Nshɛ 122 - EBƆRƐ BE KAWƆL

Ewura Deevid be kapandi be kashɛ be asheŋ

¹ Ma kagbene daŋ fuli nna ga ŋkpal b ka kaŋɛ ma le so: “An yɔ Enyɛnpe Ebɔrɛ na pe!”

² Naniere an yil Jerusalɛm be kadegboŋ na to be mbunagboŋ na ase nna.

³ B pɔr Jerusalɛm fanɛ kadegboŋ nɛ k tir abar to a walɛ kebita nna.

⁴ K la kakpa nɛ Israɛl be eyiriana na bee wora Enyɛnpe Ebɔrɛ kasonu nna, nsaa ba ndoŋ m baa kaa di mo epaŋ.

⁵ Ndoŋ nɛ Israɛl be bewura bee chena a ji bumo be basa demu.

⁶ Men kule kayurwushi n sa Jerusalɛm; saŋɛ na so, asheŋ beeŋ nite nɛnɛ n sa bekama nɛ b kɔ kasha n sa kumo na.

⁷ Ebɔrɛ e shin nɛ kayurwushi e baa wɔ kadegboŋ na to; e shin nɛ kayurwushi e baa wɔ ndoŋ be ewurkpaana.

⁸ Mee kule kayurwushi nna a sa Jerusalɛm ŋkpal ŋ kurgepoana nɛ nteriana so.

⁹ Ŋkpal Enyɛnpe anyi be Ebɔrɛ be lambu na so, nɛ mee kule Ebɔrɛ a fin kadegboŋ na be nɛnɛ na.