Nshɛ 110 - EBƆRƐ BE KAWƆLEnyɛnpe Ebɔrɛ be ewura laraso na be asheŋ 1 Nɛ Enyɛnpe Ebɔrɛ na kaŋɛ n nyɛnpe, ewura na le: “Chena ma jisa so hale nɛ n ya shin nɛ fo ji eleŋ fo doŋana so.” 2 Enyɛnpe Ebɔrɛ na beeŋ n shin nɛ fo kuwurji be eleŋ e shi Jerusalɛm n salga to, hale nɛ fo ji kuwura fo doŋana so. 3 Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ. 4 Enyɛnpe Ebɔrɛ na nase kɔnɔ nɛ k maaŋ chɛrga kikɛ. E yɛ: “Feeŋ baa la bɔrɛmatapo mbaanaayɔ, fanɛ Mɛlkizedɛk nɛ e daa la bɔrɛmatapo na.” 5 Enyɛnpe Ebɔrɛ na wɔ fo jisa so nna; kachɛ nɛ e beeŋ nya agbo, e beeŋ pɔɔ bewura pɔtɛana so. 6 E beeŋ ji basa nɛ b wɔ efuli pɔtɛana so demu nseŋ shin nɛ bumo be basa e wu n deŋi abar so kasawule ere so. 7 E beeŋ nuu kabombi nɛ k dese ekpakar na be nchu; E beeŋ baa nya eleŋ a kɔ a pɔɔ so jemanɛ kikɛ. |
© 2015 GILLBT Ghana Institute of Linguistics, Literacy and Bible Translation