Nshɛ 130 - EBƆRƐ BE KAWƆLKeyirda Ebɔrɛ tɔrɔ be jemanɛ be asheŋ 1 O Enyɛnpe Ebɔrɛ, tɔrɔ damta to nɛ n wɔ shu a tre fo. 2 Nu ma kekule, nseŋ wu ma kuwɔr n chɛ ma to! 3 Nɛ fo Enyɛnpe Ebɔrɛ na daa sibɛ alubi a nase nna, esa kikɛ daa maaŋ ji n lar fo demuji to. 4 Ama fee ta anyi be alubi a paŋ anyi nna; saŋɛ na so kɔnɔ beeŋ mɔ anyi ashi fo anishito. 5 Ma kagbene kikɛ nɛ ŋ kɔ a jo Enyɛnpe Ebɔrɛ na! Ma tama kikɛ malɛ wɔ mbe kamalga na to nna. 6 Mee keni Enyɛnpe Ebɔrɛ na ekpa kenishipereso nna, fanɛ kananɛ esa nɛ e chena a da asɔ so bee keni karechɛ ekpa na. Kashenteŋto, mee keni mo ekpa a chɔ kananɛ esa nɛ e da asɔ so bee keni karechɛ ekpa na. 7 Israɛlebi, men yirda Enyɛnpe Ebɔrɛ na! Ŋkpal manɛ so, mbe kasha nɛ k maa chɛrga na maa loge kikɛ; mo alɛ kɔ eleŋ nɛ e tiŋ m mɔlga menyi. 8 Israɛlebi, Enyɛnpe Ebɔrɛ na beeŋ mɔlga menyi ashi menyi be alubi kikɛ to. |
© 2015 GILLBT Ghana Institute of Linguistics, Literacy and Bible Translation