Nshɛ 125 - EBƆRƐ BE KAWƆL

Ebɔrɛ be basa ka nya bumo be amu be asheŋ

¹ Bekama nɛ b yirda Enyɛnpe Ebɔrɛ na, du fanɛ Zayɔn be kebee na nna ashi Jerusalɛm to, nɛ k maa gbuŋgbuŋ na nna. K yil nna mbaanaayɔ.

² Enyɛnpe Ebɔrɛ na e kulti mbe basa n wɔtɔ a kuŋ bumo, fanɛ kananɛ abee ana na kulti Jerusalɛm n wɔtɔ na.

³ E maaŋ shuli n shin nɛ kumukpakpasowuraana e ji kuwura mbe basa so, ŋko n fule bumo nɛ b wora alubi.

⁴ Men shin nɛ an kule Enyɛnpe Ebɔrɛ fanɛ e baa wora bekama nɛ baa wora alelasheŋ nsaa wora mbe mbraana kasonu nɛnɛ na kelela.

⁵ Enyɛnpe Ebɔrɛ na baa gberge kumukpakpasowuraana kusoe, e beeŋ gberge bekama nɛ b yige mbe ekpaana n lɛ gba kusoe. Kayurwushi e baa wɔ Israɛl be basa so!