Nehemaya 10 - EBƆRƐ BE KAWƆL

¹ Basa nɛ b daŋ yisi enɔ nɛ ŋkre na yili e la Hakalia pibinyɛn Nehemaya nɛ e la gomena na nɛ Zɛdikaya nɛ bɔrɛmatapoana

^2-8 Seria nɛ Azariya nɛ Jɛremaya, nɛ Paasha nɛ Amariya nɛ Malkija nɛ Haatush nɛ Shebania nɛ Maluk nɛ Harim nɛ Meremɔf nɛ Obadaya nɛ Danɛl nɛ Ginetɔn nɛ Baruk nɛ Mɛshulam nɛ Abija nɛ Mijamin nɛ Mazia nɛ Bilgai nɛ Shemaya.

⁹ Livaiebi nɛ bumo alɛ gba yisi enɔ e la, Azariya pibinyɛn Joshuwa nɛ Binui nɛ e shi Henadad Kadmiɛl be kabuna,

¹⁰ nɛ mo kurgepoana la Shebania nɛ Hodia nɛ Kalita nɛ Pelaya nɛ Hanan

¹¹ nɛ Maika nɛ Rehɔb nɛ Hashabia

¹² nɛ Zakɔɔ nɛ Sherebia nɛ Shebania

¹³ nɛ Hodia nɛ Bani nɛ Beninu na.

¹⁴ Bejuŋkparpo na malɛ e daa la Parosh nɛ Pahaf Mowab nɛ Elaa nɛ Zaatu nɛ Bani,

¹⁵ nɛ Buuni nɛ Azgad nɛ Bebai,

¹⁶ nɛ Adonija nɛ Bigvai nɛ Adin,

¹⁷ nɛ Atɛr nɛ Hɛzekaya nɛ Azzu,

¹⁸ nɛ Hodia nɛ Haashum nɛ Bɛzai,

¹⁹ nɛ Harif nɛ Anatɔf nɛ Nebai,

²⁰ nɛ Magpiash nɛ Mɛshulam nɛ Heza,

²¹ nɛ Meshezabe nɛ Zadɔk nɛ Jadua,

²² nɛ Pelatia nɛ Hanan nɛ Anaya,

²³ nɛ Hoshia nɛ Hananiya nɛ Hashuub,

²⁴ nɛ Halohɛsh nɛ Pilha nɛ Shobek,

²⁵ nɛ Rehum nɛ Hashabna nɛ Maaseia,

²⁶ nɛ Ahia nɛ Hanan nɛ Anan,

²⁷ nɛ Maluk nɛ Harim nɛ Baana.

Kɔnɔkoŋwule be ŋkre be asheŋ

^28-29 Anyi Israɛlebi na kikɛ, ta bɔrɛmatapoana nɛ Livaiebi nɛ bɔrɛlambu to be bekumpo na nɛ beshɛbompoana na nɛ bɔrɛlambu to be beshumpo na nɛ bejuŋkparpoana na n ta anyi be beche nɛ mbia nɛ b daŋ kikɛ n ti so, barga anyi be amu ashi befɔ nɛ b wɔ kasawule ere so to nna. Naniere an wora kɔnɔkoŋwule nna fanɛ anyeeŋ pin kusɔ nɛ anyee wora to nɛnɛ. Amoso nɛ an baŋ maŋ naŋ wora Enyɛnpe anyi be Ebɔrɛ na be mbra nɛ keŋini nɛ e ta m bɔla mbe kayɛrbi Mosis so n sa anyi na kasonu, kumo ere Ebɔrɛ be kɔnɔsho e ba anyi so.

³⁰ Anyi maaŋ shin nɛ anyi be mbicheso e kil befɔ.

