Jɛnesis 36 - EBƆRƐ BE KAWƆL

Isɔɔ mo nanabiana be asheŋ

¹ Isɔɔ nɛ mo koŋwule na la Edɔm na be kaman to ebi nde.

² Isɔɔ daŋ ta beche nna ashi Keenanebi na to. Bumo e daa la Ada, Ilɔn nɛ e la Hitebi be esa na pibi, nɛ Oholibama, Ana pibi, mo alɛ nseŋ naa la Zibiɔn mo nɛ e la Hivebi be esa na mo nanabi.

³ Isɔɔ be eche sasopo malɛ e daa la Basemat nɛ mo sipo la Nabaiɔt nɛ bumo tuto la Ishmaɛl na.

⁴ Ada pibi e daa la Elifas nɛ Basemat malɛ pibi daa la Ruwɛl.

⁵ Nɛ Oholibama malɛ be mbia daa la Jewush nɛ Jalam nɛ Koora. Isɔɔ be bibinyɛn nɛ b daŋ kurge n sa mo Keenan be efuli so nna na.

⁶ Isɔɔ daŋ keta mbe beche nɛ mbe bibinyɛn nɛ mbe bibiche nɛ mbe laŋ to ebi kikɛ nɛ mbe asɔbɔya nɛ mbe kanya nɛ e nya ashi Keenan be efuli so na kikɛ nna m barga Jeekɔb n ya chena kasawule ko so.

⁷ Bumo be kanya nɛ b daa kɔ na daa shi nna ga, loŋ so nɛ b daa maŋ tiŋ n chena abar so na. Kasawule nɛ b daŋ chena so na malɛ daa maŋ tiŋ n sɔ bumo kikɛ ŋkpal bumo be asɔbɔya na so.

⁸ Amoso Isɔɔ nɛ mo koŋwule na la Edɔm na, daŋ ya chena Edɔm be efuli so be abee to nna.

⁹ Isɔɔ nɛ e la Edɔmebi bumo tuto na be asheŋ nde. E daa wɔ Edɔm be efuli so be abee to nna.

¹⁰ Isɔɔ be mbinyɛnbi be atre nde: Elifas nɛ mo nio la Ada na, nɛ Ruwɛl nɛ mo nio la Basemat na.

¹¹ Elifas malɛ be mbinyɛnbi nde: Teman nɛ Omaa nɛ Zefo nɛ Gatam nɛ Kenas.

¹² Isɔɔ pibi Elifas gba daa kɔ ejipoche ko nɛ baa tre mo Timna nɛ mo nɛ Elifas kurge Amalɛk. Isɔɔ be eche Ada mo nanabiana nna na.

¹³ Ruwɛl be mbia nde. Nahat nɛ Zera nɛ Shaama nɛ Miza. Isɔɔ be eche Basemat mo nanabiana nna na.

¹⁴ Isɔɔ nɛ mbe eche Oholibama nɛ e la Ana pibi nsaa la Zibiɔn mo nanabi na malɛ be mbinyɛnbi nde: Jewush nɛ Jalam nɛ Koora.

¹⁵ Bewura nɛ b daa shi Isɔɔ be kanaŋ to nde. Bewura nɛ b daŋ shi Elifas nɛ e la Isɔɔ be wurkoŋ be mbinyɛnbiana to be eko daa la Teman nɛ Omaa nɛ Zefo nɛ Kenas

¹⁶ nɛ Koora nɛ Gatam nɛ Amalɛk. Bewura nɛ b daŋ lar Elifas be kanaŋ to ashi Edɔm be efuli so ashi Edɔm be efuli so nna na. B daa la Ada mo nanabiana nna.

¹⁷ Isɔɔ be kebia Ruwɛl be mbia nɛ b daŋ ki bewura nde: Nahat nɛ Zera nɛ Shaama nɛ Miza. Bewura nɛ b daŋ lar Ruwɛl be kanaŋ to ashi Edɔm nna na. B daa la Isɔɔ be eche Basemat mo nanabiana nna.

¹⁸ Isɔɔ be eche Oholibama be mbia nɛ b daŋ ki bewura nde: Jewush nɛ Jalam nɛ Koora. Bewura nɛ b daŋ lar Isɔɔ be eche Oholibama nɛ e la Ana pibi na to nna na.

