Nshɛ 127 - EBƆRƐ BE KAWƆLKekpaŋ Ebɔrɛ ŋkpal mbe alelasheŋ so be asheŋ 1 Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna. 2 Kewule ŋ koso a shuŋ a fin kusɔ jiso hale nɛ saŋko e ya fo na gba la jiga nna; Ŋkpal manɛ so, Enyɛnpe Ebɔrɛ na e naa sa basa nɛ e bee sha asɔ jemanɛ nɛ b dese a di gba. 3 Enyɛnpe Ebɔrɛ na e naa sa basa mbia, nɛ mbia na e baa la nɛfa n sa bumo. 4 Mbia nɛ esa beeŋ nya jemanɛ nɛ e kraa kɔ eleŋ na, du fanɛ enapo be akɔsɔ nna. 5 Kagbenefuli la ekama nɛ e kɔ mbia damta na peya nna, ŋkpal manɛ so, baaŋ kuŋ mo, jemanɛ nɛ mo doŋana beeŋ tu mo a ji asheŋ ashi demujikpa na. |
© 2015 GILLBT Ghana Institute of Linguistics, Literacy and Bible Translation