Nshɛ 114 - EBƆRƐ BE KAWƆL

Enyɛnpe Ebɔrɛ na ka bee wora emamachisheŋ be asheŋ

¹ Jemanɛ nɛ Israɛl be basa lar basa nɛ baa gbar ŋgbar pɔtɛ ashi Ijipt be efuli so to na,

² Juda be kebonfu nɛ Ebɔrɛ daŋ ta ŋ ki mbe kakpa cheembi, nsaa wɔ ndoŋ a ji kuwura Israɛl be kasawule kikɛ so.

³ K daŋ wora fanɛ Teku Peper na ka wu Ebɔrɛ nna nseŋ ku to, nɛ Jɔɔdan be Lɔr na malɛ wu mo nseŋ shir n yili.

⁴ Nɛ kewora fanɛ abeegboŋ nɛ abeebi ka bee tɛto a kulti fanɛ mbolpɔbi na.

⁵ Bishi teku na kusɔ nɛ k ba nɛ k sa ekpa, ŋko Jɔɔdan be Lɔr na manɛ nna nɛ k maŋ naŋ tiŋ nɛ k shile?

⁶ Bishi abeegboŋ nɛ abeebi na, fanɛ, manɛ nna nɛ a bee tɛto a kulti fanɛ mbolpɔbi?

⁷ Enyɛnpe Ebɔrɛ nɛ men nananyɛn Jeekɔb shuŋ dra na baŋ firgi n taga to, kasawule bee gbuŋgbuŋ nna;

⁸ ŋkpal manɛ so, mo e naa shin nɛ kefalta kpakpaso bee pante a lar nchu nɛ a bee dese fanɛ kepa ŋko a shile fanɛ kabombi na.