Nshɛ 136 - EBƆRƐ BE KAWƆL

Ebɔrɛ be kasha ka maa wora asheŋ a gben be asheŋ

¹ Men baa di Enyɛnpe Ebɔrɛ epaŋ ŋkpal e ka la esa lela so; mbe kasha nɛ k maa chɛrga na malɛ maa wora shɛŋ a gben.

² Men baa di ebɔrɛana kikɛ to be Ebɔrɛ na epaŋ; ŋkpal mbe kasha ka maa loge kikɛ so.

³ Men baa di benyɛnpe to be Enyɛnpe na epaŋ; ŋkpal manɛ so, mbe kasha nɛ k maa chɛrga na wɔtɔ nna mbaanaayɔ.

⁴ Mo nawule e naa wora emamachisheŋ gboŋgboŋi na; mbe kasha nɛ k maa chɛrga na malɛ wɔtɔ nna mbaanaayɔ.

⁵ Mo gbagba be kanyiasheŋ so nɛ e to esoso; mbe kasha nɛ k maa chɛrga na malɛ wɔtɔ nna mbaanaayɔ.

⁶ Enyɛnpe Ebɔrɛ na e to kasawule n deŋi nchuana so; mbe kasha nɛ k maa chɛrga na malɛ wɔtɔ nna mbaanaayɔ.

⁷ Mo e to epeŋi nɛ kufɔl; mbe kasha nɛ k maa chɛrga na malɛ wɔtɔ nna mbaanaayɔ.

⁸ Mo e shin nɛ epeŋi bee lar karechɛso; mbe kasha nɛ k maa chɛrga na malɛ wɔtɔ nna mbaanaayɔ,

⁹ Mo e naa shin nɛ kufɔl malɛ bee lar kanyɛso; mbe kasha nɛ k maa chɛrga na malɛ wɔtɔ nna mbaanaayɔ.

¹⁰ Mo e daŋ shin nɛ Ijipt be efuli so be kanaŋ kikɛ to be wurkoŋ wu na; mbe kasha nɛ k maa chɛrga na malɛ wɔtɔ nna mbaanaayɔ.

¹¹ Mo e daŋ juŋkpar Israɛlebi n lar Ijipt be efuli so na; mbe kasha nɛ k maa chɛrga na malɛ wɔtɔ nna mbaanaayɔ.

¹² Mbe eleŋgboŋ nɛ enɔ lempo so nɛ e bɔla so n lara bumo ashi Ijipt be efuli so; mbe kasha nɛ k maa chɛrga na malɛ wɔtɔ nna mbaanaayɔ.

¹³ Mo e daŋ shin nɛ Teku Peper na ku to; mbe kasha nɛ k maa chɛrga na malɛ wɔtɔ nna mbaanaayɔ.

¹⁴ Enyɛnpe Ebɔrɛ na e juŋkpar mbe basa Israɛlebi m bɔla teku to nɛ shɛŋ maŋ wora bumo na; mbe kasha nɛ k maa chɛrga na malɛ wɔtɔ nna mbaanaayɔ.

¹⁵ Mo e daŋ shin nɛ Ijipt be ewura nɛ mbe benapo ji nchu m mur ashi Teku Peper na to na; mbe kasha nɛ k maa chɛrga na malɛ wɔtɔ nna mbaanaayɔ.

¹⁶ Enyɛnpe Ebɔrɛ na e daŋ juŋkpar mbe basa keshishɛrsawule so na; mbe kasha nɛ k maa chɛrga na malɛ wɔtɔ nna mbaanaayɔ.

¹⁷ Mo e daŋ kɔ m pɔɔ bewurgboŋana so na; mbe kasha nɛ k maa chɛrga na malɛ wɔtɔ nna mbaanaayɔ.

¹⁸ Mo e daŋ shin nɛ bewura lempoana wu na; mbe kasha nɛ k maa chɛrga na malɛ wɔtɔ nna mbaanaayɔ.

¹⁹ Bewuraana na be eko e daa la Amɔ be ewura, Sihɔn; Ebɔrɛ be kasha nɛ k maa chɛrga na malɛ wɔtɔ nna mbaanaayɔ;

²⁰ eko malɛ e daa la Bashan be ewura, Ɔg; Ebɔrɛ be kasha nɛ k maa chɛrga na malɛ wɔtɔ nna mbaanaayɔ.

²¹ Ebɔrɛ e daŋ sɔ bewuraana ere be nsawule n sa mbe basa na; mbe kasha nɛ k maa chɛrga na malɛ wɔtɔ nna mbaanaayɔ.

²² E daŋ sɔ nsawule na nna n sa Israɛl be basa nɛ b la mbe nyɛrbi na fanɛ kapetɛsawule; mbe kasha nɛ k maa chɛrga na malɛ wɔtɔ nna mbaanaayɔ.

²³ Jemanɛ nɛ bedoŋ daŋ kɔ m pɔɔ anyi so na nɛ an daa wɔ etɔrɔ to na, e daa maŋ teŋ anyi so; mbe kasha nɛ k maa chɛrga na malɛ wɔtɔ nna mbaanaayɔ.

²⁴ E daŋ sɔ anyi nna n yige ashi an doŋana be enɔ to; mbe kasha nɛ k maa chɛrga na malɛ wɔtɔ nna mbaanaayɔ.

²⁵ Mo e naa sa kusɔ keniso kikɛ ajibi jiso; mbe kasha nɛ k maa chɛrga na malɛ wɔtɔ nna mbaanaayɔ.

²⁶ Men baa di Ebɔrɛ nɛ e wɔ ebɔrɛso na epaŋ; mbe kasha nɛ k maa chɛrga na malɛ wɔtɔ nna mbaanaayɔ.