Jɛnesis 10 - EBƆRƐ BE KAWƆL

Nowa be kanaŋ to ebi be asheŋ

¹ Kananɛ Nowa be mbia Shɛm nɛ Ham nɛ Jafɛf be mbiaana be nnaŋ nite nde. Nchu ka daŋ ji durnya na be kaman pɔɛŋ nɛ Nowa be bibinyɛn na daŋ nya bibinyɛnana.

Basa nɛ b daŋ lar Jafɛf be kanaŋ to be asheŋ

² Jafɛf be bibinyɛn e daa la Gomɛr nɛ Magɔg nɛ Madai nɛ Javan nɛ Tubal nɛ Meshɛk nɛ Tiras.

³ Gomɛr malɛ be bibinyɛn e daa la Ashkenaz nɛ Raifat nɛ Togaama.

⁴ Javan malɛ be bibinyɛn e daa la Elaisha nɛ Taashish nɛ Kitebi nɛ Rodanebi.

⁵ Basa nɛ b daŋ n chena n chena teku be kɔnɔ na daŋ shi le be basa ere to nna. Bumo be ekama malɛ nɛ mbe kanaŋ e daa la nɛ bumo be ŋgbarana kɔr abar to.

Basa nɛ b daŋ lar Ham be kanaŋ to be asheŋ

⁶ Ham malɛ be mbia e daa la Kush nɛ Misraim nɛ Put nɛ Keenan.

⁷ Kush malɛ be bibinyɛn e daa la Seba nɛ Havila nɛ Sabta nɛ Raama nɛ Sabteka. Raama malɛ be bibinyɛn e daa la Sheba nɛ Dedan.

⁸ Kush be kebia ko gba e daa la Nimrɔd nɛ e daŋ ŋ ki durnya kikɛ to be ekɔpo gboŋ na.

⁹ E daa la ekpampogboŋ nna Enyɛnpetale Ebɔrɛ na be anishito, amoso nɛ b daa kaŋɛ le na: “Baa la ekpampogboŋ Enyɛnpetale Ebɔrɛ be anishito fanɛ Nimrod.”

¹⁰ Mbe efuli e daa la Babilɔn nɛ Erɛk nɛ Akad nɛ Kalne be nde nɛ a wɔ Babilɔn be efuli so na.

¹¹ E ka lar kasawule na so nɛ e yɔ Asiriya be kasawule so n ya fara Ninɛve nɛ Rehobɔt nɛ Ir nɛ Kala be nde.

¹² Kumo nɛ k daŋ naŋ ti so e daa la kade lempo nɛ baa tre Rezin nɛ k daa wɔ Ninɛve nɛ Kala be kefɛato na.

¹³ Basa nɛ baa tre Ludebi nɛ Anamebi nɛ Lehabebi nɛ Naftuebi na kikɛ daŋ shi Misraim nna.

¹⁴ Misraim koŋwule na to nɛ basa nɛ baa tre Patrɔsebi nɛ Kasluhebi nɛ Kaftorebi na gba daŋ shi. Filistiebi shi Kasluhe be basa na to nna.

¹⁵ Keenan be wurkoŋ e daa la Sidɔn. Keenan koŋwule na be mbia na to nɛ Hitebi

¹⁶ nɛ Jebusiebi nɛ Amɔriebi nɛ Gɛgashebi

¹⁷ nɛ Hivebi nɛ Aakebi nɛ Sinebi

¹⁸ nɛ Aavadebi nɛ Zimarebi nɛ Hamafebi kikɛ daŋ shi. Ndoŋ nna nɛ Keenan be kanaŋ to be basa pesaŋ to n sɔ kaplɛkama.

¹⁹ B yili Sidɔn n sɔ Gerar be kaba so loŋ n ya fo Gaaza nseŋ naŋ yili ndoŋ malɛ n sɔ Sodɔm nɛ Gomɔra nɛ Adma nɛ Zeboyim be kaba so loŋ n ya fo Lasha.

²⁰ Kananɛ Ham malɛ be kanaŋ to be asheŋ daŋ nite nde. Bumo to be kanaŋ kama nɛ kumo be ŋgbar, kekama malɛ nɛ kumo be kasawule nɛ efuli.

Basa nɛ b shi Shɛm be kanaŋ to be asheŋ

²¹ Shɛm nɛ e daa la Jafɛf mo sipo na e la Hibruwebi kikɛ bumo nananyɛn.

²² Shɛm be bibinyɛnana nɛ b daa la Elam nɛ Ashuur nɛ Aafaksad nɛ Lud nɛ Mɛsopoteemia na be atre e daŋ ba ki bumo be nnaŋ to ebi be atre.

²³ Mɛsopoteemia be bibinyɛnana e daa la Uz nɛ Huul nɛ Geter nɛ Meshɛk.

²⁴ Aafaksad pibinyɛn e daa la Shela nɛ mo alɛ pibinyɛn daa la Eber.

²⁵ Bibinyɛn anyɔ nɛ Eber daa kɔ. B daa tre eko Pɛlɛg, ŋkpal manɛ so, saŋɛ nɛ b daŋ kurge mo na, durnya to ebi daŋ barga to nna. Pɛlɛg mo sipo nɛ b daa tre Jɔktan.

²⁶ Jɔktan be bibinyɛn e daa la Almodad nɛ Shelef nɛ Hazarmavɛf nɛ Jera

²⁷ nɛ Hadoram nɛ Uzal nɛ Dikla

²⁸ nɛ Obal nɛ Abimaɛl nɛ Sheba

²⁹ nɛ Ɔfir nɛ Havila nɛ Jobaab. Bede kikɛ nyam daa la Jɔktan be mbia nna.

³⁰ Kakpa nɛ b daa wɔ na daŋ yili Mɛsha nna n dese loŋ n ya fo Sefar nɛ k wɔ epeŋipetekpa be abee to be efuli so na.

³¹ To, Shɛm be kanaŋ to ebi be kananɛ b lar nna na. Ekama nɛ mbe kanaŋ nɛ mbe ŋgbar nɛ mbe kasawule nɛ mbe efuli.

³² To, kananɛ Nowa be bibinyɛn nɛ bumo be kanaŋ to ebi lar n daa wɔ bumo be efuliana so nna na. Nchu ka ji durnya na be kaman Nowa be kaman to ebi ere e salga to n fara nde nɛ a ki efuliana durnya to.