Nshɛ 141 - EBƆRƐ BE KAWƆL

Kaaseso be kabɔrɛkule be asheŋ

¹ O Enyɛnpe Ebɔrɛ, fo nɛ mee shu a tre; nya manaŋ m ba chɛ ma to! Jande nu ma kekule ere.

² Nu ma kekule fanɛ duwu be efɛa belbelso, nseŋ wu ma enɔana nɛ m maŋ so ere fanɛ kaaseso be sarga nɛ mee lara a sa fo.

³ O Enyɛnpe Ebɔrɛ, chɛ ma to, nɛ jemanɛ kikɛ nɛ meeŋ bugi ma kɔnɔ, meeŋ baa de mmalga nɛ a beeŋ lar kumo to so.

⁴ Baa lara ma kagbene ashi asheŋ lubi be kebaawora to nɛ ma kebaatu basa lubi a wora asheŋ gela gela to. Sa maŋ shin nɛ m baa tu bumo a ji bumo be kejigboŋana gba.

⁵ Shin nɛ fo basa niŋiso e baa ŋini ma ekpa; ŋ kaŋ wora n foe nɛ b gberge ma kusoe. M maaŋ shin nɛ basa lubi e maŋkura ma kikɛ, ŋkpal manɛ so, mee kule Ebɔrɛ nna a gbiti bumo.

⁶ Jemanɛ nɛ bumo be bewuraana beeŋ shi abee be awɔlto n tɔr to na, nɛ basa beeŋ pin fanɛ asheŋ nɛ m malga na la kashenteŋ nna.

⁷ Kananɛ baa baŋɛ ndibi to wurwurbi na nɛ bumo be awibi beeŋ buri to n dese nchaŋ be nnɔ ase.

⁸ Ama ma ere be anishi yuu fo Enyɛnpetale Ebɔrɛ na so nna, a fin fanɛ fo baa kuŋ ma nsaa maŋ shin nɛ n wu!

⁹ O Ebɔrɛ, baa kuŋ ma ashi ajigbelɛ nɛ basa lubi bee sho ma to.

¹⁰ Shin nɛ bumo gbagba e tɔr bumo be ajigbelɛ to, nseŋ shin nɛ ma ere e bɔla amo ase n choŋ nɛ shɛŋ maŋ wora ma.