Nshɛ 129 - EBƆRƐ BE KAWƆL

Kekule Ebɔrɛ n fin kekuŋ be asheŋ

¹ Ma kebia to kikɛ, bedoŋ baa kɔ ma nna! Amoso ekama nɛ e wɔ Israɛl e kaŋɛ le:

² “Ma kebia to kikɛ, bedoŋ baa kɔrfɛ ma nna! Ama bumo alɛ maŋ tiŋ m pɔ ma so.

³ Baa chaŋɛ a chaŋɛ ma kaman nna, fanɛ kananɛ baa baŋɛ mburbi kudɔsawule so na.

⁴ Ama Enyɛnpe Ebɔrɛ nɛ e niŋi kusɔ kama to na tuge ma ashi kumukpakpasowuraana be afɔl so.

⁵ Ebɔrɛ e shin nɛ bekama nɛ b kishi Jerusalɛm nɛ k yil Zayɔn be kebee so na e ji anishinyɔr nseŋ bɛta bumo be ayamu so n shile.

⁶ Ebɔrɛ e shin nɛ b wu nsaa maaŋ nya n daŋ fanɛ afitiri nɛ a kɔr ebuuso na.

⁷ Ekama maa ku amo ere a gama abar so a sulɔ fanɛ atembɔ.

⁸ Esa kama malɛ nɛ e bɔla bumo ase a choŋ e sa maŋ kaŋɛ le: ‘Enyɛnpe Ebɔrɛ e nɛfa menyi! Ŋko mee nɛfa menyi ashi Enyɛnpe Ebɔrɛ be ketre to nna!’ ”