Nshɛ 113 - EBƆRƐ BE KAWƆL

Enyɛnpe Ebɔrɛ na ka bee chɛ betentaŋasepo to be asheŋ

¹ Men kpaŋ Enyɛnpe Ebɔrɛ na awɔrso! Menyi nɛ menyee shuŋ Enyɛnpe Ebɔrɛ na, e kpaŋ mbe ketre na.

² Men shin nɛ basa kikɛ e baa kpaŋ Enyɛnpe Ebɔrɛ na be ketre naniere hale mbaanaayɔ.

³ Baŋ yili karechɛ kikɛ be kachipurso n ya fo kaaseso, ekama e baa kpaŋ Enyɛnpe Ebɔrɛ na be ketre!

⁴ Enyɛnpe Ebɔrɛ na e naa ji kuwura efuliana na kikɛ so; mbe kemaŋkura shi a chɔ esoso be asɔ kikɛ peya.

⁵ Esa kikɛ maaŋ tiŋ n ta mbe kumu m ber Enyɛnpe anyi be Ebɔrɛ na. Mo e chena mbe kuwurputi so ebɔrɛso

⁶ nsaa kurgi kumu a keni awɔlpa nɛ kasawule nɛ a wɔ mbe kaseto na.

⁷ Ebɔrɛ e naa lara betirpo nɛ betentaŋasepo ashi ketir nɛ ketentaŋase to

⁸ nsaa shin nɛ baa tu mbe basa nɛ be la bewurbi na a chena a ji kekurge.

⁹ Eche kilpo baa maa kɔ mbia, Ebɔrɛ e naa nɛfa mo nɛ e bee nya mbia nɛ mbe kagbene e fuli. Men kpaŋ Enyɛnpe Ebɔrɛ na!