Nehemaya 11 - EBƆRƐ BE KAWƆL

Basa nɛ b naaŋ ba chena Jerusalɛm to na be asheŋ

¹ Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.

² Ndoŋ nna nɛ basa na nɛfa bekama nɛ b shuli fanɛ bumo ere beeŋ yɔ Jerusalɛm n ya chena na.

³ Bekama nɛ b wɔ nde nɛ a wɔ Juda be efuli so na daŋ chena bumo gbagba be nsawule so nna ashi bumo be nde to nsaa ji bumo be amu so. Bumo e daa la Israɛlebi na be beko nɛ bɔrɛmatapoana na nɛ Livaiebi na nɛ bɔrɛlambu na to be beshumpo na nɛ ewura Sɔlɔmɔn be nyɛrbi be kaman to ebi.

⁴ Juda mo nanabiana nɛ Bɛnjamin mo nanabiana ko daa wɔ Jerusalɛm to nna. Juda be kanaŋ to ebi nɛ b daŋ chena Jerusalɛm to na e daa la Ataya nɛ mo tuto la Uzaya nɛ mo alɛ mo tuto la Zakareya nɛ mo alɛ mo tuto la Amariya nɛ mo alɛ mo tuto la Shefatiya nɛ mo alɛ mo tuto la Mahalalɛl nɛ e la Pɛrez be kanaŋ to be esa na;

⁵ nɛ Maaseia nɛ mo tuto la Baruk nɛ mo alɛ mo tuto la Kolhoze nɛ mo alɛ mo tuto la Hazaya nɛ mo alɛ mo tuto la Adaya nɛ mo alɛ mo tuto la Joarib, nɛ mo alɛ mo tuto la Zakareya nɛ e la Shela be kanaŋ to be esa na.

⁶ Pɛrez mo nanabiana nɛ b daŋ chena Jerusalɛm daa la basa lempo alfa ana nɛ adeshe nɛ aburwa nna.

⁷ Bɛnjamin malɛ be kanaŋ to ebi e daa la Saalu nɛ e la Mɛshulam pibinyɛn nɛ mo nanabi malɛ la Joɛd na. Mbe kanaŋ to be basa ko malɛ e daa la Pɛdaya nɛ Kolaya nɛ Maaseia nɛ Itiɛl nɛ Jeshaya.

⁸ Gabai nɛ Salai malɛ la basa nɛ bumo nɛ Sallu be kukurge mata abar nna nɛnɛ. Bumo be kanaŋ to ebi kikɛ la basa alfa akpanu nɛ adunyɔ aburwa nna.

⁹ Zikri pibinyɛn Jowɛl e daa la bumo be ejuŋkparpo nɛ Hassenua pibinyɛn Juda malɛ la bumo be krachigboŋ nyɔsopo mo nɛ e bee keni bumo be kadegboŋ na so.

¹⁰ Bɔrɛmatapoana bena e chena Jerusalɛm to. Emo nɛ e juŋkpar e la Jedaya nɛ mo tuto la Joarib nɛ mo tutokar la Jakin na.

¹¹ Enyɔsopo e daa la Seria nɛ mo tuto la Hilkiya nɛ mo alɛ mo tuto la Mɛshulam nɛ mo alɛ mo tuto la Zadɔk nɛ mo alɛ mo tuto la Meriɔf nɛ mo tuto la Ahitub nɛ e daa la bɔrɛmatapo nimuso na.

¹² Bɔrɛlambu na to be beshumpo kikɛ daa la basa alfa aburwa nɛ adunyɔ nɛ anyɔ nna. Esasopo e daa la Jeroham pibinyɛn, Adaya nɛ mo nanaana la Pɛlaliya, nɛ Amzi nɛ Zakareya nɛ Pasha nɛ Malkija.

¹³ Bumo nɛ b la kanaŋ na to be benimu kikɛ la basa alfa anyɔ nɛ adena nɛ anyɔ nna. Bɔrɛmatapo nasopo e la Azarɛl pibinyɛn Amaslisa. Mo nanaana e daa la la Azai nɛ Meshlemɔf nɛ Imma.

¹⁴ Bumo be kabuna ebi kikɛ daa la basa kalfa nɛ adunyɔ nɛ aburwa nɛ esa beeŋ tiŋ n yirda bumo kashenteŋto. Bumo ejuŋkparpo e daa la Zabdiɛl, Hegalion pibinyɛn.

