Jɛremaya 45 - EBƆRƐ BE KAWƆL

Ebɔrɛ ka nase kɔnɔ n sa Baruk be asheŋ

¹ Jehowakim nɛ e la ewura Josaya pibinyɛn na ka ji Juda be kuwura be kafɛ nasopo to nɛ Baruk sibɛ kusɔ nɛ ŋ kaŋɛ mo na n nase. Kumo be kaman nɛ ŋ kaŋɛ mo

² kusɔ nɛ Enyɛnpe, Israɛl be Ebɔrɛ na bee kaŋɛ mo ere Baruk na gbagba.

³ E yɛ: “Baruk, fee kaŋɛ le: ‘M maaŋ naŋ wora shɛŋ! Enyɛnpe Ebɔrɛ na shin nɛ ma etɔrɔbi naŋ ti so nna. M baŋ shu nna n ya gben. M maaŋ naŋ tiŋ n shu gba!’

⁴ Ama ma, Enyɛnpe Ebɔrɛ na bee bure kusɔ nɛ m pɔr na nna nsaa gberge kusɔ nɛ n duu a tia ashi durnya kikɛ to.

⁵ Fo ere bee fin asheŋgboŋ nna a sa fo kumu a? Yige amo be kefin. Ŋkpal manɛ so, meeŋ shin nɛ edimɛdi kikɛ e ji jɛrbi, ama kaplɛkama nɛ fo ere yɔ, feeŋ nya n shile m mɔlga fo kumu n ji efute. Ma, Enyɛnpe Ebɔrɛ e kaŋɛ na.”