Nshɛ 128 - EBƆRƐ BE KAWƆL

Tɔnɔ nɛ k wɔ kewora Ebɔrɛ kasonu to asheŋ

¹ Enyɛnpe Ebɔrɛ na beeŋ nɛfa ekama nɛ e bee nu a sa mo nsaa wora asheŋ a bɛ mbe mbra be ekpa so na.

² E beeŋ ji mbe kegben be tɔnɔ; asheŋ beeŋ baa nite nɛnɛ a sa mo nɛ mbe kagbene e fuli mo.

³ Mbe eche beeŋ baa du fanɛ kedibisɔrso nɛ k bee sɔr ga ashi mbe laŋ to. Mbe mbia malɛ beeŋ baa du fanɛ ɔlif be ndibi popɔrbi m bɔlɔ laŋ.

⁴ Kananɛ Enyɛnpe Ebɔrɛ na bee nɛfa esa kama nɛ e bee nu a sa mo nna na.

⁵ Ma kabɔrɛkule e la fanɛ, Enyɛnpe Ebɔrɛ na e shi Zayɔn be kebee na so n nɛfa fo ashi fo kebaawɔtɔ kikɛ to; nseŋ shin nɛ Jerusalɛm be kadegboŋ na e nyalɛ.

⁶ Ebɔrɛ e sa fo ŋkpa tenteŋ nɛ fo chɛr nseŋ wu fo nanabiana kenishiso. Kayurwushi e baa wɔ Israɛl be basa so!