Nshɛ 150 - EBƆRƐ BE KAWƆL

Ebɔrɛ ka walɛ n sa mbe basa be asheŋ

¹ Men baa kpaŋ Enyɛnpe Ebɔrɛ na! Men baa kpaŋ Ebɔrɛ ashi mbe bɔrɛlambu to! Men baa kpaŋ mo ebɔrɛso ashi mbe kakpa lempo na!

² Men baa kpaŋ mo ŋkpal asheŋ gboŋgboŋi nɛ e wora so. Men naa kpaŋ mo ŋkpal e ka shi m baŋ so so.

³ Men baa ta mbel nɛ alaŋsɔ be yiri kikɛ a kpaŋ Enyɛnpe Ebɔrɛ na.

⁴ Men baa laŋ ŋkure a cha a kpaŋ mo, nsaa ta ejaŋjilaŋ nɛ nlopi gba a kpaŋ mo.

⁵ Men baa ta echakachaka nɛ abɛlso be alaŋsɔ be yiri kikɛ a laŋ a kpaŋ Ebɔrɛ.

⁶ Asɔ keniso kikɛ e baa kpaŋ Enyɛnpe Ebɔrɛ na! Men baa kpaŋ Enyɛnpe Ebɔrɛ na!