³¹ Anyi alɛ maaŋ tɔ asɔ, hale ajibi jiso gba esa kikɛ kutɔ Kewushiachɛ na ŋko kachɛ cheembi kikɛ. Kafɛ shunusopo kikɛ, anyeeŋ shin nɛ anyi be adɔsawule e dese n wushi. Anyi alɛ beeŋ ta basa be akɔ nɛ b ji anyi ŋ kɛ bumo loŋ be jemanɛ na.

³² An yili kumo nna fanɛ kafɛ kikɛ anyeeŋ sa gbiti be ndarbi gbrɛbi n chɛ Ebɔrɛ be lambu to be kushuŋ to.

³³ Amansherbi na beeŋ chɛ to ŋ ka ebodobodo cheembi na nɛ karechɛ kikɛ be esarga chɔɔso nɛ ayu be esarga na nɛ esargagboŋ nɛ baa lara Kewushiachɛ nɛ Kufɔl Popɔr be Kachɛgboŋ nɛ nchɛgboŋ nɛ a ka na kikɛ be kukɔ. Amo alɛ beeŋ naŋ ka anyi be alubi be ketampaŋ be esarga nɛ kabɔrɛshuŋ be kukɔ kikɛ ashi bɔrɛlambu na to.

³⁴ Anyi alɛ naŋ yili kumo fanɛ kafɛ kikɛ bɔrɛmatapoana na nɛ Livaiebi nɛ basa na to be bebɔlpo na be nnaŋ to be basa beeŋ baa bar ndibi puga edɛ bɔrɛlambu na to nna, saŋɛ na so baaŋ tiŋ a lara esarga bɔrɛsure na so, fanɛ kananɛ Enyɛnpe Ebɔrɛ na yili kumo na.

³⁵ Kafɛ kikɛ anyeeŋ baa bar anyi be ayu nɛ asɔrso nɛ an juŋkpar n teŋi ŋko n chuge, bɔrɛlambu na to.

³⁶ Anyi alɛ beeŋ naŋ bar an gbagba be ewurkoŋ nyɛnso nɛ anyi be ana nɛ mbolpɔ nɛ mboe be ewurkoŋ nyɛnso bɔrɛlambu na to m ba sa bɔrɛmatapoana nɛ baa shuŋ ndoŋ na nɛ b ta m bɔɔ Ebɔrɛ enɔ. Ŋkpal manɛ so, kusɔ nɛ k sibɛ a dese Ebɔrɛ be mbra to nna na.

³⁷ Anyi alɛ beeŋ naŋ bar aboyu nyifu nɛ an fara ŋ kɔr m ba sa bɔrɛmatapoana na ashi bɔrɛlambu na to. Amo nɛ asɔrso nɛ a walɛ ga na nɛ yabra popɔr nɛ ɔlif be ŋku. Anyeeŋ bar anyi be ayu teŋiso be kudu kudusopo m ba sa Livaiebi nɛ baa nite a sɔ asɔ ashi ndeana na to na.

³⁸ A daga bɔrɛmatapo nɛ e shi Ɛɛrɔn be kanaŋ to ka wɔtɔ jemanɛ nɛ Livaiebi na beeŋ sɔ kudukudusopo na ashi nde nɛ baa shuŋ to na kikɛ. Kumo be kaman nɛ Livaiebi na gba e lara bumo be kudukudusopo m ba sa Ebɔrɛ ashi mbe bɔrɛlambu nɛ kumo be ebu nɛ baa yili bumo be ajibi nɛ asɔwurbi na to.

³⁹ Israɛl be basa nɛ Livaiebi na daga fanɛ b bar bumo be nyifu nɛ asɔnuuso, nɛ ɔlif be ŋku kakpa nɛ baa yili bɔrɛlambu na to be asɔ nɛ b kɔ a daŋɛ nɛ asɔ jito na. Bɔrɛlambu na be kakpa nɛ bekenipo nɛ beshɛbompoana nɛ bɔrɛmatapoana na wɔ na. Anyi maaŋ kplaŋ anyi be Ebɔrɛ na be bɔrɛlambu so kikɛ.