Nshɛ 126 - EBƆRƐ BE KAWƆLKasɔteŋi be jemanɛ be kayurji be asheŋ 1 Enyɛnpe Ebɔrɛ ka daŋ bɛta anyi n shi kenyaya to m ba Jerusalɛm to, k daŋ wora anyi nna fanɛ edare nɛ anyee ku. 2 Emushe nɛ kagbenefuli be nshɛ nɛ an daŋ ta n ji eyur. Ndoŋ nna nɛ efuli pɔtɛana be basa ji anyi be asheŋ ŋ kaŋɛ le: “Enyɛnpe Ebɔrɛ e wora asheŋgboŋ n sa mbe basa na.” 3 Kashenteŋto nɛ e wora asheŋgboŋ n sa anyi; nɛ anyi alɛ be ŋgbene fuli anyi alegaiso! 4 O Enyɛnpe Ebɔrɛ, anyee kule fo nna nɛ fo naŋ bɛta n nɛfa anyi be basa nseŋ shin nɛ an baa du fanɛ keshishɛrsawule so be mbombi nɛ e bee bɔlɔ nchu a shile kafɛ kikɛ. 5 Shin nɛ bekama nɛ baa gben a du asɔduu so na, e teŋi amo nɛ kagbenefuli nseŋ ji eyur. 6 Shin nɛ bekama nɛ baa gben a sulɔ bumo be asɔduu so a yɔ nɛ keduu to na, e ta kagbenefuli be nshɛ n ya teŋi amo n sulɔ m ba epe. |
© 2015 GILLBT Ghana Institute of Linguistics, Literacy and Bible Translation