Nshɛ 123 - EBƆRƐ BE KAWƆL

Kekule n fin Ebɔrɛ be kuwɔrwu be asheŋ

¹ O an Nyɛnpe Ebɔrɛ, ma anishi yuu fo, nɛ fo kuwurputi wɔ ebɔrɛso na so nna.

² Mbita bee keni bumo b bechepeana be anishito nna. Ama anyi ere bee keni fo, Enyɛnpe, anyi be Ebɔrɛ na, nɛ fo wu anyi kuwɔr nna.

³ Enyɛnpe Ebɔrɛ, wu anyi kuwɔr! An ji katege nɛ baa tege anyi na be kanyiti n chɛr ga.

⁴ Kamoowuwuraana wora anyi eyurto, nseŋ fɛl anyi n chɛr nɛ an wora ania n ji kumo be kanyiti.