɛ Shefufam nɛ Hufam,

⁴⁰ nɛ Arrd nɛ Neeman be mbuna nɛ a shi Bɛlla be kabuna na.

⁴¹ Le be mbuna ere be benyɛn daa wɔ ŋgboŋ adena nɛ anu nɛ alfa ashe nna.

⁴² Dan malɛ be yiri to be kabuna e daa la Shuhamebi.

⁴³ B daa wɔ benyɛn ŋgboŋ adeshe nɛ ana nɛ alfa ana nna.

⁴⁴ Ashɛr be yiri to be mbuna e daa la, Imna nɛ Ishvi nɛ Beriya nɛ

⁴⁵ Heeba nɛ Malkiɛl be mbuna n ɛ a shi Beriya be kabuna na.

⁴⁶ Ashɛr daa kɔ mo pibiche ko nɛ baa tre Sɛɛra.

⁴⁷ Bumo be mbuna na be benyɛn daa wɔ ŋgboŋ adunu nɛ asa nɛ alfa ana nna.

⁴⁸ Naftali be yiri to be mbuna e daa la Jaziɛl nɛ Guni

⁴⁹ nɛ Jeeza nɛ Shilɛm.

⁵⁰ Le be mbuna ere be benyɛn wɔ ŋgboŋ adena nɛ anu nɛ alfa ana nna.

⁵¹ Israɛl be benyɛn kikɛ daa wɔ ŋgboŋ alfa ashe nɛ kako nɛ alfa ashunu nɛ adesa nna.

⁵² Ndoŋ nna nɛ Enyɛnpe Ebɔrɛ kaŋɛ Mosis le:

⁵³ “Yili kananɛ eyiri na be keshi sa so m barga kasawule na to n sa bumo.

^54-56 To beri m barga kasawule na to, nseŋ ta agboŋgboŋi n sa eyiri nɛ amo be basa shishi na, n ta awurbi n sa eyiri nɛ amo be basa maŋ shishi na.”

⁵⁷ Livai be kabuna be basa e daa la Gɛshɔn nɛ Kohaf nɛ Mɛrari.

⁵⁸ Bumo be kaman to ebi be mbuna mbuna e daa la Libni nɛ Hibrɔn nɛ Maali nɛ Muushi nɛ Koora. Amram mo tuto e daa la Kohaf,

⁵⁹ Amram e daŋ ta Livai pibiche Jokabed nɛ b daŋ kurge Ijipt be efuli so na. Mo nɛ mo e kurge Ɛɛrɔn nɛ Mosis nɛ Miriam.

⁶⁰ Ɛɛrɔn be mbinyɛnsobi e daa la Nadab nɛ Abihu nɛ Eliaza nɛ Itama.

⁶¹ Nadab nɛ Abihu e daŋ wu ŋkpal b ka chɔɔ sarga be edɛ nɛ k maŋ daga so n sa Enyɛnpe Ebɔrɛ na.

⁶² Livai be yiri to be benyɛn nɛ b fo kufɔl ŋko m baŋ so nɛ b daa maŋ karga n ti Israɛlebi nɛ b ka na so ŋkpal bumo ere ka maŋ nya kasawule na be kachige so kikɛ daa wɔ ŋgboŋ adunyɔ nɛ asa.

⁶³ Mosis nɛ Eliaza e daŋ karga basa na saŋɛ nɛ Israɛlebi na daa wɔ Mowab be kepla nɛ k mata Jɔɔdan be lɔr nɛ Jɛriko wɔ kumo be kaba ndoŋ na.

⁶⁴ Basa nɛ Mosis nɛ Ɛɛrɔn daŋ karga saŋɛ nɛ b karga Israɛlebi na sososo ashi Sainai be keshishɛrsawule na so na be ekoŋwule gba daŋ maŋ naa wɔtɔ,

⁶⁵ ama Jefune pibinyɛn Kalɛb nɛ Nun pibinyɛn Joshuwa nawule. Enyɛnpe Ebɔrɛ yɛ bumo be buushi basa na kikɛ beeŋ wu keshishɛrsawule na so.