¹⁹ Isɔɔ nɛ mo koŋwule la Edɔm na be mbia mo nɛ b daa la bewura nɛ bumo nɛ b daa maŋ la bewura nna na.

²⁰ Seyir nɛ e la Horaiebi be esa na be mbinyɛnbi nɛ b daa wɔ efuli na so nde. Lotan nɛ Shobal nɛ Zibiɔn nɛ Ana,

²¹ nɛ Dishɔn nɛ Ezaa nɛ Dishan. Seyir be mbia ere gba daa la Horaiebi be bewura nna ashi Edɔm be kasawule so.

²² Lotan be mbinyɛnbi e daa la Horai nɛ Homam. Timna malɛ daa la Lotan mo sipoche nna.

²³ Shobal be mbia e daa la Alvan nɛ Manahaf nɛ Ebal nɛ Shefo nɛ Onam.

²⁴ Zibiɔn malɛ be mbia e daa la Aya nɛ Ana. Le be Ana ere e daŋ fara n wu kabombi tushiso na ashi kiyi to saŋɛ nɛ e daa kpa mo tuto Zibiɔn be ekurma na.

²⁵ Ana malɛ be mbia e daa la Dishɔn nɛ Oholibama, nɛ e la Ana pibiche na.

²⁶ Dishɔn malɛ be mbia e daa la Hemdan nɛ Eshban nɛ Itran nɛ Keran.

²⁷ Ezaa malɛ be mbia e daa la Bilhan, Zafan nɛ Akan.

²⁸ Dishan malɛ be mbia e daa la Uz nɛ Aran.

²⁹ Le be basa ere malɛ e daa la Horaiebi na be bewura: Lotan nɛ Shobal nɛ Zibiɔn nɛ Ana

³⁰ nɛ Dishɔn nɛ Ezaa nɛ Dishan. Le be basa ere e daa ji Horaiebi be nde nɛ a chena ntuŋ ntuŋso na be kuwura ashi Edɔm be efuli so.

Edɔm be bewura be asheŋ

³¹ Le be bewura ere e daŋ ji kuwura ashi Edɔmebi na so pɔɛŋ nɛ Israɛlebi na be ekama fara a ji kuwura.

³² Bela nɛ e la Biyɔɔ pibi na e daŋ ji Edɔm be kuwura nɛ mbe kadegboŋ malɛ daa la Dinaba.

³³ Bela ka wu nɛ Jobaab nɛ e la Zera nɛ e shi Bozra na pibi ta kuwura na.

³⁴ Jobaab ka wu, Husham nɛ e shi Temanebi be kasawule so na malɛ e ta kuwura na.

³⁵ Husham ka wu nɛ Hadad nɛ e la Bedad nɛ e daŋ kɔ m pɔɔ Midianebi so ashi Mowab be efuli so na pibi e ta kuwura na. Mbe kadegboŋ e daa la Avif.

³⁶ Hadad ka wu nɛ Samla nɛ e shi Masreka na ta kuwura na.

³⁷ Samla ka wu nɛ Shawul nɛ e shi Rehobɔt nɛ k daa wɔ lɔrgboŋ nɛ baa tre Yufreetes na ase na malɛ ta kuwura na.

³⁸ Shawul ka wu, Baalhanan nɛ e la Akbɔ pibi na malɛ e ta kuwura na.

³⁹ Baalhanan, Akbɔ pibi ka wu nɛ Hadad ta kuwura na. Mbe kadegboŋ e daa la Pawu nɛ mbe eche malɛ be ketre daa la Mehetabel nɛ e la Matrɛd pibiche nsaa la Mezahab mo nanabi na.

⁴⁰ Bewura nɛ b daŋ lar Isɔɔ be kanaŋ to ashi ntuŋ so be atre nde: Timna nɛ Alvan nɛ Jetɛt

⁴¹ nɛ Oholibama nɛ Ila nɛ Pinɔn

⁴² nɛ Kenaz nɛ Teman nɛ Mibza

⁴³ nɛ Magdiel nɛ Iram. Bewura nɛ b daŋ ji kuwura kakpa nɛ b chena ashi Edɔm be kasawule so nna na. Kananɛ Isɔɔ, nɛ e la Edɔmebi bumo tuto, na be kaman to ebi be kuwurji be asheŋ nite nna na. Kananɛ Edɔmebi nɛ b la Isɔɔ na be kaman to ebi lar nna na.