¹⁵ Livaiebi damta e daŋ chena Jerusalɛm to. Emo nɛ ejuŋkparso e la Hashub pibinyɛn, Shemaya nɛ mo nananyɛnana la Azrikam nɛ Hashabia nɛ Buuni.

¹⁶ Bumo nɛ b bɛ so e la Shabbeta nɛ Jozabad nɛ b daa la Livaiebi na be benimu nsaa keni bɔrɛlambu na be kowushina be ashuŋ so na.

¹⁷ Mika pibinyɛn Mataniya malɛ gba daŋ ti Livaiebi na so. Mo nananyɛnana e daa la Zaabdi nɛ Asaf. Mataniya e daa juŋkpar bɔrɛlambu na to be beshɛbompo be katuŋ nɛ baa bunyaŋ Ebɔrɛ na. Esa nɛ e daa sɔ Mataniya so e la Bakbukia. Shamua malɛ pibinyɛn Abda nɛ e la Galal mo nanabiana gba daa la Livaiebi nɛ b chena Jerusalɛm to na be eko nna. Le be Galal ere shi Jedutum be kanaŋ to nna.

¹⁸ Livaiebi nɛ b daa wɔ Jerusalɛm to na kikɛ daa la basa alfa anyɔ nɛ aduburwa nɛ ana nna.

¹⁹ Basa nɛ b daa keni mbunaana na so na malɛ e daa la Akuub nɛ Taalmɔn nɛ mo kurgepoana. B daa la basa kalfa nɛ adushunu nɛ anyɔ nna.

²⁰ Israɛlebi be basa nɛ b ka na nɛ bɔrɛmatapoana nɛ Livaiebi na kikɛ da chena bumo be amu so nna ashi Juda be efuli so be nde to.

²¹ Jerusalɛm to be kaba nɛ baa tre Ofɛl na, nɛ bɔrɛlambu na to be beshumpo kikɛ na daa wɔ. Ziha nɛ Gishpa malɛ e daa la bumo be bejuŋkparpo.

²² Bani pibinyɛn mo nɛ baa tre Uzzi nɛ e la Hashabia mo nanabi na e daa keni bumo so ashi Jerusalɛm. Mo nananyɛnana e la Mataniya nɛ Mika nɛ b shi Asaf be kanaŋ to nsaa la bɔrɛlambu na to be beshɛbompo be enimu.

²³ Ewura daŋ nase mbra nna n sa bumo a ŋini kananɛ baaŋ baa juŋkpar nshɛ kebɛso kebɛso ashi bɔrɛlambu na to karechɛ kama.

²⁴ Mɛshezabel pibinyɛn Pethalia nɛ e shi Zeera be kanaŋ to nsaa la Juda be yiri to be esa na e daa yili Israɛlebi be katelamu to ashi Pɛshiya be efuli so be ewurgboŋ be lambu to.

Basa nɛ b wɔ nde pɔtɛ to be asheŋ

²⁵ Basa na be beko daa wɔ ndegboŋ nɛ a mata bumo be ndɔana to na nna. Juda be yiri to ebi daa wɔ Kiriaf Aba nɛ Dibɔn nɛ Jekabzeel nɛ

²⁶ Joshuwa nɛ Molada nɛ Befpɛlɛt

²⁷ nɛ Hazashuwal nɛ Bɛshiba nɛ

²⁸ nɛ Ziklag nɛ Mɛkona

²⁹ nɛ Envimɔn nɛ Zora nɛ Jamaf

³⁰ nɛ Zanua nɛ Adulam nɛ Lakish nɛ Azika. Ndeana ere kikɛ daa dese Bɛshiba nɛ k wɔ kelargato be kaseto be kaba so nna hale n ya lar Hinnɔm be ketaŋɛ nɛ k wɔ kelargato be esoso ashi Jerusalɛm be kekel to na.

³¹ Nde nɛ Bɛnjamin be yiri to ebi malɛ daa wɔ e la Geeba nɛ Mikmash nɛ Ai nɛ Bɛtɛl nɛ kumo be ndewurbi nɛ

³² Anatɔf nɛ Nɔb nɛ Anani

³³ nɛ Hazɔɔ nɛ Rama nɛ Gitaɛm,

³⁴ nɛ Hadid nɛ Zebotim nɛ Nebalaat

³⁵ nɛ Lɔd nɛ Ono, nɛ ketaŋɛ nɛ baa tre Enɔto be beshumpo be Ketaŋɛ na.

³⁶ B daŋ yɛr Livaiebi nɛ b daa wɔ Juda be kebonfu to na be galeŋga nna nɛ b ya tu Bɛnjamin be basa na n chena.